Yehovha Na Yesu Va Ta Hi Chunsa Ka Nkama Lowu Taka

Hi swini swikarhatu leswi u nga na swona? Ku nga va swaku u papayi wa ndjangu lweyi a nga ni mintirho ya yinyingi swaku a yi yentxa? U mupsali lweyi a nga yexe, lweyi a tirhaka swinene swaku a hlayisa ndjangu wa yena? Kumbe u jovhem leli hlekiwaka ni ku hluphiwa hi vakolega axikola? Wa vabya kumbe u ni swikarhatu swa ku fambisana ni ku guga? Mun’wana ni mun’wana wa hina a ni swikarhatu swa yena. Vakreste va ku tala va kumana ni swikarhatu swa swinyingi hi nkama wun’we. Kambe ha swi tiva swaku ku nga li khale Yehovha a ta hi chunsa ka swikarhatu swa hina hinkwaswu. — 2Ko 4:16-18.

Phela lexi nga hi tiyisaka i ku tiva swaku Yehovha wa swi twisisa swikarhatu swa hina. Wa tsaka loko a hi vona hi tshembeka hi tlhela hi tiyisela naswona a ta hi katekisa hintamu. (Yr 29:11, 12) Na yena Yesu a ni mhaka na hina. A nkama hi yentxaka ntirho lowu a nga hi nyika wona hi nga tiyiseka hi marito lawa yena a nga ma vula loko a ku: “Ni na n’wina”. (Mt 28:20) Loko hi pimisa hi chunseko lowu hi nga ta wu kuma ka Mfumu wa Xikwembu hi ta tiyisa ntshembo wa hina naswona hi ta tama hi tiyisela swikarhatu leswi hi nga na swona. — Rm 8:19-21.

SIXTIRA VHIDIYO LELI NGE: LESWI XIDZEDZE XI TSHINELAKA, LANGUTA YESU — MINKATEKO YA MFUMU LEYI TAKA, MI GAMA MI HLAMULA SWIVUTISO LESWI:

• I yini lexi nga yentxa swaku vanhu va nga ha vi vanghanu va Xikwembu, naswona ku yentxeke yini hi mhaka ya leswo?

• Lava va tshembekaka ka Yehovha va ta kuma yini?

• I yini lexi nga ta yentxa swaku swi koteka kuva hi kuma minkateko ya nkama lowu taka?

• Hi yini minkateko leyi u yi nyimelaka hintamu ku va na yona a paradesi?