Na va chumayela kusuhani ni Monróvia, le Libéria

Zvingheniso

●○○ KHATI GO SANGULA

Ciwutiso: A Bhibhiliya ga hi ni lisima inyamutlha?

Mutsalo: 2 Ti 3:16

Mhaka yo ta tlhavinyeta hi yona bhulo: A Bhibhiliya gi wulawula hi yini?

●○○ KHATI GA WUMBIRI

Ciwutiso: A Bhibhiliya gi wulawula hi yini?

Mutsalo: Mt 6:10

Mhaka yo ta tlhavinyeta hi yona bhulo: Zvini lezvi a Mufumo wa Nungungulu wu to zvi maha?

●○○ KHATI GA WUNHARU

Ciwutiso: Zvini lezvi a Mufumo wa Nungungulu wu to zvi maha?

Mutsalo: Dha 2:44

Mhaka yo ta tlhavinyeta hi yona bhulo: Xana lezvi zvi ta yi khumbisa kuyini a misava?

Kusukela ka hweti leyi, a mutlhangano wa cikari ka vhiki wu nga ta hava ni zvingheniso zvinharu zvo hambana. Wutshan’wini ga lezvo, a Cibhukwana ca mutlhangano ca Ntiro wa hina ni mahanyela ya wuKristu ci tava ni zvingheniso zvi seketelwako ka ciwutiso ca ku sangula mabhulo, ni mutsalo, ni ciwutiso co ta tlhavinyeta hi cona bhulo ka khati ginʼwani. Hi vhiki ku to bisiwa a vhidhyu yin’we ntsena ya cingheniso. A muhuweleli mun’we ni mun’wani a nga boha a ku i bhuku muni a to gi tirisa cikari ka mabhuku ya hina ya ku gondzisa hi wona niku i ta gi nyikela rini — ku ngava ka khati go sangula kutani ka khati ga wumbiri. Ahandle ka lezvo, a cibhukwana ca mutlhangano ci tava ni mawonela ya ku ma tirisa ka khati ga wumbiri ni ga wunharu. A mahela legi gi ta hi vhuna a ku veka a kupima ka kungo ga hina ga ku gondzisa ‘vontlhe lava a timbilu tabye ti longileko ku amukela wutomi ga pindzukelwa.’ — Mit 13:48, Tradução do Novo Mundo.

Zviavelo zva zvigondzani: Ahandle ka zvileletelo zvin’wani, a zvigondzani zvi fanele a ku tirisa a mawonela ya zvingheniso.

Mabhuku ma kumbukiwako ka cibhukwana leci:

w = Murindzeli

w-T = A Sentinela

NM = Tradução do Novo Mundo

Bhs = Zini lezi a Biblia gi hi gonzisako?

jy = Jesu hi yena ndlela ni lisine ni wutomi