A Timboni Ta Jehova Ti Xaxametilwe Kasi Ku Xumayela A Mahungu Yo Saseka
Hi malembe ya ku hunza a 100, a Timboni ta Jehova ti sina ti xaxametilwe kasi ku xumayela a mahungu yo saseka. Hi lomu tsimeni ga hombe nguvu ga kuxumayela ga ku cima gi wa nga se woniwa misaveni yontlhe, na hi huwelela a mahungu lawa hi mazana ya tirimi ka matiko ya ku hunza a 230. (Mat. 24:14) Hikuyini a ntiro lowu wu lavekako? Wu mahiswa kuyini misaveni yontlhe? A vidiyu Testemunhas de Jeová — Organizadas para Pregar as Boas Novas yi hlamula a ziwutiso lezo hi ku komba a matshamela yo hambanahambana ya ntiro wa hina wa misava yontlhe. Anzhako ka ku hlalela a vidiyu leyi, hlamula a ziwutiso lezi zi lanzelako.
Xana a vidiyu leyi yi engetelisile kuyini a kubonga ka wena hi (1) mizamo leyi a hlengeletano ya Jehova yi yi mahako kasi ku xumayela a mahungu yo saseka? (2 Tim. 4:2) (2) mingango ya Beteli yi nga misaveni yontlhe? (3) zikola za varumiwa ni vawoneleli? (2 Tim. 2:2) (4) lisima la ku sangula a siku ni siku hi ku kambisisa a mutsalo wa Biblia ni ku ti longisela viki ni viki kasi kuva kona mitlhanganweni ya bandla? (Miti. 17:11) (5) mabhinzu ya kuva kona mitlhanganweni ya hina ya wuKristu? (Maheb. 10:24, 25) (6) makatekwa lawa u to ma kuma a xikhati lexi a Paradise gi to tlheliselwa misaveni? (Isa. 11:9) (7) lungelo legi u nga nago ga ku hlengela ntirweni lowu wa kutshovela wu yako mahlweni? — Joh. 4:35.
A vidiyu leyi yi woneka na yi hi xitiro xa xi nene nguvu kasi ku vuna vanhu va tsakelako ku tiva a ntiro wa misava yontlhe lowu wu mahiwako hi Timboni ta Jehova. (8) Hi xihi a xikhati xa xi nene xa ku kombisa a vidiyu leyi ka zigonzani za hina za Biblia, maxaka, ni vanwani? (9) Xana a vanhu va hlamulisile kuyini a xikhati u nga va kombisa a vidiyu leyi?
A xikhati hi ehleketako hi lezi Jehova a zi tatisako, hi kuceka a ku vumela a magezu lawa ya mutsali wa Tisimu: “Jehova, Nungungulu wa mina, yi tele a mitiro yi hlamalisako leyi u yi mahileko, ni makungo ya wena ha hina. A ku na munwe loyi a fananako na wena.” (Tis. 40:5.) A hi yi tiriseni khwatsi a vidiyu leyi kasi ku vuna vanwani a ku tsakela Jehova ni hlengeletano yakwe!