“A wute Mufumo wa wena”

Jehovha i tsumbisile lezvi: ‘Ku nga ta hava ni kurila, kubayisa, mababyi ne kufa. Ndzi ta kulula mihloti yontlhe matihlweni yabye. A zvilo zvontlhe zva kubiha zvi nga ta ha alakanyiwa’.

Jehovha i wa vekile Adhamu na Evha lomu sin’wini ga Edheni kasi va hanya kona hi kurula na va tsakile. Va wa fanele ku khozela Papayi wabye wa le tilweni va tlhela va tata misava hi vana vabye. Adhamu na Evha va no tsika ku ingisa Jehovha. Kanilezvi, lezvi Jehovha a nga lava ku maha kusanguleni a zvi cicangi. Lomu ka bhuku legi, hi wonile lezvaku zvontlhe lezvi Nungungulu a zvi tsumbisako zva maheka. A Mufumo wakwe wu ta tisa a makatekwa yo tsakisa nguvhu laha misaveni, a ku khwatsi hi lezvi a tsumbisileko Abrahama.

Na ku nga hi kale, Sathani ni madhimoni yakwe ni vanhu vontlhe va kubiha va nga tava kona. Vontlhe va to ngha va hanya cikhatini leco va ta khozela Jehovha. Hi nga ta babya ne kufa. Siku ni siku hi ta vhuka na hi tiyile na hi tsakela ku hanya kambe. A misava yi tava paradhise. Vontlhe va tava ni zvakuga zva zvinene ni tiyindlu ta tinene. A vanhu va tava vanene, va nga tava ni xapi ne kuva ni tihanyi. A zvihari zva khwati zvi nga ta hi chava, hinawu hi nga ta zvi chava.

A cikhati leci Jehovha a to sangula ku vhuxa lava va fileko, zvi ta tsakisa nguvhu. Hi ta hoyozela vanhu va hanyileko kale, vo kota Abheli, Nowa, Abrahama, Sara, Mosi, Rute, Esteri na Dhavhidha. Va ta hi vhuna ku cica misava yiva paradhise. Contlhe cikhati hi tava ni ntiro wo tsakisa.

Jehovha i lava lezvaku wena uva seyo. U ta mu tiva hi ndlela ya ku cima u wa nga se yi alakanyela. A hi simame ku tiyisa wunghana ga hina na Jehovha, ava yena munghana wa hina wa hombe nguvhu siku ni siku, kala kupindzuka!