Himani ndzi to mu ramba?

Lembe ni lembe hi maha mizamo yo engeteleka kasi ku ramba vanhu lezvaku va ta ti patsa na hina cialakanyisweni ca kufa ka Jesu. A ku tala ka vona vanhu hi nga va tiviko. Hi lava ku ramba kambe ni lava hi va tivako. A munhu loyi a amukelako cirambo hi ka munhu a mu tivako a kutala ka zvikhati i tolovela ku vhumela kuva kona. (yb08 11 ¶3; 14 ¶1) Hi vamani u nga va rambako?

• Maxaka

• Vatiri-kulobye kutani zvigondzani-kulobye

• Vaakelani

• Lava hi va endzelako, lava va nga hi zvigondzani zva hina zva Bhibhiliya ni lava ha ha gondzako navo

Ku engetela kwalaho, a madhota ma nga ramba lava va holileko hi tlhelo ga moya. Ahati loku u tiva munhu wo kari kanilezvi na a nga hanyi lomu cipandzeni ca wena? U nga ha lavetela a cikhati ni wutshamu legi a cialakanyiso ci to mahelwa kona lomu ka jw.org, laha ka ku HI HINA VA MANI?, u gumesa u hlawula laha ka ku “Cialakanyiso”. Laha u longiselako a cialakanyiso ca lembe legi, alakanyela hi vanhu lava u to va ramba, u tlhela u va nyika a zvirambo zva kona.