Timhaka ta mabhuku ma tako ka Cibhukwana ca Mutlhangano
4-10 KA FEVEREIRO
TITSHOMBA TI NGA KA MHAKA YA NUNGUNGULU | VA LE ROMA 1-3
“Simama ku gondzisa livhalo la wena”
(Va Le Roma 2:14, 15) Hakuva loku a vamatiko, lava va nga hava nayo, va maha lezvi zvi nga nayweni na va nga byeliwangi hi munhu, a vanhu lava, hambu lezvi va nga hava nayo, i nayo ha voce. 15 Va kombisa ha voce lezvaku a nayo wu tsalilwe timbilwini tabye; a livhalo labye la va mahela wukustumunyu ni maalakanyo yabye ma va kona kutani ku va tlhatlha.
lvs 18 ¶6
Muva ni livhalo li nene mahlweni ka nungungulu
Hambu a vanhu lava va kalako va nga mu tivi Jehovha va zvi tiva lezvaku ku na ni zvilo zva zvi nene ni zva kubiha. A Bhibhiliya gi ngalo: “Ni maalakanyo yabye ma va kona kutani ku va tlhatlha.” (Va Le Roma 2:14, 15) Hi cikombiso, a vanhu vo tala va zvi tiva lezvaku zvi bihile a kudaya ni kuyiva. Hambu loku va nga zvi poli, a cikhati va kalako va nga mahi zvilo lezvo vo ingisa a tivhalo tabye, ku nga wutivi gabye ga ku hambanisa a zva zvi nene ni zvakubiha, legi Jehovha a va nyikileko. Va landzela a matshinya ya milayo ya Nungungulu kambe, kutani lisine leli la tshinya leli Jehovha a hi nyikileko kasi li hi vhuna a ku hlawula zva zvi nene laha kuhanyeni.
(Va Le Roma 2:15) Va kombisa ha voce lezvaku a nayo wu tsalilwe timbilwini tabye; a livhalo labye la va mahela wukustumunyu ni maalakanyo yabye ma va kona kutani ku va tlhatlha.
lvs 19-20 ¶8-9
Muva ni livhalo li nene mahlweni ka nungungulu
A vanhu vo kari va alakanya lezvaku a ku ingisa livhalo labye ku maha lezvi va zvi lavako. Va ti byela ku va nga maha ni cihi va ci lavako loku ku hi lezvaku ca va tsakisa. Kanilezvi kota lezvi a mbilu ya hina yi kalako yi nga mbhelelangi, yi nga hi pengisa. Lezvi a mbilu ya hina yi zvi lavako zvi nga hi koka nguvhu laha ka kuza a livhalo la hina li nga tiri khwatsi. A Bhibhiliya gi ngalo: ‘A mbilu yi khohlakele ku hundza zvilo zvontlhe, yi bolile, yi nga tibyiwa hi mani ke?’ (Jeremiya 17:9) Hikwalaho hi nga ha sangula ku alakanya ku a zvilo zvo kari zvi nene hambu loku zvi bihile. Hi cikombiso, na a nga se maha muKristu, Pawule i va xanisile nguvhu a vanhu va Nungungulu na a alakanya ku lezvi a nga kari a maha zvi wa hi zvi nene. I wa ti byela ku i na ni livhalo li nene. Kanilezvi hi ndzhako ka cikhati i te: “Loyi a ndzi lamulako hi Jehovha.” (1 Va Le Korinte 4:4; Mitiro 23:1; 2 Timote 1:3) A cikhati leci Pawule a nga tiva lezvaku Jehovha a nga tsaki hi lezvi a mahako, i no zvi zwisisa lezvaku i fanele ku cica. Zvi te dlunya lezvaku na hi nga se maha nchumu wo kari, hi fanele ku ti wutisa lezvi: ‘Jehovha i lava ku ndzi maha yini?’
