BHIBLIOTEKA YA SAITE ya Watchtower
BHIBLIOTEKA YA SAITE
ya Watchtower
ciTshwa
  • BHIBHILIYA
  • MABHUKU
  • MITLHANGANO
  • mwbr19 Novembro pp. 1-8
  • Timhaka ta mabhuku ma tako ka Cibhukwana ca Mutlhangano

Ka cipandze leci a ku na vhidhyu

Hi tsetselele, kuve ni cikarato kasi a vhidhyu leyi yiba.

  • Timhaka ta mabhuku ma tako ka Cibhukwana ca Mutlhangano
  • Timhaka ta mabhuku ma tako ka Cibhukwana ca Mutlhangano (2018)
  • Zvihlokwana zva mhaka
  • 4-10 KA NOVEMBERO
Timhaka ta mabhuku ma tako ka Cibhukwana ca Mutlhangano (2018)
mwbr19 Novembro pp. 1-8

Timhaka ta mabhuku ma tako ka Cibhukwana ca Mutlhangano

4-10 KA NOVEMBERO

TITSHOMBA TI NGA KA MHAKA YA NUNGUNGULU | 1 JOHANI 1-5

“Mu nga randzi a tiko ne hambu a zvilo zvi nga lomu tikweni”

(1 Johani 2:15, 16) Mu nga randzi a tiko ne hambu a zvilo zvi nga lomu tikweni. Loku munhu a randza tiko, a lirandzo la Papayi a li kona kakwe; 16 hakuva a zvilo zvontlhe zvi nga lomu tikweni — a kunavela ka nyama ni kunavela ka matihlo, ni ku gwira hi kota ya lezvi munhu a nga nazvo — a zviti hi ka Papayi kanilezvi zvita hi lomu tikweni.

w05 1/1 10 ¶13

A hi landzeleni cikombiso ca Jesu

A van’wani va nga ha wula ku a hi zvontlhe zvi nga lomu tikweni zvi nga biha. Hambulezvo, a tiko ni zvinavetiso zva gona zvi nga hi colopetela ku tirela Jehovha. A ku na nchumu leci a tiko gi nga hi nyikako ci mahelweko ku hi vhuna ku tshinela ka Nungungulu. Hikwalaho, loku hi randza a zvilo zva lomu tikweni, hambu loku zvi nga hi zvilo zvo biha, hi ti yisa mhangweni. (1 Timote 6:9, 10) A ku tsika lezvo, a zvilo zvo tala zva lomu tikweni zvi bihile niku zvi nga hi hambukisa. Loku hi sixtira mafilmi kutani milongoloko ya televhizawu yi kombisako tihanyi, ku randza titshomba, matirisela ya hava ya zviro zva wubeleki, hi nga gumesa hi zvi wonisa ku khwatsi a zvi bihangi — zvi gumesa hi ku hi ringa. Loku hi maha wunghana ni vanhu va lwelako ku chukwatisa a ciyimo cabye ca wutomi kutani va randzako ku wulawula hi mabhindzu, a zvilo lezvo zvi nga maha zva lisima nguvhu ka hinawu. — Matewu 6:24; 1 Va Le Korinte 15:33.

(1 Johani 2:17) Ahandle ka lezvo, a tiko ga hundza ni kunavela ka gona, kanilezvi loyi a mahako a kurandza ka Nungungulu i ta tshama kala kupindzuka.

w13 15/8 27 ¶18

U fanele kuva munhu wa mahanyela muni?

A nchumu wun’wani lowu wu hi vhunako a kulwa ni ‘zvilo lezvi zvi nga lomu tikweni’ ku tshama na hi alakanya a magezu ya Johani yaku: ‘A tiko ga hundza, ni kunavela ka gona; kanilezvi loyi a mahako kurandza ka Nungungulu i ta tshama kala kupindzuka.’ (1 Joh. 2:17) A tiko ga Sathani gi wonekisa ku khwatsi gi tiyile na gi ku khwatsi gi ta tshama kala kupindzuka. Hambulezvo, gi ta lova hi citshuketi. Ci hava ni cin’we ca tiko ga Sathani ci to tshama kala kupindzuka. A ku tshama na hi alakanya a mhaka leyi zvi ta hi vhuna a kuva hi nga khohliswi hi mano ya Sathani.

