DJONDZO 02

Bibele Li Hi Nyika Ntshembo

La Ku Imprimiriwa

Amisaveni hinkwayu vanhu va kumana ni swikarhatu, hi mhaka leyo va kwata, va vilela va tlhela va twa ku vava. Swi tshama swi ku yendlekela leswo? Swi nga yendleka u twa ku vava hi mhaka mavabyi kumbe ku feliwa hi munhu lweyi u mu rhandzaka. U nga ha tivutisa leswi: ‘Indjhe siku lin’wani swilo swi ta yampsa?’ U ta tsaka hi ku tiva nhlamulu ya Bibele.

1. Hi wini ntshembo lowu Bibele li hi nyikaka wona?

Bibele li hi byela swaku hi mhaka muni ku ni swikarhatu swa swinyingi misaveni. Kambe li tlhela li hi byela mahungu ya ku tsakisa ya leswaku a ku choti kule swaku swikarhatu leswi hi kumanaka na swona swi helisiwa. Switshembiso leswi nga ka Bibele swi nga hi pfuna swaku ‘swi hi fambela kahle ka nkama lowu taka swi tlhela swi hi nyika ntshembo.’ (Lerha Yeremiya 29:11, 12.) Switshembiso leswi nga ka Bibele swa hi pfuna ku lwisana ni swikarhatu leswi hi kumanaka na swona na hi nga heli ntamu. Naswona swi hi pfuna swaku hi tsaka swoswi ni ka nkama lowu taka.

2. I mpsini leswi Bibele li tshembisaka swaku swi ta yendleka ka nkama lowu taka?

Bibele li vula swaku “lifu a li nga ha ta va kona, hambi nkosi, ku rila ni ku twa ku vava a swi nge he vi kona.” (Lerha Nhlawutelo 21:4.) Swikarhatu leswi yendlaka swaku vanhu va hlupheka namuntlha swa ku fana ni wusiwana, ku kanganyisiwa, mavabyi ni lifu a swi nga ha ta va kona. Bibele li tshembisa swaku vanhu va ta hanya na va tsakile hi masiku ni masiku aParadesi lani misaveni.

3. I mpsini leswi nga ku pfunaka kuva u tiyiseka swaku hinkwaswu leswi Bibele li swi vulaka swi ta yendleka?

Vanhu va swi lava swaku swilo swi yampsa lani misaveni, kambe a va tiyiseki swaku leswo swi ta yendleka. Kambe Bibele la tshembeka. Loko u ma “kambisisa kahle Matsalwa” kumbe Bibele, u ta tiyiseka swaku hinkwaswu leswi li swi vulaka swi ta yendleka. (Mintirho 17:11) Ku djondza Bibele swi ta ku pfuna ku vona swaku u nga swi kholwa kumbe a wu fanelanga u swi kholwa leswi Bibele li vulaka swaku swi ta yendleka ka nkama lowu taka.

DJONDZA SWIN’WANI

Vona swin’wani leswi Bibele li tshembisaka swaku swi ta yendleka ka nkama lowu taka. Tlhela u vona swaku switshembiso swi nga ka Bibele swi va pfunisa ku yini vanhu van’wani.

Mafoto: Hi le ndzhaku ku kombisiwa swilo leswi yendlekelaka vanhu namuntlha. A phambheni ku kombisiwa wutomi leli Bibele li hi tshembisaka lona. Mafoto ya ku fana ni lawa ma tlhela ma kombisiwa hansi.

4. Bibele li tshembisa swaku hi nga hanya wutomi la ku kala li nga heli na hi nga hlupheki

Ka kwadru leli landzelaka ku kombisiwa swin’wani swa leswi Bibele li swi tshembisaka. Hi swini switshembiso leswi nga ku tsakisa hintamu? Naswona hi mhaka muni?

Lerhani tindzimana ta Bibele leti vulavulaka hi switshembiso leswo, leti nga kombisiwa ka kwadru, mi gama mi bula hi leswi landzelaka:

Indjhe leswi Bibele li swi vulaka swi nga ku nyika ntshembo? Indjhe ku ni munhu ka ndjangu wa wena kumbe munghanu wa wena lweyi swi nga mu pfunaka?

Tivoni na u hanya ka misava leyi

KU KALAKA KU NGA NA MUNHU LWEYI . . .	VANHU HINKWAVU VA NGA TA . . .
a twaka ku vava, a hluphekaka hi mhaka ku guga kumbe ku fa. — Esaya 25:8.	vona vanghanu ni maxaka ya vona lawa ma nga ta pfuxiwa lani misaveni. — Yohani 5:28, 29.
a vabyaka kumbe ku limala. — Esaya 33:24; 35:5, 6.	va ni wutomi la kahle va tlhela va va ni matimba. — Yobo 33:25.
a kanganyisiwaka kumbe a hluphiwaka. — Esaya 32:16, 17.	va ni swakudla swa swinyingi, yindlo ya kahle ni ntirho lowu va tsakisaka. — Tipisalema 72:16; Esaya 65:21, 22.
a hluphekaka hi mhaka ya tinyimpi. — Tipisalema 46:9.	va ni ku rhula ka ntiyiso. — Tipisalema 37:11.
a vavisekaka hi mhaka ya leswi a titwaka nandzu kumbe hi mhaka ya leswi a khumbukaka swilo swa ku biha leswi nga mu yendlekela. — Esaya 65:17.	hanya hi masiku ni masiku na va tsakile. — Tipisalema 37:29.

