Wa ingisela a tiaudhio ta Bhibhiliya ke?

Cini a audhio ya Bhibhiliya? A audhio ya Bhibhiliya magezu ma gravharilweko na ku leriwa a Bhibhiliya ga Wuhundzuluseli ga misava yiswa. A tiaudhio leto ti kari ti humesiwa hi kutsongwani-kutsongwani hi tirimi to tala hi laha zvi kotekako hi kona. A cin’we ca lezvi zvi vhunako nguvhu, ka tirimi to kari, hi lezvi ku tirisiwako magezu yo hambana ka munhu ni munhu a wulawulako. A mahungu lawo ma leriwa hi ndlela ya yinene, va khanyisa lomu ku lavekako va tlhela va humesa kutizwa ku lavekako kasi a mongo wa mahungu ya Bhibhiliya wu zwala khwatsi.

Lezvi a vokari va vhunekisako zvona hi tiaudhio ta Bhibhiliya: Lava va ingiselako hi kukhandzakanya va tsaka hi lezvi ti va vhunisako zvona a kuzwa kuhanya ka Mhaka ya Nungungulu. Lezvo zvi maheka hi lezvi va zwako magezu yo hambana ka munhu ni munhu a wulawulako. Lezvo zvi maha ku lezvi zvi mahekako ka matimu lawo ya Bhibhiliya va zvi wona hi mahlo ya maalakanyo va tlhela va zvi zwisisa khwatsi lezvi zvi tsalilweko. (Mav. 4:5) A votala kambe ve zva va tangalisa a ku ingisela tiaudhio ta Bhibhiliya loku va karatekile. — Lis. 94:19.

A ku ingisela a Mhaka ya Nungungulu na yi leriwa zvi nga hi vhuna nguvhu wutomini ga hina. (2 Kro. 34:19-21) Loku ti hi kona tiaudhio ta Bhibhiliya gontlhe, kutani to kari ta kona, hi lirimi u li zwisisako, zvi ngo yini ku u ingisela hi kukhandzakanya, kota ndlela ya ku ti gisa hi tlhelo ga moya ke?

SIXTIRA CIPANDZANA CA VHIDHIO KUGRAVHARIWA KA AUDHIO YA BHIBHILIYA, U GUMESA U HLAMULA CIWUTISO LECI:

Cini ci ku hlamalisako ka lezvi a tiaudhio ta Bhibhiliya ti mahisiwako zvona?