Ti longisele zvezvi kasi ku tiriwa mababyi ya citshuketi

Hikuyini hi faneleko ku ti longisela? A ku tiriwa mababyi ni ku bhaxara cipitali hi nga tshuka hi ku tsope na zvi hi humelele. Hikwalaho, na ku nga se humelela mababyi ya citshuketi, maha zvontlhe u zvi kotako zvezvi kasi ku ti longisela ku tiriwa hi ndlela ya yinene hi laha zvi kotekako hi kona loku lezvo zvi tshuka zvi humelela. Loku u maha lezvo, u kombisa cichavo hi wutomi ni nayo wa Jehovha xungetano hi nkhata. — Miti. 15:28, 29.

Hi nga ti longiselisa kuyini?

• Khongela u tlhela u prenxera a kartawu ga wena ga DPA.a A vahuweleli va bhabhatisilweko va nga kuma a kartawu ga DPA ni makartawu ya vana vabye va vatsongwani ka nandza ga mabhuku

• Loku u hi ni nyimba, kombela a phepha legi ga ku Informação para Grávidas (S-401) ka madhota. A phepha lego gi nga ku vhuna ku maha zviboho zva zvinene xungetano hi lezvi zvi nga tshukako zvi humelela loku a munhu a hi ni nyimba ni loku a phuluka

• Loku zvi lava ku u tiriwa mababyi hi ndlela yi nga patsako kutirisiwa ka nkhata kutani loku zvi lava ku u bhaxara cipitali, tivisa madhota na ka ha hi mahlweni u tlhela u tivisa laha cipitali lezvaku u wa ta tsakela ku vhuxelwa hi Vakustumunyu va Jehovha

A madhota ma nga hi vhunisa kuyini? Ma nga hi vhuna a ku prenxera a makartawu ya hina ya DPA. Hambulezvo, a madhota ma nga ta hi mahela a ciboho ca lezvi hi to tirisiwa zvona a mababyi kutani ku hi byela a mawonela yabye ka timhaka leti a mun’we ni mun’wani a faneleko ku ti hlawulela. (Rom. 14:12; Gal. 6:5) Loku u tivisa a madhota ya wena lezvaku u kumana ni ciyimo ca ku ci nga lava ku ku tirisiwa nkhata, zvalezvo a madhota ma ta tekela ku bhula ni Kometi ya ku Tirisana ni Zvipitali kasi yi ku vhuna.

A Kometi ya ku Tirisana ni Zvipitali yi nga hi vhunisa kuyini? A vamakabye lava va tirako ka kometi leyi va gondzisiwa kasi ku vhuna a vatiri va zvipitali, ni valamuli ni vaadhivhogadho lezvaku va tiva lezvi hi zvi kholwako xungetano hi nkhata. Va nga bhula ni dhokodhela loyi a hi khatalelako xungetano hi tindlela to kari ta matirela ya mababyi ti nga tirisiko nkhata. Loku zvi laveka, va nga hi vhuna ku kuma dhokodhela a vhumelako mawonela ya hina xungetano hi nkhata.

SIXTIRA VHIDHIO U NGA ZVI MAHISA KUYINI A ZVIBOHO XUNGETANO HI MATIRELWA YA MABABYI MA PATSAKO KU TIRISIWA KA NKHATA?, U GUMESA U HLAMULA CIWUTISO LECI:

• Zvini u zvi gondzileko ka vhidhio leyi, zvi nga ku vhunako ku ti longisela ku tiriwa mababyi ya citshuketi ma nga lavako lezvaku ku tirisiwa nkhata?

  textarea-1