Engetela wutlhari ga wena kuchumayeleni — Ti zwananise ni ciyimo

HIKUYINI ZVI NGA ZVA LISIMA? A vatotilweko ni tiyivhu tin’wani va ramba vanhu va tontlhe tixaka kasi va ‘tanwa a mati ya wutomi mahala’. (Kuv 22:17) A mati lawa yo fanekisela ma yimela a malulamiselo wontlhe lawa Jehovha a ma mahako kasi a vanhu vo ingisa va kalamuka ka ciwonho ni kufa. Kasi ku vhuna vanhu va nga ni mikhuwo yo hambanahambana ni kukholwa ko hambana hi fanele kuva ni “mahungu ya ma nene ya pindzukelwa” kasi hi va khongotela. — Kuv 14:6.

HI TA ZVI MAHISA KUYINI LEZVO:

• Hlawula a mhaka ni mutsalo lowu wu to khumba a mbilu ya vanhu va lomu cipandzeni ca wena. U nga ha hlawula a cin’we ca zvingheniso zva lomu ka cibhukwana ca hina ca mutlhangano kutani cingheniso co kari u tshukileko u ci tirisa ci tlhela ci tsakelwa hi vo tala. Hi yihi mhaka ni mutsalo wa kona va zvi tsakelako? Xana ku ni mhaka yo kari ya yiswa leyi a vanhu va tshamelako ku bhula ni ku ehleketa hi yona? Hi zvihi zvi to tsakisa a wanuna kutani wasati?

• Ka cingheniso ca wena patsa a mawulawulela ni mikhuwo yi tolovekileko lomu cipandzeni ca wena. — 2Ko 6:3, 4

• Gondza a mabhuku u tlhela u sixtira a tivhidhyu ti nga ka feramenta ya hina ya ku gondzisa hi yona kasi u bhulela loyi a kombisako kutsakela

• Chisa a mabhuku ni tivhidhyu hi tirimi leti a vanhu lava u kumanako navo va wulawulako lomu cipandzeni ca n’wina

• Lulamisa a mhaka ya wena kasi yi ti zwananisa ni zvilaveko zva venyi va miti. (1Ko 9:19-23) Hi cikombiso, u nga wula yini loku u tiva lezvaku a n’winyi wa muti wa ha hi ku felwa hi munhu a mu randzako?

WONA VHIDHYU, U GUMESA U HLAMULA ZVIWUTISO LEZVI:

• Hi yihi a mhaka leyi a muhuweleli a nga sangula ku bhula hi yona ni n’winyi wa muti?

• Zvini zvi humelelako wutomini ga n’winyi wa muti?

• Hi wihi mutsalo wu nga wu nene ka ciyimo leci, niku hikuyini?

• U nga chukwatisisa kuyini a cingheniso ca wena kasi u ti zwananisa ni ciyimo ca vanhu lomu cipandzeni ca wena?