MAHANYELA YA WUKRISTU
Va tira yi nga chayi kasi ku vhuneka hina
A vawoneleli va zvipandze ni vasati vabye va ti karata nguvhu va tlhela va kombisa lirandzo hi lava va va tirelako. A ku fana na hina hontlheni, vonawu va na ni zvilaveko zvabye, niku ka zvikhati zvin’wani va karala, va mbhela ntamu va tlhela va karateka. (Jak. 5:17) Hambulezvo, vhiki ni vhiki va ti karatela ku tiyisa vamakabye va bandla legi va gi endzelako. Hakunene, a vawoneleli va zvipandze zva ringana futsi a ku va “dzundziwa nguvhu”. — 1 Tim. 5:17.
A cikhati leci mupostoli Pawule a nga maha makungo ya ku vhuxela maKristu ya le Roma kasi ku ma “nyika a cinyikiwo ca moya”, i wa hi ni manyawunyawu ya kuva zvin’we navo kasi va “tiyisana”. (Rom. 1:11, 12) Wa tshuka u alakanyela tindlela ta ku tiyisa muwoneleli wa n’wina wa cipandze ni sati wakwe, loku a chadhile ke?
SIXTIRA VHIDHIO A WUTOMI GA MUWONELELI WA CIPANDZE A TIRAKO LE HANDLE KA DHOROPA, U GUMESA U HLAMULA ZVIWUTISO LEZVI:
A vawoneleli va zvipandze ni vasati vabye va ti karata va tlhela va kombisa lirandzo hi vamakabye hi ndlela muni?
U vhunekisile kuyini hi kutikarata kabye?
Vona ke hi nga va tiyisisa kuyini?