Bula Ni Van’wani Hi Leswi U Nga Swi Djondza

Phela djondzo ya munhu hi xiyexe yi nga hi tiyisa swinene. Kambe hi nga tiyisiwa hintamu loko hi byela van’wani leswi hi nga swi djondza. Buku ya Swivuriso 11:25 yi tlhamusela mhaka leyi hi ndlela ya ku fanekisela loko yi ku: “Lweyi a nyikaka van’wani mati, na yena a ta nyikiwa.”

Hi ntolovelo, loko hi bulela van’wani leswi hi nga swi djondza, hi ya hi swi twisisa kahle funtshi swa hi pfuna ku swi vekisa ka nhloko. Naswona swi hi yendla hi tsaka hikusa ha swi tiva swaku leswi hi swi bulelaka van’wani swi nga va pfuna. — Min. 20:35.

Zama ku yendla leswi: Vhiki leli taka lavetela tindlela ta ku bulela munhu leswi u nga djondza hi swona. Ku nga ha va xaka la wena, makwerhu bandleni, lweyi u tirhaka na yena kumbe lweyi u djondzaka na yena, vhizinyu kumbe munhu lweyi u nga ta mu kuma ansin’wini. Nkama u mu byelaka hi leswi u nga djondza hi swona, tirhisa marito ya wena naswona vulavula hi ndlela ya ku vevuka.

Khumbuka: Xikongomelo xa wena nkama u bulaka ni van’wani hi leswi u nga swi djondza i ku va tiyisa, ku nga li ku va komba swaku u tiva swilo swa swinyingi. — 1 Ko. 8:1.