Kela titshomba ta moya

(1 Johani 2:7, 8) Varandzekako, a ndzi mu tsaleli a nayo wuswa, kanilezvi i nayo wa kale lowu mu wu zwileko kusukela kusanguleni. A nayo lowu wa kale i mhaka leyi mu nga yizwa. 8 Kanilezvi ndza tlhela ndzi mu tsalela a nayo wuswa, lowu wu nga lisine ka yena ni ka n’wina, hakuva a munyama wa hundza, ni kuwonekela ka lisine ka woninga.

w13 15/9 10 ¶14

A zvikhumbuxeto zva Jehovha zvi tsumbekile

A Mitsalo ya ciGreki ya wuKristu yi tele hi zvikhumbuxeto zva lezvaku hi randzana. Jesu i te ngalo a nayo wa wumbiri wa hombe ku ‘randza muakelani wa wena kota lezvi u ti randzisako zvona’. (Mat. 22:39) Hi kufanana, Jakobe, a makabye wa Jesu, i te a lirandzo i “nayo wa wuhosi”. (Jak. 2:8) Mupostoli Johani i te ngalo: “Varandzekako, a ndzi mu tsaleli a nayo muswa, kanilezvi i nayo wa kale lowu mu nga hi nawo hi kusanguleni.” (1 Joh. 2:7, 8) Xana Johani i wa wula yini hi magezu lawa yaku “nayo wa kale” ke? Yena i wa wula nayo wa ku randzana. Wu wa hi “wa kale” hi lezvi Jesu a nga sina a va nyikile ka makume ya malembe mahlweni ka lezvo — “hi kusanguleni”. Kanilezvi wu wa hi “muswa” kambe hi kota ya lezvi ku nga laveka a kutikarata ka hombe ku kombiseni ka lirandzo leli, ku nga tshamela legi a vapizani va nga wa ta gi lava a cikhati leci va nga wa ta kumana ni mindzhingo yiswa. Kota lezvi hi nga vapizani va Kristu, xana a hi bongi hi lezvi hi nyikiwako zvitlharihiso zva kuva hi ti wonela kasi hi nga tshuki hiva ni moya wa makangwa lowu wu teleko nguvhu tikweni legi, lowu wu nga wa ta daya a lirandzo la hina hi muakelani ke?

(1 Johani 5:16, 17) Loku a wokari a wona makabye wakwe na a maha ciwonho ci nga yisiko kufeni, i wa mu kombelele, Nungungulu i ta mu nyika wutomi. I ta maha lezvo loku a ciwonho ca kona ci nga yisi kufeni. Ku na ni ciwonho ci yisako kufeni. Xungetano hi ciwonho leco, a ndzi wuli lezvaku i wa mu kombelele. 17 A kungalulami kontlhe ciwonho, hambulezvo ku na ni ciwonho leci ci nga yisiko kufeni.

it-3243 ¶3

Kutsetselela

Zvi nene ku maha mukhongelo ka Nungungulu lezvaku a rivalela zviwonho zva van’wani, hambu zva bandla gontlhe. Mosi i mahile zvalezvo hi vaIzrayeli; i wulele zviwonho zvabye a tlhela a kombela ku tsetselelwa, niku Jehovha i no muzwa a tlhela a va rivalela. (Mitse 14:19, 20) Solomoni yenawu, a cikhati a nga hendleleta tempeli ka Jehovha, i no khongela a kombela Jehovha lezvaku a rivalela vanhu vakwe loku va wonha va guma va ti sola. (1Tih 8:30, 33-40, 46-52) Ezra i yimele vaJudha vontlhe la va nga wuyile hi wukhumbini hi ku wulela zviwonho zvabye laha kubaseni. A mukombelo wakwe wo huma mbilwini ni ku luleka zvi mahile lezvaku va maha cokari kasi va tsetselelwa hi Jehovha. (Ezr 9:13–10:4, 10-19, 44) Jakobe i kucile loyi a babyako hi tlhelo ga moya lezvaku a vitana madhota ya bandla kasi ma ta mu khongelela, a tlhela aku “hambu loku a wonhile i ta tsetselelwa.” (Jak 5:14-16) Hambulezvo, ku na ni “ciwonho ci yisako kufeni”, ci nga ciwonho ca ku rukatela moya wa ku basa, leci munhu a ci mahako ha womu; a ciwonho leco a ci na ku tsetselelwa. A muKristu a nga faneli ku khongelela munhu a mahileko ciwonho leco. — 1Jo 5:16; Mat 12:31; Mah 10:26, 27; wona a ESPÍRITO; PECADO.

11-17 KA NOVEMBRO

TITSHOMBA TI NGA KA MHAKA YA NUNGUNGULU | 2 JOHANI 1–JUDHA

“Hi fanele kulwa kasi hi nga humi lisineni”

(Judha 3) Varandzekako, hambu lezvi ndzi nga zvi lavile nguvhu a ku mu tsalela ndzi wulawula hi kuhanyiswa ka hina, ndzi zvi wonile na zvi hi chukwana a ku mu tsalela ndzi mu kuca lezvaku mulwa hi ntamu wa n’wina wontlhe mu lwela kukholwa loku ku nyikilweko vobasa khati gin’we zvi enela.

w04 15/9 11-12 ¶8-9

“Tiyani Hosini”

