Longisela kupima na u nga se gondza mitsalo

Matewu 22:41-45

LEZVI U FANELEKO KU MAHA: Longisela a maalakanyo ya lava u bhulako navo na u nga se gondza mutsalo.

U TA ZVI MAHISA KUYINI?

• Tiva ku hikuyini u gondzako a mutsalo lowo. Ni wihi mutsalo u lavako ku gondza, ranga hi ku wula magezu ma to vhuna lava u bhulako navo lezvaku va tiva a mhaka leyi u lavako ku yi dlunyatisa ka vhesi lego.

• Komba ku lezvi u wulako zvita hi lomu ka Bhibhiliya. Loku u kari u wulawula ni vanhu va kholwako ka Nungungulu, dlunyatisa lezvaku a Bhibhiliya i Mhaka ya Nungungulu, hi ndlela leyo u komba lezvaku hi yona cibuka ca wutlhari co hundza zvontlhe.

• Va vhuxele manyawunyawu yo lava kuzwa lezvi a mitsalo yi wulako. Wutisa ciwutiso ci to hlamuliwa hi mitsalo, kumbuka a cikarato leci a mitsalo yi kombako ndlela ya ku ci lulamisa, kutani ku kumbuka a tshinya ga nayo legi a matimu yo kari ya Bhibhiliya ma to va vhuna ku gi zwisisa.