Tirisa Bhibhiliya a ku fana ni woni

Mupostoli Jakobe i fananisile a Bhibhiliya ni woni leti gi hi vhunako a ku wona lezvi hi nga tshamisa zvona hi le ndzeni. (Jak. 1:22-25) Hi nga gi tirisisa kuyini a Bhibhiliya a ku fana ni woni?

Lera Bhibhiliya hi wukheta. Loku hi ti wona zva cipshwati laha ka woni hi nga tshuka hi nga woni a zvilo zvo kari zvi lavako ku chukwatisiwa. Kasi ku wona zvilo zvi lavako ku chukwatisiwa zva munhu wa hina wa le ndzeni zvi lava ku hi cuwukisisa khwatsi a Mhaka ya Nungungulu hi ku yi lera hi wukheta.

Veka nguvhu kupima ka wena wutsumbu wutshan’wini ga van’wani. Loku hi byeketa woni hi nga wona ni zvihoxo zva van’wani. Hi kufanana, hi nga tirisa Bhibhiliya kasi hi wona zvihoxo zva van’wani. Kanilezvi a ku maha lezvo zvi nga ta vhuna a ku hi cica lezvi zvi lavekako.

Vana ni kuringanisela. Loku hi veka nguvhu kupima ka zvihoxo zva hina lezvi hi zvi wonako laha ka woni, hi nga mbhela ntamu. Hi fanele kuva ni kuringanisela laha hi lerako a Mhaka ya Nungungulu hi ku nga rindzeli zvo hundza lezvi Jehovha a zvi rindzelako ka hina. — Jak. 3:17.