Disiembri

Engachi no pʼímukukuarhiska uákachi no sési útspini. Por ejemplu, engachi mítejka nemani enga jima irekani jaka nani engaksï Testiguecha no újka aianhpini ni máteru ambe úni para Jeobani kómarhini, ¿uékanchi jarhasïni kurhamarhini nénaksï úsïni para Jeobani kómarhini imani lugari jimbo? Ísïsti, nóchi no sési ambe eratseparini kurhamarhipiringa ini ambe. Xénchaasïngachi erachichani ka uékasïngachi míteni nénaksï nitamakuarhixaki. Ístu, uékasïngachi míteni ambe jimbo kómarhijpikuani. Peru, sánderu sésisti pʼímukukuarhini ka no kurhanguarhini jarhani ini ambe. Méntku arhini jarhani nemani eskajtsïni aianguaka ambe ma enga no jatsika para mítekuarhini, nóchi xarhatakuni japiringa uékperakua imani erachini ni imechani engaksï mintsikajka eska i erachi no ma ambe uandantaaka. Ísïsti, nóchi uékasïnga eskaksï sánderu úkua jukanchaaka ima erachicha engaksï irekani jaka imani lugari jimbo enga no jaka sésikua para juchari ánchikuarhitani úkuarhini. Ístu, no ma erachi enga imani lugarichani jimbo irekani jaka jámapirindi uandantani nénaksï úsïni para aianhpini o máteru ambe úni para Jeobani kómarhini. w20.03 21, 22 párr. 11, 12

Tata Diosï no uékasïrendi eskaksï kʼuiripuecha uarhipiringa, sino eskaksï para méntkisï irekapiringa. Paraka ísï úkuarhipiringa, Adani ka Ebaksï jatsispti para kurhajchani Jeobani, ima enga solu arini ambe juramukuapka: “Anhatapu mímixekueri enga jindeeka sési amberi ka no sési amberi, nóri jámaaka akuni, jimboka ima jurhiatikua engari akuaka, uarhiakari” (Gén. 2:16, 17). Peru jimajkani, Noambakiti akuitsini ma úraspti para arhini Ebani ambe enga iásï anapu tekstu arhijka. Xáni no sési enga Eba jakajkupka imani chkuanderakuani ka arhani frutani ima anhatapuerini. Tátsekua, imeri uámbajtu arhaspti (Gén. 3:6). Ísï jimbo, niárasti jarhani pekadu ka uarhikua (Rom. 5:12). Ísï eska Tata Diosï na uandapka, Adani ka Ebaksï uarhisti. Peru Noambakiti seguirispti chkuanderakua ambe uandani uarhikueri ambe. Ísï tátsekua, uénaspti máteru chkuanderakua ambe uandani, komu ima jorhentperakua eska enga kʼuiripu ma uarhijka, ma parti ima kʼuiripueri tsípiti pakarasïnga, jamberi espirituecha jingoni. Mámaru járhati i mismu chkuanderakueri ambe, uánikua kʼuiripuechani támisï jánhastaaxati asta iásï jamberi (1 Tim. 4:1). w19.04 14, 15 párr. 3, 4

Sapiichaksï nótki jorhenguarhisïndi sési eratseni, erakuni úni ambe ma, ni exeni enga peligru ma jauaka paraksï no no sési ambe úkuarhinchani. Jimbosï para no sési úri, fásilijti enganiarini sapini ma. Chkuanderakua ambe arhisïndi sapini enga kánikua no sési úkuaka, por ejemplu, eska sapi kulpa jatsisïnga enga ima ísku ambe ma úkujka, eska no nemani aianguaka, eska no nema kurhajchaaka ni jakajkukuni enga sapi uandantaaka, o eska relasioni seksuali jatsini kʼuiripu kʼéri ma sapi ma jingoni, arhikuekasïnga eska kʼuiripu meru xénchasïnga sapini. I ambe úsïndi eska sapi ióndaaka kurhanguni eska i ambe chkuanderakuespka. Jamberi sapi kʼuiripeati ísï pʼikuarheraparini eska no sési jáxeska, eska no ma ambe marhuasïnga ka eska no jukanchaska paraksï sési kámani ni xénchani. Ini ambe míteparini, nójtsïni ísku pakatasïndi eska ísku ambe ma úkuni sapini ma, ióni jamberi no sési pʼikuastasïnga. Últimu jurhiatikuecha jimbochi irekaxaka, ini jurhiatikuecha jimbo engaksï uánikua kʼuiripuecha no uékpijka ka engaksï “imecha engaksï malueka ka engaksï kʼarhajpini jámajka [o enganiarpini]”, sánderu ka sánderuksï no sési jámani jaka (2 Tim. 3:1-5, 13). w19.05 15 párr. 7, 8

