Xikwembu Xi Ni Mhaka Na Hina

1. XIKWEMBU XI HI HUMESELA DLAMBU

Misava a yi ta tshamisa ku yini loko a ku nga na dlambu? Dlambu li yentxa swaku minsinya yi kuma ntamu wa ku humesa matluka kumbe makamba, mafilori, mafruta ni timbewu. Naswona li yentxa swaku minsinya yi koka mati hi timintsu ma khwela ma ya ka matluka kumbe makamba ma gama ma vaporara.

2. XIKWEMBU XI HI NISELA MPFULA

Xikwembu xi hi nisela mpfula swaku hi kuma swakudla. Mpfula i ya lisima hikusa yi yentxa swaku ku tshoveliwa naswona leswo swa hi tsakisa.

3. XIKWEMBU XI HI NYIKA SWAKUDLA NI MPAHLA

Vapsali va vanyingi va karhateka hikusa va pfumala swakudla ni mpahla swaku nyika mindjangu ya vona. Kambe vona leswi Bibele li swi vulaka: ‘Langutani tinyanyana letihahaka mpfhukeni: Atibyali, atitshoveli, atihlengeleti nchumu tshaleni, hikusa Tatana wa n’wina wa le tilweni watiphamela; xana n’wina amititluli ngopfu hi lisima ke?’ — Matewu 6:25, 26.

‘Xiyani ndlela leyi swiluva swa nhova leswi vange i makhon’wa swikulaka ha yona . . . ; kambe namibyela leswaku hambi ali Solomoni akudzunisekeni ka yena hinkwaku kumbe na a li hosi, angayambalanga kufana ni xin’wana xa swona. Kutani leswi Xikwembu xiyambexaka hi ndlela leyi abyanyi la nhova . . . , xana axingemiyambexi kutlulisa swoswo’? — Matewu 6:28-30.

Leswi Xikwembu xi hi nyikaka swakudla ni mpahla, ha kholwa swaku xi nga hi pfuna hi swilo swin’wana leswi hi swi lavaka. Loko hi yentxa leswi Xikwembu xi swi lavaka xi ta hi nyika swakudla xi tlhela xi hi pfuna ku kuma ntirho swaku hi ta xava leswi hi swi lavaka. — Matewu 6:32, 33.

Ku pimisa hi dlambu, mpfula, swinyenyana ni mafilori, swi hi yentxa hi xi rhandza hintamu Xikwembu. Ka nhlokomhaka leyi landzelaka vona swaku Xikwembu xi vulavulisa ku yini ni vanhu.