MAHANYELA YA WUKRISTU
Kombisa cichawo loku u nghena mutini wa munhu
A maKristu cihlekiso ka vanhu. (1 Kor 4:9, Tradução do Novo Mundo) Hikwalaho, a zvi hi hlamalisi lezvi a vanhu va hi hlomelako hi lomu majaneleni kutani ku hi ingisela na va nyimile laha nyangweni. A mimiti yin’wani yi na ni makamera ni mimikro lezvi zvi va vhunako ku hi wona, ku hizwa ni ku hi gravhara. Wona tindlela to kari ti nga hi vhunako ku kombisa cichawo loku hi nghena mutini wa munhu. — 2 Kor 6:3.
LEZVI U MAHAKO (Fil 1:27):
Kombisa cichawo hi ku nga hlomeli-hlomeli zva muti wakwe. U nga ngheni na uga, na unwa, na u fona kutani ku tsala timesaji na wa ha hi laha kaya kakwe.
MAWULAWULELA YA WENA (Efe 4:29):
Na wa ha rindzela ku a ku byela ku nghena, u nga wuli nchumu u zvi tivako ku a n’winyi wa muti i wa nga ta tsaka loku a zvizwa. A vahuweleli vo kari vo miyela vaku hwi a cikhati va rindzelako kasi va zvi kota ku xaxameta khwatsi lezvi va lavako ku wula.