Mahungu yo saseka ka vanhu vontlhe

A kuvuka ka Jesu hi ka vafileko ku nyikile ntamu a vapizani vakwe lezaku va xumayela hi kuhiseka ni kukholwa. Hi xikombiso, mupostoli Paule i fambafambile lomu Asia wa Mutsongwani ni Mediteraneyo, a yimisa mabandla ni ku tiyisa a maKristu lezaku ma timisela a tshikelelo ni tixanisa. Hambu lezi ku nga hi ni zikarato lezo, a wuKristu gi lo vuvuma gi tlhela gi hangalaka.

Paule wutsumbu i lo valelwa paxweni. Kanilezi, ni kwalomo paxweni, Paule i lo tsala mapapilo ya ku tiyisa mabandla ya wuKristu ni ku ma nyika wusungukati. I tlhelile a va tlharihisa ka mhango yinwani ya hombe — ku nga wuhluwuki. Na a rangelwa hi moya wa ku basa wa Nungungulu, Paule i zi wonile na ka ha hi mahlweni lezaku ku wa ta nghena “timhisi ti pamako” xikari ka maKristu, ti wulawula “zilo zi gombonyekileko,” ti tlhela ti “ti kokela vapizani.” — Mitiro 20:29, 30.

Kumbheleni ka zana ga malembe go sangula, a wuhluwuki legi gi wa sangulile. Kwalomo ka xikhati lexo, Jesu loyi a nga vuxilwe, i lo mu nyika Kuvululelwa mupostoli Johani — ku nga ku mu komba zilo zi nga hata. Khwatsi hi lezi Johani a tsalileko hi nzhako ka xikhati, a ku na nala ge hambu vagonzisi va mawunwa va nga wa ta zi kota ku valela a kungo ga Nungungulu go sangula xungetano hi vanhu ni misava lezaku gi nga tatiseki. A vanhu va “matiko wontlhe, ni tixaka, ni tirimi,” va tazwa mahungu yo saseka xungetano hi Mufumo wa Nungungulu. (Kuvululelwa 14:6) A misava yi ta tlhela yiva Paradise, niku ni wihi a ranzako ku maha kuranza ka Nungungulu i ta hanya kona!

Xana lezo u zi wona kota “mahungu yo saseka” ke? Loku a hlamulo wa wena wu hi ina, gonza zinwani xungetano hi mahungu ya Nungungulu ka vanhu, lawa ma kumekako lomu ka Biblia u tlhela u tiva lezi ma nga ku vunisako zona nyamutlha ni xikhatini xi tako.

U nga ti gonzela a Biblia ha wece ka Internet hi xipimo xa 50 wa tirimi ka site www.jw.org/tsc. Ka site leyi, u nga tlhela u gonza hi xiTshwa a broxura Mahungu Yo Saseka Ya Nungungulu! ni bhuku Zini Lezi A Biblia Gi Zi Gonzisako Hakunene? zinwe ni mabhuku manwani ma kombako a xigelo xa kuva a Biblia gi hi bhuku go tsumbeka, ni lezi hi nga tirisisako zona a wusungukati ga gona laha ngangweni ni wutomini ga hina wutsumbu. Kutani ku kombela mahungu manwani ka ni yihi Mboni ya Jehova u yi tivako.

 — Ma seketelwe ka Mitiro, Va Le Efesusi, Va Le Filipi, Va Le Kolosi, Filemoni, 1 Johani, ni Kuvululelwa.