Landzela programa ya wena ya ku lera Bhibhiliya siku ni siku

Kota lezvi hi talelweko hi zvo maha, xana zva tshuka zvi ku karatela a ku landzela a programa ya wena ya ku lera a Mhaka ya Nungungulu siku ni siku? (Jox. 1:8) Loku zvi hi lezvo, zama ku tirisa gin’we ga mawonela lawa:

• Veka alarme. Veka alarme ka fone ya wena kasi yi ku alakanyisa a ku lera Bhibhiliya.

• Veka Bhibhiliya ga wena laha kubaseni. Loku ku hi lezvaku u tirisa a Bhibhiliya ga ku gandliwa kasi ku lera, gi veke ka wutshamu zvi olovako ku gi wona siku ni siku. — Dhewu. 11:18.

• Ingisela tiaudhio. Ingisela tiaudhio ta Bhibhiliya a cikhati leci u ti mahelako zva wena. Tara, a nga phayona lezvo na a hi mamani kambe na a tira ni wusiku, i wula lezvi: “A ku ingisela audhio ya Bhibhiliya na ndzi kari ndzi ti tirela zva mina zvi ndzi vhuna ku ndzi nga hundzisi siku na ndzi nga lerangi Bhibhiliya.”

• U nga mbheli ntamu. Loku ku tshuka ku humelela zvilo zva citshuketi zvi colopetela a makungo ya wena, zama ku lera kutsongwani hambu mova mavhesi yo kari basi, na u nga se etlela. A ku lera kutsongwani zvi chukwana a ku hundza kuya hi ku hundzisa siku na u nga lerangi. — 1 Ped. 2:2.