¿Néna jorhendaaspi Jesusi kʼuiripuechani? Orheta, imeri uandakuecha jingoni. Ambe enga uandenga mintsitarhu niáratspesïrendi, jimboka jurhimbitku jorhentpisïrenga Tata Diosïri ambe, ambe engachi jimbo kueraanhaka ka eska solu Tata Diosïri Reinu uáka kʼamajkuni kómu nitamakua ambe (Luk. 24:19). Jesusi ístu ejemplu jingoni jorhentpispti. Na enga ima irekapka, xarhatakuaspti imeri chúxapatichani na engaksï jatsipka para irekani (Juanu 13:15). ¿Káni jorhentpispi Jesusi? Jiáni enga Echerirhu aianhpini jámani japka (Mat. 4:23). Ístu jorhendaaspti imeri chúxapatichani ísï tátsekua enga tsíntapkia. Por ejemplu, xarhakuaspti máru kʼuiripuechani, jamberi jukari kinientu ísï ka juramukuaspti paraksï jorhentpini (Mat. 28:19, 20; 1 Kor. 15:6). Komu orhejtsïkuti kúnguarhikueri, seguirixapti jorhendaani imeri chúxapatichani enga kʼuanhatsentapkia auandarhu. Por ejemplu, uéxurhini 96 jimbo ísï, úraspti apostuli Juanuni para uinhaperaantani ka konseju íntsaani erakukatechani (Kol. 1:18; Jaŋ. 1:1). w19.05 3 párr. 4, 5

Ini jurhiatikuecha jimbo, kánikua úkua jukasti orhepani uérani. Uánikua erachichaksï kánikua ánchikuarhisïndi paraksï solu imani ambe konseguirini enga imecheri familia sánderu uétarhinchajka. Máteruksï jatsisïndi para kánikua tiempu úrani paraksï jima niárani engaksï ánchikuarhijka ka ístu paraksï kʼuanhatsentani. Ístuksï jarhasti erachicha engaksï kánikua kuatarajka ánchikuarhitarhu paraksï úni tumina andani. Enga chúrijkia, erachichaksï xáni kuataratini jarhasïndi engaksï jamberi nóteru uéjkia estudiarini. Ísïsti, jatsiskachi para tiempu arhutani para estudiarini Tata Diosïri Karakatani ka juchari publikasionichani, peru kʼóru meru estudiarini. Solu ísïchi uáka jatsini ambakiti pájperakua ma Jeoba jingoni ka irekani para méntkisï (1 Tim. 4:15). Máru erachichaksï pauani pauani xarhentku jauarasïndi paraksï estudiarini enga no ma ambe kurhaakuarhini jauaka kʼumanchikuarhu ka jimbokaksï mintsikuarhiskia, úsïndiksï sánderu sési eratsentani. Máteruksï chúrikua arhutasïndi tiempu para estudiarini enga nóteru ambe ma kurhaakuarhini jauakia. w19.05 26 párr. 1, 2

Mójtakurhini, no jindeesti ambe ma engachi sóntku újka ka no jánguarhintaparini. Jamberichi jatsiaka para ióni jamberi jánguarhintani xáni eskachi xáni uáka (2 Ped. 1:5). Jatsiskachi para meru jánguarhintani mójtakuni na engachi jásï kʼuiripu máeka. Ambe engachi orheta jatsika para úni, jindesti kómarhini. Jatsiskachi para májkueni ambe kurhajkuarhini eska salmueri karari enga uandapka: “Ú eska juchiti mintsita pímbinhasïuaka, oh Tata Diosï, ka ú eskani jimbanhi espiritu ma jatsiaka, ma engakini no méni jurajkuaka” (Sal. 51:10). Jatsiskachi para jiókuarhini eskachi uétarhinchasïnga mójtakuni na engachi eratsejka ka kurhakuni Jeobani eskajtsïni jarhuataaka. Tsimani úni jámani, ístu kánikua jukaparhakuesti eratsentani. Pauani pauani, jukaparhakuesti eskachi jingontku arhintaaka Bibliani ka arhutani tiempu parachi eratsentani ambe engachi jatsika para mójtakuni, komu ambe engachi eratsejka ka pʼikuarhinheni (Sal. 119:59; Ebr. 4:12; Sant. 1:25). Ju je jánguarhintani exeni sinchi ísï eratsesïni eskaksï parhakpini anapuecha na jorhentpijka. Ju je sési mítekuarhini ka exeni sinchi imani ambe tsitisïni enga no sési jaka ka jánguarhintanchi no indeni ambe úni. w19.06 8 párr. 1; 10 párr. 10, 11; 12 párr. 12