Loku u randza munhu, a wu zvi lavi ku maha nchumu wu to mu kwatisa. Hi ku fanana, kota lezvi hi randzako Jehovha a hi lavi ku maha nchumu wu to mu kwatisa. Hi fanele ku zvi chava nguvhu a ku maha zvilo zvi to kwatisa Jehovha. Wona cikombiso ca Nehemiya. Hambu lezvi a nga hi govhernadhori, a nga tirisangi a cikhundla cakwe kasi ku ganya. Hikuyini? I wula ku a nga mahangi lezvo hi lezvi a nga “chava Nungungulu”. (Nehemiya 5:15) Nehemiya i wa nga lavi ku maha nchumu wu to kwatisa Jehovha. A ku fana na Nehemiya, hinawu ha chava ku kwatisa Nungungulu hi ku maha nchumu wo biha. Loku hi gondza a Bhibhiliya hi ta tiva lezvi zvi tsakisako Jehovha. — Wona Tlhamuselo wa wu 6.
Kela titshomba ta moya
(Va Le Roma 3:4) Ahihi! Nungungulu hi yena wa lisine contlhe cikhati, hambu loku a vanhu vontlhe va hemba, kota lezvi ku tsalilweko ku: “Kasi u fela ku kumeka na u lulamile timhakeni ta wena, u hlula loku u hi kulamulweni.”
w08 15/6 30 ¶5
Timhaka-tshinya ta bhuku ga Va Le Roma
3:4. Loku a magezu ya vanhu malwa ni lezvi Nungungulu a zvi wulako ka Mhaka yakwe, hi maha Nungungulu ave wa “lisine contlhe cikhati” hi ku tsumba mahungu ya Bhibhiliya niku maha zvilo zvi zwananako ni kurandza ka Nungungulu. Loku hi chumayela hi kuhiseka a Mufumo hi tlhela hi maha vapizani, hi vhuna van’wani a ku va wona Nungungulu a hi wa lisine.
(Va Le Roma 3:24, 25) niku va wuliwa vo lulama hi lezvi a va kombisileko tipswalo hi ku va tlhatlhisa hi hakhelo ya kutlhatlhisa yi rihilweko hi Kristu Jesu, loyi a nga mu nyikela kota cinyikiwo. 25 Nungungulu i nyikele Kristu kasi lava va kholwako nkhateni wakwe va fela ku tlhela va zwanana naye. I mahile lezvo kasi ku kombisa kululama kakwe, hakuva hi kota ya kutimisela kakwe, Nungungulu i tsetselele zviwonho zvi mahilweko kale,
w08 15/6 29 ¶6
Timhaka-tshinya ta bhuku ga Va Le Roma
3:24, 25 — Zvi wa ta kotekisa kuyini a ku a “hakhelo ya kutlhatlhisa yi rihilweko hi Kristu Jesu” yi tsetselela na yi nga se hakhelwa, a ‘zviwonho zvi mahilweko kale’? A ciphrofeto co sangula xungetano hi Mesiya ci kumekako ka Genesisi 3:15, ci tatisekile hi 33 Nguveni ya Hina, a cikhati leci Jesu a nga dawa laha mhandzeni ya hlomulo. (Gal. 3:13, 16) A cikhati leci a nga wula ciphrofeto leco, ka Jehovha zvi wa ku khwatsi hi loku makunu a hakhelo ya kutlhatlhisa yi rihilwe, kutani ku ci tatisekile hakuva a ci kona ci nga wa ta tsandzekisa ku tatiseka ka makungo yakwe. Hikwalaho hi kota ya muphahlo wa Jesu lowu wu nga hata, Jehovha i wa ta tsetselela zviwonho zva pswalo wa Adhamu, lava va nga kombisa kukholwa ka citsumbiso leci. A hakhelo ya kutlhatlhisa yi tlhela yi maha ku zvi koteka ku lava va fileko Jesu a nga seta misaveni va vhuka. — Mitiro 24:15.