Ha ti tiva a tipulani ta Sathani hakuva a Mitsalo ya hi byela a mitlhamu leyi a yi tirisako. (2 Va Le Korinte 2:11) Kasi ku vhukela a wanuna wo lulama Joba, Sathani i tirisile a wusiwana ga hombe, kufa ka vanhu a nga va randza, ku vhukelwa hi maxaka, mababyi, ni ku tseketselwa hi lava va nga ti maha vanghana vakwe. Joba i no karateka nguvhu a tlhela a alakanya lezvaku Nungungulu i mu tsikile. (Joba 10:1, 2) Hambu lezvi Sathani a kalako a nga hi vangeli zvikarato lezvi hi ku kongoma, a maKristu yo tala nyamutlha ma kumana ni zvikarato zvo fana ni lezvi, niku Sathani a nga tirisa zvikarato lezvo kasi ku hi hambukisa.

Masikwini lawa yo gumesa a timhango ta moya tiya ti tala. Hi hanya ka nguva leyi a vanhu vo tala va rangisako titshomba a ku hundza mixuvo ya moya. A zvihaxa-mahungu zvi kombisa kuhlengelwa ka masango ku nga basangiko kota zvilo zvi nyikako litsako, na zvi nga hi zva ku bongolisa hloko. Niku a vanhu vo tala “va randza ku ti tsakisa va tsika ku randza Nungungulu”. (2 Timote 3:1-5) A mapimisela lawo ma nga veka mhangweni a wumoya ga hina. Hikwalaho zvi lava ku ‘hilwa hi ntamu wa hina wontlhe hi lwela kukholwa’. — Judha 3.

Kela titshomba ta moya

(Judha 4) A cigelo hi lezvaku ku nyanimele vanhu va nghena cikari ka n’wina, lava va yimiselweko ku lamuliwa hi Mitsalo cima ka kaleloko. A vanhu lavo, va nga ingisiko Nungungulu, va ti yimelela hi tipswalo takwe kasi va landzela mahanyela ya tingana va tlhela va kaneta Jesu Kristu, a Hosi ni n’winyi wa hina.

(Judha 12) Lomu ka tifesta leti mu ti mahako kasi ku komba lezvaku ma randzana, a vanhu lavo va fana ni maribye ma tumbeleko matini; varisi lava va ti karatelako ku tata makhwiri yabye ntsena; marefu ma nga hiko na mati ma kukuletwako hi moya maya lomu wu ku lavako niku tisinya ti nga pswaliko mihandzu hambu loku ku chikela nguva, leti ti feleko magumo ti tlhela ti tsuwuliwa;

it-1 62

Tifesta ta ku randzana

A Bhibhiliya a gi wuli ku a tifesta leto ti wa hi to tshamisa kuyini ne a ku ti wa mahiwa hi masiku muni. (Judha 12) A ti yimisiwangi hi Hosi Jesu kutani hi vapizani vakwe, niku zvi wonekisa ku khwatsi a ti faneli ku woniwa kota ta cikurumeta kutani ta kala rini. A vokari ve leto tifesta leti a maKristu yo ganya ma nga ti maha, laha ma nga ramba a makholwa-kulobye lawa ma nga hi zvisiwana. A vana vo felwa hi vapswali, ni vavasati vo felwa hi vanuna, ni zviganyi, ni zvisiwana, vontlhe va wa tlhangana kasi va tiyisana hi wumakabye ga moya.

it-3456

Ribye

Zvi wonekisa ku khwatsi a gezu ga cigreki legi gi nge spilas gi wula a ribye gi tumbeleko lahasi ka mati. Gi tirisilwe hi Judha kasi ku fananisa a vavanuna lava va nga ti nghenisile bandleni ga wuKristu na va hi ni makungo yo biha. A ku fana ni lezvi a maribye lawo ma tumbeleko matini ma nga hi mhango ka tingalava, a vavanuna lavo vonawu va wa hi mhango ka maKristu lawa man’wani. I wula lezvi xungetano hi vavanuna lavo: “Lomu ka tifesta leti mu ti mahako kasi ku komba lezvaku ma randzana, a vanhu lavo va fana ni maribye ma tumbeleko matini.” — Judha 12.

(Judha 14, 15) Enoki yenawu, a nga wa cizukulwana ca wu 7 kusukela ka Adhamu, i phrofetile hi vona aku: “Wonani! Jehovha i tile ni tingilozi takwe ta ntamu ta tsandza-vahlayi 15 kasi ku ta lamula vontlhe, ni ku kona lava va nga chaviko Nungungulu hi kota ya mitiro yontlhe yo biha leyi va yi mahileko, ni zvilo zvo biha lezvi va zvi wulileko hi yena.”

wp17.1 12 ¶1

‘Yena i tsakisile Nungungulu’