Engachi erakuni jámaaka úni ambe ma, ju je sési exeni na jatinchi uá ambe ma ka ju je meru jiáni ísï úni. Nóchi erokuarhiaka astakachi tiempu jatsiaka jimbokachi jamberi no méni jatsiaka (Ecl. 11:4). Ju je no jurajkuni eskajtsïni ima ambe enga no xáni jukaparhakueka, tiempu euaka ka uinhapikua enga jindeeka para imani ambe úni enga sánderu jukaparhakueka (Filip. 1:10, TNM). Engachi uáka ísï úni, ju je arhutani tiempu jiáni engajtsïni máteruecha no xáni ójkutaaka ka uákachi arhiani eskachi uékaxaka jukaparhakua ambe eratsentani. Ístuchi úpiringa pátani telefununi ka tátsekua exeania mensajichani o máteru ambe. Ini ambe jingoni, ísïuati komu lugari ma jimbo niárani nani engachi uékani japka nirani. Engachi uéjka niárani nani ka karretera orhutakata jarhani, jatsiakachi para jánguarhintani niárani nájkirukachi máteru xanharu jimbo niuaka. Májkuenisti, engachi exeaka eskajtsïni sési nichexaka imani ambe jimbo engachi erakupka úni, nóchi sóntku kuatantaaka nájkirukajtsïni ambe ma ójkutaaka (Gal. 6:9). w19.11 30 párr. 17, 18

¿Andijtsïsï uéjki itsï atakuarhini? Bibliaeri jorhenguarhikua jimbo, chájtsï uánikua ambe míteskia Jeobaeri ambe, komu na enga jásï Tata Diosï máeka ka na enga eratsejka. Iámindu i ambeksïni mintsitarhu niárachesti ka ústi eskajtsï kánikua xénchaaka. Engajtsï erakuaka itsï atakuarhini, jindeuati jimbokajtsï xénchasïnga Jeobani. Ístujtsï uékaaka itsï atakuarhini imani ambe jimbo engajtsï jorhenguarhikia Bibliaeri ambe ka exentsï eska ísïska. Eratsi je ambe enga Jesusi juramupka jiáni enga uandapka eskachi jatsiska para kʼuiripuechani jorhendaani (Mat. 28:19, 20, TNM). Ima uandaspti eska imecha engaksï itsï atakuarhijka, jatsiskaksï para “Táteri, Uájperi ka espiritu santueri nombri jimbo” úni. I ambe arhikuekasïndi iámu mintsita jingoni jakajkuni ambe enga Biblia jorhentpijka Jeobaeri ambe, imeri Uájpa Jesusiri ka ístu espiritu santueri ambe. Ini ambe míteni, uátiksïni kánikua jarhuatani ka niárachenksïni chári mintsitarhu. w20.03 9 párr. 8, 9

Jeoba no solu ánjelichani axaaspti paraksï aianguni Lotini eska Sodoma kʼamajkunhapiringa, sino ístu paraksï jarhuataani sïpakuarhini (Gén. 19:12-14, 17). Sáno májkueni, engachi míteka eska erachi ma úxaka ambe ma enga jimbo niáraaka problema ambe jatsini, jamberichi jatsiaka para arhini ambe ma. Nájkiruka erachi ióndaaka ísï úni eskaksï Bibliaeri konsejuecha na arhijka, ju je no kuatantani. Ju je ísïni eska ima tsimani ánjelicha. Enbesdechi kuatantani ka jarharini erachini, ju je exeni nénachi úpirini jarhuatani (1 Juanu 3:18). Jamberichi jatsiaka para úni ambe ma imani jimbo, enga ísïuaka komueska jupijtani, ka jarhuatani paraka uáka ísï úni eskaksï Bibliaeri konsejuecha na arhijka. Jeoba solu úpirindi exeni ambe enga no sési uénga Loti, peru no ísï úspti. Ísï ióni jimbo, Jeoba úspti eska apostuli Pedru karapiringa eska Loti achamasï máespka enga jurhimbitku jámenga (Sal. 130:3). Ju je májkueni úni eska Tata Diosï ka sánderu ambakiti ambe exeni juchari erachicheri. Engachi ísï úska, nóchi sóntku kuatantaaka imecha jingoni ka jamberiksï imecha sánderu uékaati eskachi jarhuatauaka. w19.06 21 párr. 6, 7

