Tshango

Kombisa kuzwela-wusiwana ka vanhu vontlhe

Ka siku go kari, a makabye wa cisati wa Nova Zelândia, i no sixtira vhidhio ka jw.org, yi nga wulawula hi ku Jehovha a ngo zwela wusiwana ntsena kanilezvi a tlhela a ku kombisa. (Isa. 63:7-9) I no boha ku tirisa lezvi a nga gondza hi ku vhuna van’wani. Hi ndzhako ka cikhati ka siku galego na a xava zvilo lomu citolo, i no kumana ni wasati wa cisiwana a nga kala a nga hi na muti niku i no mu xavela zvakuga. A wasati loye i no vhumela. A cikhati leci a makabye loyi a nga wuya ni zvakuga, i no nyika wukustumunyu hi ku tirisa ciphephana caku Xana a kuxaniseka ku ta tshuka ku mbhela?

A wasati loye i no humesa mihloti. I no tlhamusela lezvaku i wundlilwe kota Kustumunyu, kanilezvi ku hundza malembe yo tala na a tsikile lisine. Hambulezvo, makunu i wa kari a khongela ka Jehovha kasi a mu vhuna ku tlhelela kakwe. A makabye loyi wa cisati i no mu nyika a Bhibhiliya a wasati loye niku i no maha malulamiselo ya ku a fambiselwa cigondzo ca Bhibhiliya.a

Hi nga pimanyisa a kuzwela-wusiwana ka Jehovha hi vanhu, a ku patsa ni maxaka ya hina ni vamakabye va hina lomu bandleni. Niku hi nga kombisa a kuzwela-wusiwana hi ku hlota tindlela ta ku nyika wukustumunyu a van’wani.