Zvini lezvi Enoki a nga zvi phrofeta? I te: “Wonani! Jehovha i tile ni tingilozi takwe ta ntamu ta tsandza-vahlayi kasi ku ta lamula vontlhe, ni ku kona lava va nga chaviko Nungungulu hi kota ya mitiro yontlhe yo biha leyi va yi mahileko, ni zvilo zvo biha lezvi va zvi wulileko hi yena.” (Judha 14, 15) A co sangula hi ci wonako ka mavhesi lawa ku Enoki i wulawulisile ku khwatsi hi loku makunu Nungungulu a tatisile lezvi ma wulako. A zviphrofeto zvo tala zvi nga mahiwa andzhako ka leci ca Enoki zvi landzele wulawulela galego. A mhaka hi leyi: A muphrofeti loyi i wulawula hi zvilo zvi kalako zvi nga kanakanisi ku zvi ta maheka laha ka kuza zvi ringana ku zvi wulisa ku khwatsi hi loku makunu zvi mahekile! — Isaya 46:10.

wp17.1 12 ¶3

“I tsakisile Nungungulu”

A kukholwa ka Enoki ku hi maha hi ti wutisa lezvi: Xana a tiko legi hi gi wonisa lezvi Nungungulu a gi wonisako zvona? A mhaka ya kulamula leyi Enoki a nga chumayela ya ha hi ni ntamu; ya ha tira kambe tikweni ni nyamutlha a ku fana ni masikwini ya Enoki. Jehovha i tatisile a wuphrofeti ga Enoki a cikhati a nga tisa Ntalo wa mati a lovisa a tiko legiyani go biha. Kanilezvi a kuloviswa loko cikombiso ca kuloviswa ka hombe loku ku to humelela cikhatini ci tako. (Matewu 24:38, 39; 2 Pedro 2:4-6) A ku fana ni cikhatini leco, Jehovha ni tingilozi takwe ta tsandza-vahlayi va longile ku lamula a tiko legi go biha. Hontlheni hi fanele ku ci tekela hlokweni a citlharihiso ca Enoki hi tlhela hi bhulela van’wani. A maxaka ni vanghana va hina va nga hi tsika. Hi nga hazwa ciwundza ka zvin’wani zvikhati. Kanilezvi Jehovha a nga tshukangi a tsika Enoki hikwalaho a nga ta tshuka a tsika a malandza yakwe yo tsumbeka nyamutlha.

18-24 KA NOVEMBRO

TITSHOMBA TI NGA KA MHAKA YA NUNGUNGULU | KUVHULULELWA 1-3

“Ndza yi tiva a mitiro ya wena”

(Kuvhululelwa 1:20) Xungetano hi cihundla co basa ca 7 wa tinyeleti leti u ti wonileko canjeni ga mina ga cinene, ni 7 wa minenge ya ouro yo veka tikandiya, a tlhamuselo wa kona hi lowu: A 7 wa tinyeleti ti yimela a tingilozi ta 7 wa mabandla; a 7 wa minenge ya ouro yo veka tikandiya yi yimela a 7 wa mabandla.

wp12 1/10 20 ¶8

I moya muni u wu kombisako?

Kasi ku potsa a moya lowo, hi fanele ku alakanya lezvaku Jesu i kombiswa lomu ka Bhibhiliya kota loyi a nga ni ‘ntlhanu wa tinyeleti ni timbiri canjeni gakwe ga cinene’. A “tinyeleti” ti yimela a vawoneleli va totilweko, kanilezvi ti nga ha yimela kambe a madhota wontlhe lomu bandleni. Jesu a nga ha kongomisa a “tinyeleti” leto ti nga canjeni gakwe lezvaku ti maha ni cihi leci a ci wonako na ci fanela. (Kuv. 1:16, 20) Hikwalaho, kota Hloko ya bandla ga wuKristu, Jesu i wona zvontlhe zvi mahekako cikari ka hubye ya madhota. Loku a wokari cikari ka hubye ya madhota a fanele ku kawukiwa, Loyi ‘a mahlo yakwe ma nge khwatsi malangavi ya ndzilo’ i ta maha zvontlhe zvi lavekako kasi zvi mahiwa hi cikhati cakwe ni mamahela Yakwe. (Kuv. 1:14) Loku lezvo zvi nga se maheka, hi fanele ku simama hi kombisa cichavo ka lava va yimisilweko hi moya wa ku basa, hakuva Pawule i te ngalo: “Ingisani a varangeli va n’wina, mu ti koramisa ka vona; hakuva va rindzela a mihefemulo ya n’wina, hakuva va ta ti hlamulela ha yona. Va ingiseni lezvaku va fela ku tira hi kutsaka, na ku nga hi kuketa; hakuva lezvi zvi nga ta mu vhuna nchumu.”