Engachi niárapiringa nóteru jurajkunhania úni juchari ánchikuarhitani, jamberichi kurhamarhikuarhipiringa sinchi mótsipirini máteru paisi jimbo nani engachi úpiringa agustu marhuakuni Jeobani. I ambe máesti enga ma jatsika para jandiajku erakuni. Jamberi jarhuatauati máru erachichani exeni ambe engaksï úpka máru primeru siglurhu anapu kristianuecha jiáni engaksï no sési kánhapka. Jerusaleni anapu disipuluechaksï uápurisï mótsispti jini Judea ka Samaria ka astaksï Fenisia, Chipri ka Antiokia ísï niraspti (Mat. 10:23; Uku. 8:1; 11:19). Peru apostuli Pablu jima pakaraspti nani engaksï kánikua no sési kaani japka kristianuechani (Uku. 14:19-23). ¿Ambechi jorhenguarhisïni ini istoriecheri? Eska mándani familieri orhejtsïkuti jatsiska para erakuni ambe úni. Antede erakuni ambe úni, jatsisti para kómarhini Jeobani ka exeni néna jarhaski imeri familia ka ístu jarhuataua o nómbe engaksï mótsiska. Nóchi jatsiska para uandani ambe ma imani ambe jimbo enga máteru nema uáka. w19.07 10 párr. 8, 9

Jesusi uandaspti eskachi nipiringa ka “iámindu iretechani jorhenguarhiri” uáni (Mat. 28:19, TDU). Ka aparte de jorhendani ambe uékasïni Jesusi eska uáka imeri chúxapati, jatsiskachi para jarhuatani néna ambakiti kristianu máeni. Jatsiskachi para imani jingoni jarhani enga jánguarhintani jauaka úni ambe enga Bibliarhu jorhenguarhijka. Máru jorhenguarhirichaksï sóntku niárasïndi mójtakuni na engaksï eratsejka ka ambe engaksï pʼindepka úni, peruksï máteruecha sánderu tiempu uétarhinchasïndi. Ambe enga nitamakuarhipka Perú anapu misioneru ma xarhatasïndi eska marhuasïnga tekaantstiini. Ima uandantaspti: “Raúl enga Bibliaeri ambe jorhenguarhini japka, jorhenguarhiasptia tsimani libruechani. Peru seguirixapti kʼérati uandanhiatechani jatsiani. Imeri temungurhirikua kánikua no sési jarhaspti, no sési járhati uandakuechani úraasïrendi ka uájpechaksï úkua jukanchasïrendi janhanharhini. Peru, jimboka no kueratasïrenga tánguarhikuecharhu seguirispka pʼorhembini imani ka imeri familiani. Niáraspti itsï atakuarhini ísï tátsekua engani jukari tanimu uéxurhini páni japkia desdekani mítepka”. w19.07 14 párr. 3; 19 párr. 15-17

Ju je exeni ambe enga nitamakuarhini japka apostuli Pablu enga Filipusi anapuechani karakuapka kartani ka na enga xáni jánguarhintenga. Kʼumanchikua ma jimbo ónhakata jarhaspti Roma, jimbosï no uéndi nirani aianhpini. Peru no jurajkuspti aianguani imechani engaksï nirenga pʼorhembini ka kartechani karakuani kúnguarhikuechani engaksï iauani japka. Apostuli mítetixapti eska jatsispka para jánguarhintani asta kʼamarhukuni jamberi, ísï eska Kristu. Jimbosï karrera ma jingoni terukutantapti kristianueri irekuani (1 Kor. 9:24-27). Imecha engaksï karrera ma jimbo uiriani jarhajka, soluksï eratseni jarhasïndi andani ka nóksï exesïndi imani ambe enga úpiringa ójkutaani. Por ejemplu, imecha engaksï karrera ma jimbo uiriani jarhajka kʼéri ireta ma jimbo, jamberiksï jimesïsï nitamaati engaksï kʼérati tiendecha jaka ka máteru ambe enga úpiringa ójkutaani. ¿A no eska no nema enga uiriani jaka anhaxurhipiringa tiendarhu ma para exeni ambe enga íntspikuarhinhajka? Nómbe jimboka uékasïnga andani. Májkuenisti, parachi úni jatsini tsípikua, jatsiskachi para no jurajkuni eskajtsïni ójkutaaka ambe ma. Engachi méntku eratseni jauaka kʼamarhukuni karrrerani ka jánguarhintanchi na engachi xáni uáka ísï eska Pablu, uákachi jatsini tsípikua para méntkisï. w19.08 3 párr. 4; 4 párr. 7

