Lezvi hi gondzako wutomini ga Samuweli

Samuweli i tsumbekile ka Jehovha wutomini gakwe gontlhe. A cikhati a nga hi jaha, i alile kuva ni mahanyela yo biha, yo fana ni ya Hofeni na Fineyasi, a vana va Eli. (1 Sam. 2:22-26) A cikhati a nga khosahele, i no simama ku tsumbeka a tirela Jehovha, hambu lezvi a vana vakwe va nga kala va nga tsumbeki. — 1 Sam. 8:1-5.

Hi nga gondza yini ka cikombiso ca Samuweli? Loku u hi muswa, tiyiseka lezvaku Jehovha wa zvi zwisisa a zvikarato u kumanako nazvo ni lezvi u ti zwisako zvona. A nga ku vhuna ku tiya hlanha. (Isa. 41:10, 13) Kota mupswali, loku a vana va wena va tsikile ku tirela Jehovha, u nga chaveleleka hi ku tiva lezvaku Samuweli yenawu i wa nga hi ndlela ya ku kurumeta vana vakwe va nga hi va hombe lezvaku va tsumbeka va ingisa milayo ya Jehovha. I no zvi veka mandleni ya Jehovha, yena a simama ku tsumbeka, a tsakisa Jehovha, a Papayi wakwe wa le tilweni. Kuzvilava loku wenawu u maha lezvo, a cikombiso ca wena ca ci nene ci ta khumba timbilu ta vana va wena va wuya ka Jehovha.

SIXTIRA VHIDHIO GONDZA KA CIKOMBISO CABYE — SAMUWELI, U GUMESA U HLAMULA ZVIWUTISO LEZVI:

• 

  Samuweli i kombisile kuyini kutiya-hlanha a cikhati a nga hi cifanyana?

• 

  Danilo i kombisile kuyini a kutiya-hlanha?

• 

  Samuweli ive cikombiso ci nene hi ndlela muni a cikhati a nga khosahele?

• 

  A vapswali va Danilo vave cikombiso ci nene hi ndlela muni?