MAHANYELA YA WUKRISTU
Ti wonise lezvi Jehovha a ku wonisako zvona
‘Jehovha wa xalala hi vanhu vakwe.’ (Lis. 149:4) Hambu lezvi hi nga vanhu vo kala kumbhelela, Jehovha wa ma wona matshamela ya hina ya manene ni lezvi zvi kotekako ku hi maha cikhatini ci tako. Hambulezvo, ka zvikhati zvin’wani zvi nga tshuka zvi hi karatela ku ti wonisa lezvo hina venyi. Kuzvilava hi nga ti zwisa ku khwatsi a hi vhuni nchumu hi kota ya lezvi a van’wani va hi khomisako zvona. Loku hi veka kupima ka zvihoxo lezvi hi zvi mahileko kale, kuzvilava hi nga kanakana ku Jehovha wa hi randza hakunene. Zvini zvi nga hi vhunako loku hi ti zwisa lezvo?
Alakanya lezvaku Jehovha i wona zvo hundza lezvi a vanhu va zvi wonako. (1 Sam. 16:7) Lezvo zvi wula ku i wona ni zvo hundza lezvi hina venyi hi zvi wonako. A hi kutsakisa ka zvona lezvi a Bhibhiliya gi hi vhunako ku tiva lezvi Jehovha a hi wonisako zvona! Hi nga zwisisa lezvo hi ku lera mavhesi ni matimu ma kombako khwatsi ku Jehovha wa va randza nguvhu a vakhozeli vakwe.
SIXTIRA VHIDHIO KHOLWISA MBILU YA WENA, U GUMESA U HLAMULA ZVIWUTISO LEZVI:
A mufananiso wa mutsutsumi ni papayi wakwe wu hi gondzisa yini xungetano hi lezvi Jehovha a hi wonisako zvona?
- Loku a makabye a mahileko ciwonho ca hombe aba mazambo ma lavekako kasi ku vhuxa wunghana gakwe na Jehovha, a nga ti tiyisekisa kuyini lezvaku Jehovha wa mu randza? — 1 Joh. 3:19, 20
A makabye loyi hi nga mu wona ka vhidhio i vhunekisile kuyini hi ku lera ni ku ehleketa hi matimu ya Dhavhidha ni ya Jehoxafati?