Engachi uénajka imani ambe úni enga Jeoba juramujka, jamberiksï juchari parienticha úkua jukanchajti jiókuarhini ambe engachi iásï jakajkujkia ka na engachi irekani jaka. Ambe engaksï orheta exejka, jindesti eskachi nóteru jámasïngia imecha jingoni relijioniri kʼuínchikuecharhu ni politikarisï. Uénani jámani, jamberijtsïni máru ikiachiati (Mat. 10:35, 36). Peruchi no jatsiska para kuatantani. Engachi nóteru jánguarhintaskia jarhuataani kurhanguni ambe engachi jakajkujka, ísïsti enajkichi eratsejki eskaksï no jukanchaska jatsini tsípikua para méntkisï. Peru Jeoba, Jesusini jurajkukusti para jusgarpini ka no juchantsïni (Juanu 5:22). Engachi tekaantstiska, jamberiksï sánderu orhepani uékaati kurhaani Bibliaeri ambe. Jatsiskachi para sési kámpini peru ístuchi seguru jarhani ambe engachi jakajkujka nájkirukachi jatsiauaka tsʼéjkukuechani (1 Kor. 4:12b). Jamberiksï juchari parienticha ióndaati kurhanguni eskachi kánikua jukaparharasïnga marhuakuni Jeobani. w19.08 17 párr. 10, 13; 18 párr. 14

Engachi na orhepani uérakujkia tsʼéjkukuani ma, uánikuekachi eratsesïnga eskachi no úpiringa jandiajku ísï úni. Jamberichi ísï uandaka engachi eratsentapkia na engachi orhepani uérakuka pʼamenchakuani ma o engachi uarhiranchaka nemani. Úskachi pauani pauani orhepani uérani solu jimbokajtsïni Jeobaeri espiritu santu íntskuska “uinhapikua enga xáni kʼéri ambeka” (2 Kor. 4:7-9). Ístuchi uétarhinchasïnga espiritu santu parachi úni orhepani uérani ini parhakpinirhu enga xáni no sési jánhaskuarhini jaka (1 Juanu 5:19). Ka ístuchi jatsiska para orhepani uérakuani “noambakitiri espirituechani” (Efes. 6:12). Jeobaeri espiritu santujtsïni jarhuatasïndi engajtsïni uinhapikua íntskujka parachi úni juchari ánchikuarhitani nájkirukachi uandanhiatechani jatsiauaka. Apostuli Pablu exesïrendi eska “Kristueri uinhapikua” jimbo úsïrenga seguirini marhuakuni Jeobani nájkiruka uandanhiatechani jatsiapiringa (2 Kor. 12:9). w19.11 8 párr. 1-3

Bibliajkusï uandantajti ambe enga Jesusi úka chánksïni jimbo. Jorhenguarhi je xénchani Jesusini. Ísï úni, jarhuataatiksïni sánderu xénchani Jeobani jimboka Jesusi sési xarhatasïnga na enga jásïka imeri Táti. Ísï jimbo engajtsï sánderu jorhenguarhiaka Jesusiri ambe, sánderujtsï sési kurhanguaka na enga jásïka Jeoba ka sánderujtsï xénchaaka. Eratsi je na enga Jesusi pʼamojkuapka imechani enga kʼuiripu no xénchauenga, komu pobrichani, pʼamenchatichani ka imechani enga no nema kuájpiauenga. Ístu, eratsea je ambakiti konsejuechani engaksïni íntsaajka ka na engajtsï sánderu sési irekajka engajtsï ísï újka (Mat. 5:1-11; 7:24-27). Seguru eskajtsï sánderu xénchaaka Jesusini engajtsï eratsentaaka ambe enga ima úka parachi puáminhantaani juchari pekaduechani (Mat. 20:28). Engajtsï niáraaka kurhanguni eska ima uékaska chánksïni jimbo uarhini, chájtsï uékaaka móantani ka jánguarhintani paraksïni Jeoba puáchentani (Uku. 3:19, 20; 1 Juanu 1:9). Ka engajtsï sánderu xénchaaka Jeobani ka Jesusini, sánderujtsï uékaaka imecha jingoni kúnguarhini engaksï májkueni pʼikuarherajka eska chá. w20.03 5, 6 párr. 10-12

