Wa longisela a Xialakanyiso ke?

Ku wa hi 13 ka Nisani wa 33 Nguveni ya Hina. Jesu i wa zi tiva lezaku i no salelwa hi wusiku ginwe kasi ku tshama ni vanghana vakwe va hombe na a nga se dawa. I wa lava ku maha navo Pasika go gumesa a guma a yimisa ximaho xiswa, xi nga Xilalelo xa Hosi. A ximaho lexo xa lisima handle ko kanakana xi wa lava ku longiselwa. Hikwalaho, i lo ruma Pedro na Johani lezaku va ya xi longisela. (Luka 22:7-13) Kusukela kwalaho, lembe ni lembe ku na ni xilaveko xa ku a maKristu ma xuvako ku maha Xialakanyiso lexo ma longisela. (Luka 22:19) Zilo muni zo ranga hi faneleko ku maha kasi ku longisela a Xialakanyiso lexi xi tako xi to mahiwa hi 3 ka Abril?

Zilo zi longiselwako hi madota:

• Ma maha malulamiselo kasi ku tirisa a Salawu ya Mufumo kutani wutshamu ginwani go faneleka. Ku fanele kuva ni zitulo zo enela, magezi, ni moya wu nene. Ma maha malulamiselo kasi ku basisa a wutshamu lego na ka ha hi mahlweni.

• Ma hlawula a mukaneli a ringanelwako, mukhomi wa xitshamu ni vamakabye va ku khongelela xibaba ni vinya.

• Loku ku hi lezaku a wutshamu lego gi ta tiriswa hi mabandla mambiri kutani kuhunza, xaxametani a zikhati za mutlhangano lowo ni malulamiselo ya ku chikela ni ku suka zinwe ni wutshamu ga ku veka mimova.

• Ma hlawula vakombeteli ni vafambisi va xibaba ni vinya ma tlhela ma va xaxameta khwati.

• Ma maha malulamiselo ya ku lava zikombiso zi faneleko, zinwe ni mingelo ya kona, ni magombe ya vinya, a meza yi faneleko ni nguwo ya kona.

Zilo zi longiselwako hi vahuweleli:

• Va maha malulamiselo kasi ku tira nguvu tsimeni ga Xialakanyiso.

• Maha xaxameto wa zigonzani za Biblia, maxaka, zigonzani-kuloni, vatiri-kuloni, ni vanwani u va tivako, u guma u va ramba.

• Lera a kugonza ka Biblia ka nguva ya Xialakanyiso u tlhela u ehleketa hi kona.

• Tana Xialakanyisweni na u longile ku hoyozela vapfhumba.