11-17 KA FEVEREIRO
TITSHOMBA TI NGA KA MHAKA YA NUNGUNGULU | VA LE ROMA 4-6
“Nungungulu i komba ku wa hi randza”
(Va Le Roma 5:8) Kanilezvi Nungungulu i komba ku wa hi randza hi ndlela leyi: Na ha hi vawonhi, Kristu i no hi fela.
(Va Le Roma 5:12) Hikwalaho, a ku khwatsi hi lezvi a ciwonho ci nga nghena tikweni hi kota ya munhu mun’we, ni kufa ku tile hi kota ya ciwonho; hikwalaho a kufa ku no thapela vanhu vontlhe, hakuva vontlhe va wonhile . . .
w11 15/6 12 ¶5
Nungungulu i komba ku wa hi randza
Pawule i tlhamusele a mhaka leyi aku: “Hikwalaho, a ku khwatsi hi lezvi a ciwonho ci nga nghena tikweni hi kota ya munhu mun’we, ni kufa ku tile hi kota ya ciwonho; hikwalaho a kufa ku no thapela vanhu vontlhe, hakuva vontlhe va wonhile.” (Rom. 5:12) Hina nyamutlha ha zvi zwisisa hakuva Nungungulu i mahile ku kutsaliwa lezvi a wutomi ga vanhu gi nga sangulisa zvona. Jehovha i vangile Adhamu na Evha. A Muvangi i mbhelele, hikwalaho ni vanhu vo sangula va wa mbhelele. Nungungulu i no va nyika nayo wun’we, a va byela lezvaku loku va nga ingisi a nayo lowo va wa tafa kota tsayiselelo wa kona. (Gen. 2:17) Hambulezvo, vona va hlawulile ku maha zvo biha, va hambunyeta nayo wo olova wa Nungungulu, va ala Nungungulu kota Munyiki wa nayo ni Hosi yabye. — Dhewu. 32:4, 5.
(Va Le Roma 5:13, 14) Hakuva a ciwonho cive kona tikweni a Nayo na wu nga seva kona, kanilezvi a vanhu a va hlayelwi kuwonha loku ku nga hi na nayo. 14 Hambulezvo, kusukela ka Adhamu kala ka Mosi, a kufa ku no fuma hambu hehla ka lava va nga kala ku wonhisa ku khwatsi hi Adhamu, loyi a nga fana ni loyi a nga hata.
w11 15/6 12 ¶6
Nungungulu i komba ku wa hi randza
Adhamu i vile ni vana ntsena ndzhako ka loku a wonhile, hi ndlela leyo i no hundzisela ciwonho ni tsayiselelo wa cona ka vontlhe vana vakwe. Lisine lezvaku a vana va Adhamu a va hambunyetangi nayo wa Nungungulu lowu Adhamu a nga kala ku wu ingisa, hikwalaho vona a va hlayelwangi ciwonho co fana ni ca Adhamu; niku ka cikhati leco ku wa nga seva ni milayo va nga fanele ku yi ingisa. (Gen. 2:17) Hambulezvo, a pswalo wa Adhamu wu thapelwe hi ciwonho. A ciwonho ni kufa zvi fumile kala ka cikhati leci Nungungulu a nga va nyika milayo a vaIzrayeli, leyi yi nga komba khwatsi lezvaku va wa hi vawonhi. (Lera Va Le Roma 5:13, 14.) A tsayiselelo wa ciwonho wu nga ha fananisiwa ni mababyi yo thapela ya ku vhumaleka ka nkhata lawa ma vitaniwako ku i anemia mediterrânea kutani hemofilia. Lisine lezvaku a vapswali va ngava ni wubabyi go kari gi thapelako vana vabye, hambulezvo a vana vo kari va nga tshuka va nga kumiwi hi tsayiselelo wa kona. Kanilezvi a zvi tshamisangi lezvo ka ciwonho. A tsayiselelo wa ciwonho ca Adhamu a ku na ku wu potsa. Hontlheni hafa hakuva wu hundziselwa ka vontlhe vana vakwe. Xana zvi wa ta koteka ku tshuka hi tlhatlhisiwa ka ciyimo leco?