Erachi ma úpirindi uénani eratseni eska ima sánderu sési úsïnga úni ánchikuarhita ma kúnguarhikuarhu. O pirenchi ma jamberi úpirindi eratseni eska imeri uámba sánderu sési jorhenaska úni ambe ma ka eska máteru erachi. Engachi mintsita jingoni kaxumbitiska, nóchi jámaaka indeni ambe eratseni. Ju je exeni ambe enga úpka Moisesi engaksï máteruecha intsïnhapka ánchikuarhita ma ka ambe engachi uáka jorhenguarhini. Para ima kánikua jukaparhakua ambeespti orhejtsïkuni ireta Israelini. ¿Peru ambe úspi enga Jeoba úpka eskaksï máteru israelitecha jarhuatapiringa imeri ánchikuarhita jingoni? No no sési pʼikuarheraspti (Núm. 11:24-29). Ístu, kaxumbikua xarhataspti enga jurajkupka eskaksï máteruecha jarhuatapiringa iretani jusgarini (Éx. 18:13-24). Engaksï sánderu uáni juesicha japkia, sánderuksï sóntku jarhuatasïrendi kʼuiripuni ka israelitechaksï no jatsisïrendi para xáni ióni erokuarhini. Moisesi sánderu jukaparharasïrendi eska ireta sési japiringa ka no eska ima kʼéri ambe exenhapiringa. ¿A no eska ambakiti ejemplu máeska para jucha? Ju je miáni eska parajtsïni Jeoba úni úrani, sánderu jukaparhakueska eskachi kaxumbitiuaka ka eska uánikua ambe jorhenani úni. w19.09 5, 6 párr. 13, 14

Nóchi míteska ambe engaksï aianhpiaka juramuticha andiksïsï uékaa kʼamajkuni Kʼéri Babiloniani. Jamberiksï uandaati eskaksï relijionicha ójkutpisïnga para úni pínandikua jarhani ka eskaksï someni inchamukusïnga politikarisï. Oksï jamberi uandaati eskaksï relijionicha jukari uánikua ambe jatsikuarhiskia (Jaŋ. 18:3, 7). Peru engaksï juramuticha uénaaka kʼamajkuani, jamberiksï no uandikuauati kʼuiripuechani engaksï relijioni no jurhimbitichani jingoni tánguarhijka, sino relijionichani. Engaksï relijionicha nóteru jauakia, kʼuiripuecha engaksï imecha jingoni tánguarhienga kuentaksï íntskukuarhiati eskaksï imecheri orhejtsïkuticha no jarhuataaska ka jamberiksï jánguarhintaati jurajkuani imani relijionichani. Kʼéri Babilonia no ióni jimbo kʼamajkunhaati (Jaŋ. 18:10, 21). Jeoba aiatspesti eska mískuarhita no xáni ióndaaka kʼamakurhini paraksï imeri erakukatecha ka relijioni jurhimbiti no kʼamajkunhani (Mar. 13:19, 20). w19.10 15 párr. 4, 5

