Wa ti longisela Cialakanyiso ke?

A Phasika go gumesa ga Jesu gi wa tava ga lisima. Kota lezvi a kufa kakwe ku nga tshinele, i no maha makungo ya kuga Phasika ni vapostoli vakwe a tlhela a yimisa a lulamiselo giswa, ci nga Cilalelo ca Hosi ci nga wa ta mahiwa lembe ni lembe. Hikwalaho, i no ruma Pedro na Johani lezvaku va ya longisela sala. (Luka 22:7-13; wona mufota wa kapa.) Lezvi zvi hi alakanyisa ku hi fanele ku ti longisela kasi hi wona Cialakanyiso hi 27 ka Março. Zvi wonekisa ku khwatsi a mabandla makunu ma mahile malulamiselo ya mukaneli, pawa ni vhinyo, ni zvin’wani. Hambulezvo, hi nga maha yini hi mun’we mun’we kasi hi ti longisela ku wona Cialakanyiso ke?

Longisela mbilu ya wena. Lera mahungu ya Bhibhiliya ma yelanako ni Cialakanyiso u tlhela u ehleketa hi wona. A programa ya kona yi ka cibhukwana Hlola Mitsalo siku ni siku. A cibhukwana Xivuno xa ku gonza hi xona a Mhaka ya Nungungulu, ka cipandze 16 ci na ni programa yi nga ni mahungu yo engeteleka. (Wona kambe a Cibhukwana ca Mutlhangano wa ntiro ni mahanyela ca Abril wa 2020.) A mingango yi nga kuma mahungu ya kugondza ka wukhozeli gabye ga ngango ma wulawulako hi lisima la hakhelo ya kutlhatlhisa ka Índice das Publicações da Torre de Vigia kutani ka Bhuku go kambisisa hi gona ga Vakustumunyu va Jehovha.

Ramba van’wani lezvaku vava kona. Tira nguvhu tsimeni ga ku ramba vanhu. Alakanyela lava u to va ramba, vo kota marevhizita, zvigondzani zva kale zva Bhibhiliya, lava u tivanako navo ni maxaka. A madhota ma nga rivali a ku ramba lava va holileko. Alakanya lezvaku loku a wokari a nga hanyi lomu cipandzeni ca wena, u nga tiva a cikhati ni wutshamu legi a Cialakanyiso ci to mahelwa ka gona cipandzeni leci yena a hanyako ka cona hi ku thitha laha kaku HI HINA VAMANI le hehla ka pajina go sangula ga jw.org, zvonake u nghena laha kaku “Cialakanyiso.”

Zvini zvin’wani zva ku hi nga maha kasi ku ti longisela ke?