Kwadru Ga Ziwutiso

◼ Xana a muhuweleli wa xisati i fanele ku ti fenengeta hloko loku a fambisa xigonzo xa Biblia xa laha nyangweni na a hi ni makabye wa xinuna ke?

Loku a muhuweleli wa xisati a fambisa xigonzo xa Biblia xo khanzakanya na ku hi ni muhuweleli wa xinuna, i fanele ku ti fenengeta hloko. (1 Kor. 11:3-10) A Sentinela ga 15 ka Julho wa 2002, phajina 27, gi tlhamusele lezi: “Lawo malulamiselo ya xigonzo ma mahilweko hi mahlweni laha a mufambisi a nga yena a rangelako. Ka ziyimo lezi, zi fana ni ku gonzisa lomu bandleni. Loku a makabye wa xisati a fambisa xigonzo lexo na ku hi ni makabye wa xinuna a bapatizilweko, a makabye loye wa xisati i fanele ku ti fenengeta hloko.” I wa ta maha lezo kambe loku a hi ni muhuweleli wa xinuna a nga bapatizwangiko. I fanele ku maha lezo hambu loku a fambisa xigonzo laha mutini, laha nyangweni, kutani ka wutshamu ginwani.

Hi tlhelo ginwani, loku a xigonzo lexo xa laha nyangweni xi nga se tiya, a makabye wa xisati i wa nga tava ni xilaveko xa ku ti fenengeta hloko loku ku hi ni muhuweleli wa xinuna, hambu loku ku hi lezaku a kungo ga lienzo lelo lo wuyela ku mu komba lezi a xigonzo xa Biblia xi mahiswako zona kutani ku bhulisana hi mahungu yo kari ma nga lomu ka mabhuku ya hina lawa hi fambisako hi wona zigonzo za Biblia. Kota lezi a zigonzo za laha nyangweni zi tiyiswako hi kutsongwani-kutsongwani, laha ku yako ku mahiwa maenzo yo wuyela, a vahuweleli va fanele ku hlola khwatsi ziyimo va tlhela va kombisa kuringanisela maringano ni ku tiva laha va faneleko ku fenengeta hloko.