(Kuvhululelwa 2:1, 2) Tsalela a ngilozi ya bandla ga le Efesusi, uku: Loyi a khomileko a 7 wa tinyeleti canjeni gakwe ga cinene, loyi a fambako cikari ka 7 wa minenge ya ouro yo veka tikandiya, i ngalo: 2 ‘Ndza yi tiva a mitiro ya wena, ni kutitsitsirita ka wena, ni kutimisela ka wena, ni lezvaku a wu nyenyeleteli a vanhu va kubiha, niku u ringile lava va ti byelako ku vapostoli kasi lezvo a hi vona, u kuma lezvaku vo hemba.

wp12 1/4 30-31 ¶11

Jehovha wa hi hlayisa kasi hi pona

Ka muwoniso wu nga ka Kuvhululelwa zvipimo 2 ni 3, Jesu Kristu i woniwa na a hlola a 7 wa mabandla ya le Ásia Menor. A muwoniso lowo wu komba khwatsi lezvaku Kristu wa zvi wona zvontlhe lezvi zvi mahekako lomu mabandleni. Ka zvikhati zvo kari, i kumbukile vanhu; niku ka zvikhati zvontlhe i wa va dzundza kutani ku va kawuka. Xana lezvo zvi komba yini ke? Muwonisweni lowo, a mabandla lawo ya 7 ma yimela a maKristu ma totilweko andzhako ka 1914, niku a wusungukati gi nyikilweko a mabandla lawo ga lisima kambe mabandleni wontlhe ya vanhu va Nungungulu misaveni yontlhe nyamutlha. Hikwalaho, hi na ni cigelo co zwala ca ku kholwa lezvaku Jehovha wa ha rangela vanhu vakwe hi ku tirisa N’wana wakwe. Makunu hi nga vhunekisa kuyini hi wurangeli lego ke?

w01 15/1 20-21 ¶20

Simama ku longoloka ni Hlengeletano ya Jehovha

Kasi ku longoloka ni hlengeletano ya Jehovha zvi lava ku hi zwisisa hi tlhela hi vhumela a ntiro lowu Nungungulu a nyikileko Jesu wa kuva “hloko ya bandla”. (Va Le Efesusi 5:22, 23) Zvi nene kambe ku alakanya lezvi zvi nga ka Isaya 55:4, laha Jehovha a nge: ‘Langutani, ndzi mu yimisile a kuva mboni ka vamatiko, a hosana ni murangeli wa matiko.’ Hi lisine Jesu wa zvi kota ku rangela vanhu. Yena wa ti tiva a tiyivhu takwe ni mitiro ya tona. Laha a nga hlola a 7 wa mabandla ya le Ásia Menor i phindile ntlhanu wa makhati a ku wula ku: “Ndza yi tiva a mitiro ya wena.” (Kuvhululelwa 2:2, 19; 3:1, 8, 15) A ku fana ni Papayi wakwe Jehovha, Jesu wa zvi tiva lezvi hi zvi lavako. Na a nga se wula a mukhongelo wa Hosi, Jesu i te: “A Papayi wa n’wina wa zvi tiva lezvi mu zvi lavako hambu loku mu nga se mu kombela.” — Matewu 6:8-13.

Kela titshomba ta moya

(Kuvhululelwa 1:7) Wata hi marefu, a matihlo wontlhe ma ta mu wona, ni lava va nga mu tlhava va ta mu wona; a tixaka tontlhe ta laha misaveni ti ta tiba zvifuva hi kukarateka hi kota ya yena. Amen.

kr 226 ¶10

A Mufumo wa Nungungulu wu fuvisa a valala va wona

Kulamulwa ka tiyivhu ni timbuti. A valala vontlhe va Mufumo wa Nungungulu va ta kurumeteka ku wona cimaho ci to engetela a hlomulo wabye. Jesu i ngalo: “Va ta wona N’wana wa munhu na ata hi marefu, a hi ni ntamu wa hombe ni kungangamela.” (Mar. 13:26) A kukombiswa loko ka ntamu ko hlamalisa ku ta komba lezvaku Jesu i tile lezvaku a ta lamula. Ka cin’wani cipandze ca ciphrofeto caleci ca cin’we xungetano hi masiku yo gumesa, Jesu i nyika yin’wani mitlhamuselo xungetano hi kulamula loku ku to maheka ka cikhati leco. Hi kuma a mahungu lawo mufananisweni wa tiyivhu ni timbuti. (Gondza Matewu 25:31-33, 46.) A vaseketeli vo tsumbeka va Mufumo wa Nungungulu va ta lamulwa kota “tiyivhu” zvonake va ‘ololoka va tlakusa a tihloko tabye’ hi ku wona lezvaku ‘a kutirulwa kabye ku tshinele.’ (Luka 21:28) Kanilezvi, a vakaneti va Mufumo va ta lamulwa kota “timbuti” niku “va ta tiba zvifuva” hi ku wona lezvaku a ‘kutsayiswa ka pindzukelwa’ ku va rindzele. — Mat. 24:30; Kuv. 1:7.

