¿Andijtsïsï jatsi para seguirini jorhenguarhini Jeobaeri ambe?

1. ¿Ambejtsï andaa engajtsï seguiriska jorhenguarhini Bibliani?

Seguruchi jarhaska eska i ambe engajtsï jorhenguarhikia, úskia eskajtsï sánderu uékaaka Jeobani. Peru inde uékperakua jatsisti para pauani pauani sánderu kánini (1 Pedru 2:2). Engajtsï cha seguiriaka jorhenguarhini Bibliaeri ambe, uákajtsï andarherani Jeobani ka jatsini tsípikua para méntkisï. Arhinta je Juanu 17:3 ka Judasʌ 21.

Enga cha sánderu mítiaka Tata Diosïri ambe, chári jakajkukua sánderu uinhapiati ka i jakajkukuaksïni jarhuatati úni imani ambe enga Jeoba jeiapanhintajka (Ebreu 11:1, 6). Ístu, íksïni jarhuataati parajtsï jurajkuani no sési jarhati úkuechani ka parajtsï úni imani ambe engaksïni marhuachiaka chári irekakuarhu. Arhinta je Ukuecha 3:19.

2. ¿Nénajtsï uá cha máteruechani jarhuataani?

Iáminduchi tsitisïnga uandantani ambakiti ambe, ísï jimbo chájtsï uékaaka máteruechani eianguani ambe engajtsï jorhenguarhikia. Enga cha seguiriska jorhenguarhini, uákajtsï mítini néna úrani Bibliani parajtsï uandantani Jeobaeri ambe ka ambe enga ima eiatspijka. Arhinta je Romanos 10:13-15, NM.

Uákajtsï chári amiguechani o familiarichani uénani eianguani ini ambakiti ambe, perujtsï jatsiska para respetu jingoni eianguani. Sánderu sésiuati engajtsï eianguauaka ambe enga Jeoba eiatspijka ka no arhiani eska no sési jarhaska ima ambe engaksï ima jakajkujka. Miá je eskaksï sánderu exeaka chári jánguani ka eska chári uandakuechani. Arhinta je 2 Timoteo 2:24, 25.

3. ¿Ambejtsï uá jindeeni Tata Diosïni jingoni?

Jorhenguarhini Bibliaeri ambe, jarhuataatiksïni parajtsï sánderu andarherani Tata Diosïni ka parajtsï sési pájperakua ma jatsini imani jingoni. Ka niárakajtsï ísïni komueska Tata Diosïri uájpa ma. Arhinta je 2 Korintu 6:18.

4. ¿Ambeksïni jarhuataa parajtsï seguirini mítini Tata Diosïni?

Seguiri je jorhenguarhini Tata Diosïri Karakatani (Ebreu 5:13, 14). Kurhaku je Jeobaeri testiguni ma eskaksïni jorhendaaka Bibliaeri ambe úraparini libruni ¿Qué enseña realmente la Biblia? Engajtsï sánderu jorhenguarhiaka, sánderujtsï sési pʼikuarheraaka. Arhinta je Salmo 1:1-3 ka 73:27, 28.

Miá je eska ambakiti ambe enga Biblia jataka, Jeobaeriska, ima Tata Diosï enga tsípikua jingoni irekajka. Ka chájtsï uáka andarherani imani engajtsï tánguarhiska imechani jingoni engaksï imani marhuakujka (Ebreu 10:24, 25). Engajtsï cha seguiriuaka jánguarhintani parajtsï sési pʼikuastani Jeobani, uákajtsï jatsini tsípikua para méntkisï. Andarherani Jeobani, inde jindesti sánderu ambakiti ambe engajtsï cha uáka úni. Arhinta je 1 Timoteo 1:11, NM ka 1 Timoteo 6:19.