(Va Le Roma 5:18) Hikwalaho, a ku khwatsi hi lezvi a ciwonho cin’we ci nga maha lezvaku a vanhu va tixaka tontlhe va koneka, hizvalezvo, hi kota ya cimaho cin’we ca kululama a vanhu va tixaka tontlhe va hlayelwa kululama loku ku yisako wutomini.
(Va Le Roma 5:21) Kasi zvi kuyini? Kasi ku, a ku khwatsi hi lezvi a ciwonho ci nga fuma zvin’we ni kufa, a tipswalo tonawu ti fela ku fuma hi kululama loku ku yisako wutomini ga pindzukelwa ha Jesu Kristu, a Hosi ya hina.
w11 15/6 13 ¶9-10
Nungungulu i komba ku wa hi randza
Hi wihi tlhamuselo wa magezu ya ciGreki ya ku “ci va hlayele kululama” ni lawa yaku va “hlayelwa kululama”? A muhundzuluseli wo kari wa Bhibhiliya ite: “A magezu lawa, magezu yo fananisa ma kombisako a timhaka ta kulamula. Ma wulawulako hi kucica ka ciyimo ca munhu xungetano hi kuzwanana kakwe na Nungungulu, na ku nga hi ku cica ka le ndzeni . . . Ma fananisa Nungungulu kota mulamuli loyi a mahileko ciboho ca ku vhuna loyi a kecarilweko, loyi a yisilweko mahlweni ka tribhunali yakwe hi kota ya kuva ka ciyimo ca kungalulami. Kanilezvi Nungungulu a boha ku mu tsetselela.”
Ci wa tava cihi a ciseketelo ca ku “a Mulamuli wa tiko” a mu hlayela kululama munhu a nga lulamangiko? (Gen. 18:25) Nungungulu hi lirandzo i vekile ciseketelo hi ku rumela N’wana wakwe a belekilweko yece ata misaveni. Jesu i mahile a kurandza ka Papayi wakwe hi kumbhelela, hambu lezvi a nga ringiwa, a xanisiwa hi ndlela ya xapi a tlhela a rukiwa. I simamile a tsumbekile hambu cikhati leci a nga hi laha mhandzeni ya hlomulo. (Mah. 2:10) A cikhati leci a nga nyikela wutomi gakwe go mbhelela kota muphahlo, Jesu i no humesa hakhelo ya kutlhatlhisa leyi yi zvi kotako kutlhatlhisa wontlhe a pswalo wa Adhamu ka ciwonho ni kufa. — Mat. 20:28; Rom. 5:6-8.
Kela titshomba ta moya
(Va Le Roma 6:3-5) Kutani mo kala mu nga zvi tivi lezvaku hontlheni hi bhabhatiselweko ka Kristu Jesu hi bhabhatiselwe kufeni kakwe ke? 4 Hikwalaho a cikhati leci hi nga bhabhatiswa kufeni kakwe, hi no lahliwa zvin’we naye, kasi ku, a ku khwatsi hi lezvi Kristu a vhuxilweko hi ka vafileko hi ntamu wa Papayi, hi hanya a wutomi giswa. 5 Kota lezvi hi tlhanganisilweko zvin’we naye hi ku fisa ku khwatsi hi yena, hi ta tlhanganiswa zvin’we naye hi lezvi hi vhuxiswako ku khwatsi hi yena.
w08 15/6 29 ¶7
Timhaka-tshinya ta bhuku ga Va Le Roma
6:3-5 — Zvi wula yini a ku bhabhatiselwa ka Kristu Jesu ni ku bhabhatiselwa kufeni kakwe? A cikhati leci Jehovha a nga tota a valandzeli va Kristu hi moya wa ku basa, vona va nova ni wumun’we na Jesu va maha zviro zva bandla legi gi nga miri wa Kristu, legi yena a nga Hloko ya gona. (1 Kor. 12:12, 13, 27; Kol. 1:18) Loku ku vile ku bhabhatisiwa kabye ka Kristu. A maKristu ma totilweko ma tlhela ma ‘bhabhatisiwa kufeni ka Kristu’ hi lezvi ma hanyako wutomi ga kutitsona ma tlhela ma tsika citsumbiso ca wutomi ga pindzukelwa laha misaveni. Hikwalaho a kufa kabye ku ni muphahlo a ku khwatsi hi loku ka Jesu, hambu lezvi ku kalako ku nga fani ni loku ka hakhelo ya kutlhatlhisa ya Jesu. A kubhabhatiswa loko ka kufa ka Kristu ku mbhelela a cikhati leci va fako va gumesa va vhuxiwa vaya hanya tilweni.
