CIGONDZO 5

Lera khwatsi

1 Timote 4:13

LEZVI U FANELEKO KU MAHA: Lera hi gezu ga hombe, u lerisa zvalezvi zvi nga tsalisiwa zvona.

Vhuxeta zvi buvha. Ti karatele ku pola ku hikuyini ku tsalilweko a mahungu lawo. Vhuxeta u pasa ku lera a magezu hi ntlawa, na ku nga hi ku lera a magezu hi gin’we gin’we. Ti wonele ku engetela, ku tlula, kutani ku vhaleta magezu hi man’wani. Chela kota hi tiponto (sinais de pontuação) tontlhe.

Kombela munghana lezvaku a ku ingisela a cikhati leci u lerako kasi a funga ni gihi gezu u to kala ku gi lera khwatsi.
Wula gezu ni gezu kota lezvi gi wulisiwako zvona. Loku u nga zvi tivi lezvi a gezu go kari gi wulisiwako zvona, ingisela a bhuku gi gravharilweko kutani ku kombela a muleri wa mu nene lezvaku a ku vhuna.
Wula magezu ma tlhamuka. Wula magezu na u chela kota, u tlakusa nhamu, u tlhela u vhulula khwatsi nomu. Ti karatele ku zwata masilabha wontlhe.

U nga ti karateli a ku zwata a letra ni letra gi nga ka gezu laha ka kuza a kulera ka wena ku nga ha nandzihi.