(Kuvhululelwa 2:7) Loyi a nga ni tindleve i wa ingise lezvi a moya wu byelako mabandla, wuku: Loyi a hlulako ndzi ta mu tsika aga a sinya ya wutomi leyi yi nga paradhiseni ga Nungungulu.’

w09 15/1 31 ¶1

Timhaka-tshinya ta bhuku ga Kuvhululelwa — I

2:7 — Cini a ‘paradhise ga Nungungulu’? Kota lezvi a magezu lawa ma yako ka vatotilweko, a paradhise gi kumbukiwako laha hi legi ga le tilweni — lomu Nungungulu a nga kona. A vatotilweko vo tsumbeka va ta kuma a nchachazelo wa kuga a “sinya ya wutomi”. Va ta nyikwa a kungafi. — 1 Kor. 15:53.

25 KA NOVEMBRO–1 KA DEZEMBRO

TITSHOMBA TI NGA KA MHAKA YA NUNGUNGULU | KUVHULULELWA 4-6

“A vakhileli va mune wa mahaxi”

(Kuvhululelwa 6:2) Ndzi no cuwuka ndzi wona a haxi go basa, loyi a nga gi khilele i wa hi ni wura; i no nyikiwa cidlodlo a huma na a hlula kasi a ya mbhetisa kuhlula kakwe.

wp17.3 4 ¶3

Hi vamani a vakhileli va mune wa mahaxi?

Himani a mukhileli wa haxi go basa? A bhuku ga galegi ga gin’we ga Kuvhululelwa ga hi vhuna ku mu tiva. Ka cipimo 19, a mukhileli loyi i vitaniwa ku i: “Gezu ga Nungungulu”. (Kuvhululelwa 19:11-13) A cikhundla leci caku Gezu ci lumba Jesu Kristu hakuva hi yena a hi nyikako mahungu ya Nungungulu. (Johani 1:1, 14) Ahandle ka lezvo, i vitaniwa ku “Hosi ya tihosi ni Mufumeli wa vafumeli” a tlhela wuliwa ku hi “Kutsumbeka ni Lisine”. (Kuvhululelwa 19:16) Lezvo zvi komba ku i na ni ntamu wa kuva Mulwi wa tiyimpi, niku a nga tirisi ntamu wakwe hi ndlela ya hava. Hambulezvo, ku vhuka zviwutiso lezvi.

wp17.3 4 ¶5

Hi vamani a vakhileli va mune wa mahaxi?

Va sangulile rini a ntiro wabye? Wona lezvaku a mukhileli wo sangula, Jesu, i sangulile ntiro wakwe a cikhati leci a nga nyikiwa a cidlodlo. (Kuvhululelwa 6:2) Hi rini laha Jesu a nga nyikwa cidlodlo kota Hosi le tilweni? A hi cikhati leci a nga tlhela le tilweni andzhako ka kufa kakwe. A Bhibhiliya gi komba lezvaku a cikhati a nga tlhela i noya sangula ku rindzela. (Mahebheru 10:12, 13) Jesu i byelile valandzeli vakwe lezvi zvi nga wa ta komba ku a kurindzela kakwe ku mbhelile niku makunu i sangulile ku fuma. I wulile lezvaku a cikhati a to sangula ku fuma, a wubihi gi ta andza nguvhu. Ku wa tava ni tiyimpi, tindlala ni mitungu. (Matewu 24:3, 7; Luka 21:10, 11) Neti yi nga sangula a Yimpi yo Sangula ya Misava hi 1914, zvi no tekela ku woneka ku a nguva leyo makunu yi sangulile, leyi a Bhibhiliya gi yi vitanako ku ‘masiku yo gumesa’. — 2 Timote 3:1-5.

(Kuvhululelwa 6:4-6) Ku no huma a haxi go pswhukisa ku khwatsi i ndzilo, loyi a nga gi khilele i no nyikiwa a ntamu wa ku susa kurula laha misaveni kasi a vanhu va dayana; i no nyikiwa a cipadha ca hombe. 5 Laha yi nga namula a cifungo ca wunharu, ndzi nozwa a civangwa ca wunharu ci hanyako, ciku: “Tana!” Ndzi no cuwuka ndzi wona a haxi ga ntima, loyi a nga gi khilele i wa khomile cikalo canjeni gakwe. 6 Cikari ka mune wa zvivangwa zvi hanyako, ndzi nozwa guwa go khwatsi i gezu, giku: “A kilo yin’we ya trigo i dhenaryo, ni tikilo tinharu ta sevhadha i dhenaryo. Kanilezvi u nga wonhi a mafura ya olivha, ni vhinyo.”

wp17.3 5 ¶2

Hi vamani a vakhileli va mune wa mahaxi?