(Va Le Roma 6:7) Hakuva loyi a fileko i tsetselelwe ciwonho cakwe.
18-24 KA FEVEREIRO
TITSHOMBA TI NGA KA MHAKA YA NUNGUNGULU | VA LE ROMA 7-8
“Wa zvi ‘xuva nguvhu’?”
(Va Le Roma 8:19) Hakuva a zvivangwa zva xuva nguvhu a ku wona a kuwonekeliswa ka vana va Nungungulu.
(Va Le Roma 8:20) Hakuva a zvivangwa zvi vekilwe ka ciyimo ci nga nyawuliko, na ku nga hi hi kurandza ka zvona, kanilezvi ka loyi a nga zvi veka, na ku hi ni kutsumba
(Va Le Roma 8:21) ka lezvaku a zvivangwa zvi ta tlhatlhiswa ka wukhumbi ga kuhina, zviva ni kutlhatlheka ka kungangamela ka vana va Nungungulu.
Kela titshomba ta moya
(Va Le Roma 8:6) Hakuva a ku veka kupima ka zvilo zva nyama zvi yisa kufeni, kanilezvi a ku veka kupima ka zvilo zva moya zvi nyika wutomi ni kurula;
Wa ha zvi alakanya ke?
Hi kwihi a kuhambana ku nga kona cikari ka ku “veka kupima ka zvilo zva nyama” niku “veka kupima ka zvilo zva moya”? (Rom. 8:6)
A vanhu va “hanyako hi ka nyama” hi lava va vekako kupima kunaveleni kabye ka kuwonha va tlhela va ku landzela, va maha ni cihi va ci lavako. Lava va hanyako hi ka moya va veka kupima kabye ka zvilo zva moya ni ka lezvi zvi yelanako ni maalakanyo ya Nungungulu; a maKristu lawo ma rangelwa hi moya wo basa. A mitiro ya nyama yisa kufeni, kanilezvi leyi ya moya yi neha kurula ni wutomi. — w16.12, pp. 15-17.
(Va Le Roma 8:26, 27) Hizvalezvo, a moya wonawu wa hi vhunetela gomeni ga hina; hakuva ha tshuka hi nga zvi tivi ni zva ku zvi kombela mikhongelweni ya hina, kanilezvi a moya wa hi kombelela ka miketo leyi hi nga zvi kotiko ku yi zwata. 27 Kanilezvi loyi a hlolako timbilu wa zvi tiva lezvi a moya wu zvi wulako, hakuva wu kombelela vobasa hi kuyelana ni kurandza ka Nungungulu.
w09 15/11 7 ¶20
A mikhongelo ya wena yi komba yini hi wena?
Ka zvikhati zvin’wani hi nga tshuka hi nga zvi tivi a ku hi ta wula yini ka mikhongelo ya hina. Pawule ite: “Ha tshuka hi nga zvi tivi ni zva ku zvi kombela mikhongelweni ya hina kanilezvi a moya wa hi kombelela ka miketo leyi hi nga zvi kotiko ku yi zwata.” Kanilezvi Nungungulu “loyi a hlolako timbilu wa zvi tiva lezvi a moya wu zvi wulako.” (Rom. 8:26, 27) Jehovha i mahile lezvaku ku tsaliwa mikhongelo yo tala lomu ka Mitsalo. Yena i wona mikhongelo leyo yi tsalilweko a ku khwatsi mikhongelo ya hina wutsumbu, a tlhela a yi ingisela. Nungungulu wa hi tiva khwatsi niku wa wu tiva a tlhamuselo wa timhaka leti a moya wo basa wu mahileko ku ti tsaliwa hi vatsali va Bhibhiliya. Jehovha wa hlamula loku a moya wu “kombela” hi kota ya hina. Kanilezvi a cikhati leci hi yako hi yi tivako khwatsi a Mhaka ya Nungungulu, lezvi hi fanelako ku zvi khongelela zvi tekela kuta ka maalakanyo.
