Vapswali, gondzisani vana va n’wina

A tiko legi hi hanyako ka gona, gi teka zva zvi nene giku zvi bihile, a zva kubiha giku zvi nene. (Isa. 5:20) A ya hava hi ku a vokari va maha lezvi Jehovha a zvi nyenyako. A zvilo lezvo, zvi patsa wubhayi. A vanghana le cikoleni, kutani van’wani, va nga kucetela vaswa va hina lezvaku va maha lezvi vona va mahako. Zvini u nga mahako kasi a vana va wena va tshama va longile ku ti vhikela zvikarato lezvi ni zvin’wani?

Va gondzise milayo ya Jehovha a vana va wena va yi tiva khwatsi. (Levi 18:3) Hi kutsongwani-kutsongwani, gondzisa vana va wena lezvi a Bhibhiliya gi zvi wulako xungetano hi wubhayi. Lezvi u va gondzisako zvi fanele ku yelana ni tanga yabye kambe. (Deut. 6:7) Ti wutise ku: ‘Ndza gondzisa vana va mina kasi va tiva lezvi a lirandzo la li nene li kombisiwako zvona? Va li tiva lisima la ku boha tinguwo ti kombisako cichavo? Va zvi tiva ku a va faneli ku tsika munhu a va maha ni cihi a ci lavako? A n’wana wa mina i wa ta ci tiva co maha loku a wokari a zama ku mu komba tivhidhio ni mifota ya tixapi kutani loku i wo mu kombela ku a maha lezvi Jehovha a zvi wonako na zvi bihile? A ku va gondzisa na ka hi mahlweni zvi nga va vhuna ku nga weli zvikaratweni. (Mav. 27:12; Mutsh. 7:12) Loku u gondzisa vana va wena, u komba lezvaku wa yi randza a tshomba ya lisima leyi Jehovha a ku nyikileko. — Lis. 127:3.

WONA A VHIDHIO AKA MUTI WU TO PINDZUKA—VHIKELA VANA VA WENA KA ‘ZVA KUBIHA’ U GUMESA U HLAMULA ZVIWUTISO LEZVI:

• 

  Hikuyini a vapswali vo kari zvi va karatelako ku gondzisa vana vabye xungeta hi zva masango?

• 

  Hikuyini a vapswali va faneleko ku va gondzisa “milayo ya Jehovha” a vana vabye?—Efe. 6:4.

• 

  Zvini lezvi a hlengeletano ya Jehovha yi humesako kasi ku vhuna vapswali a ku gondzisa vana vabye xungetano hi masango—Kwadru ka Murindzeli w19.05 12

• Hikuyini zvi nga zva lisima a ku randza ku bhula ni vana va wena na va nga se kumana ni zvikarato?