Xifanyatani lexi a xi vabya xi kahle naswona xi barasarane ni mamani wa xona.

Wanuna lweyi a a gugile, a tlhele a va jovhem naswona a chovha karinya leli nga tala hi matsavu.

5. Leswi Bibele li swi tshembisaka swi nga yampsisa wutomi la wena

Vanhu va vanyingi va vaviseka va tlhela va kwata hi mhaka swikarhatu leswi va swi vonaka misaveni. Van’wani va yendla leswi va nga swi kotaka swaku va zama ku swi yampsisa. Vona swaku switshembiso leswi nga ka Bibele swa leswaku swilo swi ta yampsa swi va pfunise ku yini vanhu van’wani. Sixtirani VHIDIYO, mi gama mi bula hi swivutiso leswi landzelaka.

VHIDIYO: A Ni Lava Ku Helisa Xikheto (4:07)

Mafoto: Mafoto lawa ma fambisanaka ni vhidiyo leli nge ‘A Ni Lava Ku Helisa Xikheto’ 1. Rafika na a tshovela algodão nkama na wa ha li mutsongo ni vanhu va muhlovo wa yena. 2. Ka ku sungula Rafika a nga ya ka kongresu la Timboni ta Yehovha a tsake hintamu hi ku vona valungu ni valandi na va li xikan’we.

Ka vhidiyo, i mpsini leswi Rafika a a nga tsaki hi swona?
Leswi a swi karhata Rafika a swi helanga, kambe Bibele li mu pfunise ku yini?

Leswi Bibele li tshembisaka swaku swi ta yendleka ka nkama lowu taka swi nga hi pfuna swaku hi nga heli ntamu hi tlhela hi kota ku lwisana ni swikarhatu leswi hi kumanaka na swona. Lerhani Swivuriso 17:22 ni Varoma 12:12, mi gama mi bula hi swivutiso leswi landzelaka:

U vona swaku leswi Bibele li swi tshembisaka swi nga li yampsisa wutomi la wena? Hi mhaka muni?

VAN’WANI VA LI: “Leswi Bibele li swi tshembisaka a hi ntiyiso.”

Hi mhaka muni swi li swa lisima ku tiva swaku i ntiyiso kumbe a hi ntiyiso?

LESWI HI NGA SWI DJONDZA

Bibele li hi nyika ntshembo. Ku tiva swaku Bibele li tshembisa swaku hi ta va ni wutomi la ku tsakisa ka nkama lowu taka, swa hi pfuna kuva hi lwisana ni swikarhatu.

Ku kambela leswi hi nga swi djondza

Hi mhaka muni hina vanhu hi lava ntshembo?
Bibele li vula swaku ku ta yendleka yini ka nkama lowu taka?
Leswi Bibele li swi tshembisaka swi nga li yampsisisa ku yini wutomi la wena?

Ni hete djondzo leyi hi diya:

Zama ku yendla leswi

Tlhela u lerha tindzimana leti nga ka djondzo leyi swaku u swi tiva kahle switshembiso leswi nga ka Bibele.

Swin’wani:

Your other goal

LOKO U LAVA KU TIVA SWIN’WANI

Djondza swin’wani hi leswi ntshembo wu nga hi pfunisaka xiswona.

“Ntshembo — Xana Wu Nga Khumba Vutomi Bya Wena?” (Khindlimuka! wa 22 ka Abril wa 2004 hi Xitsonga)

Vona swaku leswi Bibele li tshembisaka swaku swi ta yendleka ka nkama lowu taka, swi nga va pfunisa ku yini lava nga ni mavabyi ya ku kala ma nga daheki.

“Bibele Li Nga Ku Pfuna Loko U Ni Mavabyi Ya Ku Kala Ma Nga Daheki?” (Nhlokomhaka leyi nga ka site la jw.org)

Nkama u sixtiraka muzika lowu, zama ku tivona na u ni ndjangu wa wena na mi hanya na mi tsakile ka Paradesi leli Bibele li li tshembisaka.

Pimisa Hi Minkateko Ya Nkama Lowu Taka (3:37)

Vona leswi wutomi la wanuna mun’wani li nga txintxisa xiswona nkama a nga djondza hi leswi Bibele li swi tshembisaka.

“A Na Ha Swi Lavi Ku Txintxa A Misava” (Murindzi wa 1 ka Julho wa 2013)