Loku u hi kuchumayeleni, londzowota zvilo zvi humeleleko zvezvanyana

Loku Jesu a hi kuchumayeleni, i wa londzowota zvilo zvi nga ha hi ku humelela kasi a chumayela. (Luka 13:1-5) Wenawu u nga londzowota zvilo zvi humeleleko zvezvanyana kasi ku kuca vanhu lezvaku va tsakela kuzwa mahungu ya Mufumo. U nga ranga hi ku kumbuka zvilo zvo kota kubindza ka wutomi, khombo go kari ga ntumbuluko gi nga humelela, gujeguje yo kari, kudzahiwa ka timbangi, kutani zvin’wani zvo fana ni lezvo, u gumesa u maha ciwutiso co tlhotlha kupima, co fana niku: “Xana hi ta tshuka hi hanya na ku nga ha hi na . . . ?” kutani ku: “Cini ci to mbheta a . . . ?”, u gumesa u tirisa vhesi gi yelanako ni mhaka leyo. Loku a kombisa kutsakela, u nga mu komba vhidhio kutani ku mu nyika bhuku ga lomu ka feramenta ya hina ya ku gondzisa hi yona. Laha hi zamako ku khumba timbilu ta vanhu va lomu cipandzeni ca hina, hi nga “maha zvontlhe lezvo hi kota ya mahungu ya ma nene”. — 1 Kor. 9:22, 23.

Zvini u nga zvi kumbukako, lezvi zvi to maha ku a vanhu va lomu cipandzeni ca n’wina va tsakela kuzwa mahungu ya manene?