25 KA FEVEREIRO–3 KA MARÇO
TITSHOMBA TI NGA KA MHAKA YA NUNGUNGULU | VA LE ROMA 9-11
“Mufananiso wa sinya ya olivha”
(Va Le Roma 11:16) A ku tsika lezvo, loku a pawa leyi yi nyikelwako kota mihandzu yo sangula yi basile, a mapa ya kona lawa ma vhuvilweko, laha a pawa leyo yi nga khemiwa kona wonawu ma basile; ni loku a mutsu wu basile, a madhavi wonawu ma basile.
w11 15/5 23 ¶13
‘A kueta ka wutlhari ga Nungungulu!’
Mupostoli Pawule i fananisile lava va mahako a cipandze ca pswalo wa Abrahama ni va madhavi ya sinya ya olivha wo fananisa. (Rom. 11:21) A siya ya olivha yi yimela ku tatiseka ka kungo ga Nungungulu xungetano hi civhumelwano ca Abrahama. A mutsu wa kona wu basile niku wu yimela Jehovha kota loyi a nyikako wutomi ka Izrayeli wa moya. (Isa. 10:20; Rom. 11:16) A tshinya gi yimela Jesu kota cipandze co sangula ca pswalo wa Abrahama. A madhavi wontlhe ma yimela “a ntsengo wontlhe” wa lava va mahako cipandze ca wumbiri ca pswalo wa Abrahama.
(Va Le Roma 11:17) Kanilezvi, loku a madhavi yo kari ma phatlulilwe, ku ya tekiwa wena u nga olivha wa khwati u ta tlhomekiwa cikari ka wona u ti buza hi kunona ka mutsu wa olivha,
(Va Le Roma 11:20, 21) Zvona hi zvona! Ma phatlulilwe hi kota ya kungakholwi ka wona, kanilezvi wena u yimile hi kota ya kukholwa ka wena. Hikwalaho u nga ti kukumukisi, kanilezvi chava. 21 Hakuva loku Nungungulu a nga tsikangi ku phatlula a madhavi ya olivha lowo, a nga ta tsika wena wa kuya hi ku tlhomekiwa.
w11 15/5 24 ¶15
‘A kueta ka wutlhari ga Nungungulu!’
Zvini lezvi Jehovha a zvi mahileko kasi ku tatisa kungo gakwe? Pawule i tlhamusele lezvaku a madhavi ya olivha wa khwati ma tlhomekilwe laha ka olivha kasi ma vhaleta lawa ma phatlulilweko. (Lera Va Le Roma 11:17, 18.) Hikwalaho, a maKristu ya vamatiko lawa ma totilweko hi moya, yo kota yo kari ma nga hi kona ka bandla ga le Roma, ma tlhomekilwe hi ndlela yo fananisa laha ka siya leyi yo fananisa. Hi ndlela leyo, va no maha cipandze ca pswalo wa Abrahama. Le kusanguleni, va wa fana ni madhavi ya olivha wa khwati, va wa nga hi na thomo ga ku maha cipandze ca civhumelwano leci co hlawuleka. Kanilezvi Jehovha i no vhulula ndlela ya ku va maha vaJudha va moya. — Rom. 2:28, 29.