A mukhileli loyi i yimela a tiyimpi. Wona lezvaku a nga susi a kurula ka matiko yo kari basi kanilezvi ka tiko gontlhe. Hi 1914, ku no vhuka yimpi ya misava yontlhe hi khati go sangula matin’wini wontlhe ya vanhu. Yi no landzelwa hi yimpi ya wumbiri ya misava, leyi yi nga hohlola nguvhu ku hundza leyi yo sangula. Ku alakanyelwa lezvaku kusukela hi 1914 a ntsengo wa vanhu va ngafa tiyimpini va hundza a 100 wa timiliyoni, na ku nga hlayiwi a ntsengo wa lava va nga limala.

wp17.3 5 ¶4-5

Hi vamani a vakhileli va mune wa mahaxi?

“Laha yi nga namula a cifungo ca wunharu, ndzi nozwa a civangwa ca wunharu ci hanyako, ciku: ‘Tana!’ Ndzi no cuwuka ndzi wona a haxi ga ntima, loyi a nga gi khilele i wa khomile cikalo canjeni gakwe. Cikari ka mune wa zvivangwa zvi hanyako, ndzi nozwa guwa go khwatsi i gezu, giku: ‘A kilo yin’we ya trigo i dhenaryo, ni tikilo tinharu ta sevhadha i dhenaryo. Kanilezvi u nga wonhi a mafura ya olivha, ni vhinyo.’” — Kuvhululelwa 6:5, 6.

A mukhileli loyi i yimela ndlala. A ciyimo ci wa ta bindza nguvhu laha kaku a Bhibhiliya gi ku a kilo yin’we ya trigo i dhenaryo (1.08 L), ku nga hi muholo wontlhe wa siku ka zana ga malembe go sangula. (Matewu 20:2) A cingerengere leco ci wa xava a tikilo tinharu (3.24 L) ta sevhadha, yi nga kala yi nga vhuni nchumu loku yi fananiswa ni trigo. A zvakuga lezvo zvi wa nga eneli ka lava va nga hi ni mingango ya hombe. A vanhu va tlhela va tlharihisiwa lezvaku va tirisa khwatsi a zvakuga zva siku ni siku, zvo kota mafura ya olivha ni vhinyo, zvi nga hi zvakuga zva tshinya cikhatini leco.

(Kuvhululelwa 6:8) Ndzi no cuwuka ndzi wona a haxi go kwalala, loyi a nga gi khilele i wa vitaniwa ku hi Kufa. I wa landzelelwa hi Cilahla. Va no nyikiwa ntamu hehla ka cipandze ca wumune ca misava, kasi va daya hi cipadha co leha, ni ndlala, ni ntungu wu dayako, ni zvivandza zva misava.

wp17.3 5 ¶8-10

Hi vamani a vakhileli va mune wa mahaxi?

A mukhileli wa haxi ga wumune i yimela a kufa ku vangiwako hi mitungu ni zvin’wani. Andzhako ka 1914 kuve ni fundzeketa ga Espanya gi deleko timiliyoni ta vanhu. Zva koteka ku kwalomo ka 500 wa timiliyoni ta vanhu va thapelwe hi fundzeketa lego, lezvi zvi wulako ku ndzeni ka vanhu vanharu va nga hanya lomu tikweni a mun’we i wa thapelwe.

Kanilezvi a fundzeketa ga Espanya give masangulo ntsena. A titlhari ti wula lezvaku ku file mazanazana ya timiliyoni ta vanhu hi kota ya wubabyi va nge cikele ka zana ga malembe ga wu 20. Kala nyamutlha a mababyi yo kota SIDA, ni ndele, ni malariya ma kari ma daya timiliyoni ta vanhu hambu lezvi a vadhokodhela va zamako hi tindlela tontlhe.

Kani hi kota ya yimpi, kutani i ndlala, kutani mitungu, a magumo ya kona hi yalawa ya man’we — ku nga kufa. A cilahla ci kari ci wungeletela a vanhu lavo niku a ci nyiki kutsumba.

Kela titshomba ta moya

(Kuvhululelwa 4:4) A citshamu ca wuhosi ci wa randzelwe hi 24 wa zvitshamu zva wuhosi; ka zvitshamu lezvo zva wuhosi ku wa tshamile a 24 wa madhota ma nga bohile tinguwo to basa, ni zvidlodlo zva ouro tihlokweni ta wona.

