Engetela wutlhari ga wena kuchumayeleni — Chumayela hi ku tirisa a interfone

HIKUYINI ZVI NGA ZVA LISIMA: A kuandza ka tekinolojiya ni ku engeteleka ka wubihi ku maha lezvaku a kutirisiwa ka interfone laha kaya zviva zvilo zvo toloveleka. Hi nga tshuka hi chava ku chumayela a mahungu ya manene ka munhu loyi hi nga mu woniko kanilezvi yena a hi wonako. A zvikhumbuxeto zvi landzelako zvi ta hi vhuna ku chumayela hi ku tirisa interfone na hi hi ni kutsumba.

HI NGA ZVI MAHISA KUYINI?

• Vana ni mawonela. A kutala ka venyi va muti va nga ni interfone va tsaka hi ku bhula na hina

• Alakanya lezvaku a michini yokari ya ku gravhava yi wona ni ku khomela zvontlhe u mahako hambu loku a n’winyi wa muti a nga se ku vhulela livati

• Loku a n’winyi wa muti a hlamula, wulawula laha ka interfone a kukwatsi hi loku u wulawula naye wutsumbu. Nʼwayitela u tlhela u maha majestu. Wulawula zvalezvi u nga bohile ku wula loku i wa nota laha nyangweni. Loku ku hi khamera u nga fihli a nghohe ya wena. Loku a nʼwinyi wa muti a nga hlamuli u nga tsukuli

• Loku mu mbheta ku bhula, u nga rivali ku kuzvilava a n’winyi wa muti wa ha simama ku ku wona ni ku ku ingisela