(Va Le Roma 11:25, 26) Hakuva vamakabye, a ndzi lavi lezvaku mu kohlwa a cihundla leci co basa, mu nga tshuka mu alakanya ku mu tlharihile: A vaIzrayeli vo kari va ti nonohisile kala a ntsengo wontlhe wa vamatiko wu nghena, 26 hi ndlela leyo, a vaIzrayeli vontlhe va ta ponisiwa. Hakuva ku tsalilwe ku ngalo: “Ku tata a mutlhatlhisi hi le Ziyoni, a ta susa mitiro yo biha ka Jakobe.
w11 15/5 25 ¶19
‘A kueta ka wutlhari ga Nungungulu!’
Kunene, a kungo ga Jehovha xungetano hi “Izrayeli wa Nungungulu” ga tatiseka hi ndlela yo hlamalisa. (Gal. 6:16) A ku khwatsi hi lezvi Pawule a nga wula, “a vaIzrayeli vontlhe va ta ponisiwa”. (Rom. 11:26) Hi cikhati leci Jehovha a ci yimisileko, “a vaIzrayeli vontlhe” — ku nga ntsengo wontlhe wa vaIzrayeli va moya — va ta ya tira kota tihosi ni vapristi le tilweni. A ku na nchumu wu nga tsandzekisako kungo ga Jehovha!
Kela titshomba ta moya
(Va Le Roma 9:21-23) Kasi a muwumbi a nga na ntamu hehla ka wumba, wa ku wumba hi wumba galegi ga gin’we a cibya co dzundzeka, ni cin’wani ci nga dzundzekiko ke? 22 Makunu hi nga kuyini hi Nungungulu loyi wa ku hambu lezvi a nga lava ku kombisa zanga yakwe ni ntamu wakwe, i no timiselela a zvibya zva zanga hi lihlazva-mbilu la hombe hambu lezvi zvi nga ringanelwa hi ku loviswa ke? 23 U ta kuyini wena loku ku hi lezvaku Nungungulu i mahile lezvo kasi ku kombisa wukulu ga kungangamela kakwe zvibyeni zva wuxinji, lezvi a nga zvi longisela wudhumo hi kale,
(Va Le Roma 10:2) Ndza va kustumunyela lezvaku va tirela Nungungulu hi kutitsitsirita, kanilezvi a va mu tivi khwatsi.
it-11260 ¶2
Ciluse ni kuhiseka
Kuhiseka ko kala kongomiso. A munhu a ngava wo hiseka, kutani kuva ni ciluse, hi cigelo cokari, kanilezvi na a maha zvilo hi ndlela ya hava yi nga tsakisiko Nungungulu. Lezvo zvi humelele ka vaJudha vo tala va zana ga malembe go sangula. Va wa alakanya lezvaku va ta hlayelwa kululama hi kota ya mitiro yabye wutsumbu leyi yi nga hi lahasi ka nayo wa Mosi. Kanilezvi Pawule i kombile lezvaku a kuhiseka kabye ku wa nga hi na kongomiso hakuva va wa nga hi na wutivi ga lisine. Hikwalaho va wa nga kumi kululama ka lisine loku ku ngata hi ka Nungungulu. Va wa fanele ku vhumela ciwonho cabye va tlhelela ka Nungungulu ha Kristu kasi va kuma kululama niku tlhatlhisiwa ka ku koniwa hi Nayo. (Rom 10:1-10) Sawule wa le Tarsusi i wa hi ka ciyimo leco. Hi kota ya lezvi a nga hisekela a ciJudha laha ka ku tlhela a hundzisa ni mpimo, i ‘xanisile a bandla ga Nungungulu ku hundza mpimo, na a zama ku gi hangalasa’. I wa landza Nayo hi ndzhati ni cidokhwe a ku khwatsi hi loku a “nga soleki”. (Gal 1:13, 14; Flp 3:6) Kanilezvi a ku hisekela kakwe a ciJudha ku wa nga hi na kongomiso. Pawule i wa hi ni mbilu ya yi nene. Hi cigelo leco, Jehovha i no mu kombisa wuxinji ha Kristu a mu neha ndleleni ya wukhongeli ga lisine. — 1Tm 1:12, 13.