(Kuvhululelwa 4:6) Laha phambeni ka citshamu ca wuhosi ku wa hi ni nchumu wo basa nguvhu wu tlhela wu vangamela a ku khwatsi i bimbi ga vhidro. Laha cikari ka citshamu ca wuhosi ni lomu mareveni ya cona ku wa hi ni mune wa zvivangwa zvi hanyako zvi nga tele hi matihlo phambeni ni ndzhako.

re 76-77 ¶8

A wukulu ga citshamu ca wuhosi ca Jehovha

Johani i wa zvi tiva ku ku yimisilwe vapristi kasi va tira ka tabhernakeli. Hikwalaho kuzvilava i hlamele a cikhati a nga wona lezvi zvi wuliwako laha: “A citshamu ca wuhosi ci wa randzelwe hi 24 wa zvitshamu zva wuhosi; ka zvitshamu lezvo zva wuhosi ku wa tshamile a 24 wa madhota ma nga bohile tinguwo to basa, ni zvidlodlo zva ouro tihlokweni ta wona.” (Kuvhululelwa 4:4) Wutshan’wini ga vapristi, i no wona 24 wa madhota ma totilweko ma tlhela ma bohisiwa zvidlodlo a ku khwatsi tihosi. Hi vamani a madhota lawo? A ku na van’wani ahandle ka vatotilweko va humako bandleni ga wuKristu, lava va vhuxilweko makunu va ya kuma cikhundla leci Jehovha a va tsumbisileko le tilweni. Hi zvi tivisa kuyini lezvo?

re 80 ¶19

A wukulu ga citshamu ca wuhosi ca Jehovha

A zvivangwa lezvi zvi yimela yini? A muwoniso wo kari wu wulilweko hi muphrofeti mun’wani waku hi Ezekiyeli, wa hi vhuna ku tiva hlamulo. Ezekiyeli i wonile Jehovha na a khilele kareta ya moya, leyi yi nga famba zvin’we ni zvivangwa zvi hanyako zvi nga ni matshamela yo fana ni lawa ma kumbukiwako hi Johani. (Ezekieli 1:5-11, 22-28) Andzhako ka cikhati, Ezekiyeli i no tlhela a yi wona kambe a kareta leyo zvin’we ni zvivangwa lezvo zva moya. Kanilezvi ka khati legi, i kumbuka zvivangwa zvi hanyako kota makerubhima. (Ezekieli 10:9-15) A mune wa zvivangwa zvi hanyako lezvi Johani a nga zvi wona zvi yimela a makerubhima yo tala ya Nungungulu — zvi nga zvivangwa zvo tlakuka nguvhu ka hlengeletano Yakwe ya moya. Johani i wa nga ta alakanya lezvaku a ku wona makerubhima kusuhani na Jehovha zvilo zvo kala ku toloveleka, hakuva a kale le tabhernakelini ku wa hi ni makerubhima mambiri ya ouro ma nga hi laha hehla ka arke ga civhumelwano, leci ci nga yimela a citshamu ca wuhosi ca Jehovha. Cikari ka makerubhima lawo, ku wa zwala a gezu ga Jehovha na a nyikela a zvileletelo ka vaIzrayeli. — Eksodusi 25:22; Tisimu 80:1.

(Kuvhululelwa 5:5) Kanilezvi a gin’we ga madhota gi te ngalo ka mina: “Miyela ku rila. A nghala ya lixaka la ka Judha, a mutsu wa Dhavhidha, yi hlulile kasi yi vhulula a bhuku ni ku namula a 7 wa zvifungo zva gona.”

cf 36 ¶5-6

‘Wona A Nghala Ya Lixaka La Ka Judha’

A nghala a zvikhati zvo tala yi zwananiswa ni kutiya-hlana. Xana u tshama u cuwukana ni nghala ya hombe ya matsune nghohe ni nghohe? Loku zvi hi tano, zva koteka nguvhu a kuva u ponile a civandza leco, kuzvilava hi kota ya libhiyo leli li ci vhaleleko lomu jaradhi. Hambulezvo, a tshango lego gi nga ha chavisa. A cikhati leci u cuwukako nghoheni ya civangwa leci ca hombe ni ca ntamu conawu ci ku cuwuka khwatsi, zva karata a ku alakanyela a nghala na yi tshuka yi tsutsuma hi ku chava nchumu. A Bhibhiliya gi wulawula hi “nghala yi nga ni ntamu ku hundza zvihari zvontlhe; leyi yi nga chaviko nchumu.” (Mavingu 30:30) Loko kutiya-hlana ka Kristu.

A hi kambisiseni lezvi Jesu a kombisisako zvona a kutiya-hlana ko fana ni nghala ka tindlela tinharu: kuyimeleni ka zvinene, kuseketeleni ka kulamula, ni kuyimisaneni ni kukanetwa. Hi ta wona kambe lezvaku hina hontlhe — kani hi ngava hi hi ni wunhenha ga mabeleko kutani ahihi — ha zvi kota ku pimanyisa Jesu kukombiseni ka kutiya-hlana.

    Mabhuku ya ciTshwa (2000-2025)
    Huma
    Nghena
    • ciTshwa
    • Rumela
    • Ti hlawulele
    • Copyright © 2025 Watch Tower Bible and Tract Society of Pennsylvania
    • Nayo wa matirisela
    • Nayo wa cihundla
    • Privacy Settings
    • JW.ORG
    • Nghena
    Rumela