Kombisa lirandzo laha ngangweni

A lirandzo i kola yi patsako ngango lezvaku wu nga hambani. Loku a ngango wu nga randzani, zvi ta va karatela ku hanya hi kuzwanana ni ku tirisana khwatsi. A nuna, ni sati, ni vapswali va nga kombisa kuyini lirandzo laha ngangweni?

A nuna a randzako sati wakwe i ta khatala hi lezvi zvi lavekako ka sati wakwe, mawonela yakwe, ni lezvi a ti zwisako zvona. (Efe. 5:28, 29) I ta hlayisa va ngango wakwe hi tlhelo ga moya ni ga nyama, lezvi zvi patsako ku maha Wukhozeli ga Ngango vhiki ni vhiki. (1 Tim. 5:8) A sati a randzako nuna wakwe i ta ti koramisa a mu ingisa a tlhela ava ni “cichavo ca hombe” hi yena. (Efe. 5:22, 33; 1 Ped. 3:1-6) Vontlhe va vambiri va fanela ku tshama va longile ku tsetselelana. (Efe. 4:32) A vapswali va randzako vana vabye va kombisa kukhatala hi n’wana mun’we ni mun’wani. (Deut. 6:6, 7; Efe. 6:4) Va ta zama ku tiva zvikarato lezvi va kumanako nazvo cikoleni ni lezvi va mahako kasi va tiya loku va kucetelwa zva hava hi vanghana vabye! Loku a lirandzo laha ngangweni li tele li tlhela li halakela, vontlhe va ta tizwa khwatsi va tlhela va nga chavi nchumu.

WONA A VHIDHIO KOMBISA LIRANDZO LI NGA FUVIKO LAHA NGANGWENI, U GUMESA U HLAMULA ZVIWUTISO LEZVI:

• 

  A nuna a randzako sati wakwe, i mu hlayisa a tlhela a mu nyika lisima hi ndlela muni?

• 

  A sati a randzako nuna wakwe i kombisa kuyini cichavo ca hombe ka nuna wakwe?

• 

  A vapswali va randzako vana vabye va va gondzisisa kuyini a Mhaka ya Nungungulu a vana vabye?