Nándicha, jamberi chári tátichaksï sóntku ikiauendi ka no sésiksï arhiani sapiichani. Ísï jimbo, jamberijtsï ísï kʼuiripika eratseparini eska ísï uétarhisïnga tʼarhexeraani sapiichani. Asta iásï jamberi engajtsï mítekia na enga uéjka Jeoba eskaksï kánhaaka sapiicha, jamberijtsï útasï úkua jukanchajka no sóntku ikiani ka tekaantani, sánderia jiáni engaksï sapiicha no kurhanderajka ka chá kuataratini jarhani (Efes. 4:31). Enga inde ambe úkuarhiaka, jiáni sánderu uétarhiati eskajtsï kómarhiaka Jeobani (Sal. 37:5). Ístuksï máru nándicha úkua jukanchasïndi xarhatakuani uájpechani na engaksï xáni xénchaajka jimboka jiáni engaksï imecha sapichuepka, imecheri tátichaksï no xarhatakuasïrendi eskaksï xénchaasïrenga. Peru nándichaksï no jatsisti para májkueni úni. Enga nándi ma uéjka kurhajchani Jeobani, jatsisti para jorhenguarhini xarhatakuani uájpechani eska xénchaasïnga. Jamberi no fásiliuati para imecha mójtakuni ini ambe. Peruksï uáti ísï úni ka ini ambe jimbo, iámindu familia sánderu sési irekaati. w19.09 18, 19 párr. 19, 20

Ima enga kómarhijka Tata Diosïni ka májku tiempu jimbo kánikua jánguarhintani jarhani jatsikuarhekua ambe jatsini, ísïsti komu tsimani patronichani marhuakuani. No Jeobantkusï marhuakuni jati. Primeru sigluni kʼamarhukunisï, kúnguarhikuarhu anapuecha enga Laodisea japka, uandasïrendiksï eskaksï jatsikuarhirispka, uánikua ambeksï jatsikuarhispti ka no ma ambeksï uétarhinchasïrendi. Peruksï Jeoba ka Jesusi ísï exeasïrendi eskaksï no tsípikua jingoni irekaxapka, lastima jingonksï exeasïrendi, nóksï ambe na jatsikuarhispti ka sieguenksï ka patsikʼasïksï jarhani. Jesusi jurhimberantaaspti peru no jimbokaksï jatsikuarhiripiringa, sino jimboka jatsikuarhikua ambe úxapka eskaksï no jatsipiringa ambakiti pájperakua ma Jeoba jingoni (Jaŋ. 3:14-17). Engachi kuenta íntskukuarhiska eskachi uénaxaka tsitini jatsikuarhekua ambe, ju je jirejiresï úni ambe ma (1 Tim. 6:7,8). Engachi no ísï úska, ístuchi uénaaka tsimani ambe tsitini ka Jeoba no jiókuarhiati na engachi kómarhijka, jimboka ima uékasïnga eskachi imantku marhuakuaka (Deut. 4:24). w19.10 27 párr. 5, 6

Uandakua griegu enga tradusirikuarhijka “jarhuataapka”, arhikuekasïndi “paapka” o “manataapka”. Lukasï enga Apostulicheri Ukuechani karaapka, májkueni jásï ma uandakua griegu úraspti para arhikuekani na enga barku ma jurajkutakuarhijka eska tarhiata paaka (Uku. 27:15). Kʼuiripu ma enga Bibliaeri ambe estudiarijka, uandasti eska, enga apostuli Pedru uandapka eska espiritu santu paaspka o manataani Bibliaeri kararichani, barku ma jingoni terokutantaspti enga tarhiata manatajka o páni. Ini uandakua jingoni, Pedru arhikuekaxapti eska, ísï eska tarhiata na pájka o jarhuatani barkuni lugari ma jimbo niárani, espiritu santu jarhuataaspti profetechani ka Bibliaeri kararichani paraksï imecheri ánchikuarhitani úni. I mismu kʼuiripu enga Bibliaeri ambe estudiarijka, uandaspti eskaksï profetecha ísïspka komueska ima barku enga sési pʼirakuajka belechani (kʼérati takusïcha engaksï barkuecha jukaajka), i ambe arhikuekasïndi “eskaksï listu jarhaspkia para úni ambe enga espiritu santu arhiapiringa”. Ka Jeoba úspti eska “tarhiapiringa”, o sea, íntsaaspti espiritu santu. Jimajkani, Bibliaeri kararichaksï jurajkuspti eska espiritu santu paapiringa o jarhuataani. Ka iásï, ísï eska na uinhamu tarhiajka mariru, espiritu santujtsïni jarhuatasïndi orhepani uérani uandanhiatecha jingoni parachi úni niárani jimbanhi parhakpinirhu engajtsïni Tata Diosï aiachini jaka. w19.11 9 párr. 7-9

Ménisïjtsïni uandanhiatecha no sési pʼikuastasïndi, ísï jimbo, jatsiskachi para úni ambe ma. Jimboka ístu no sési japirindi engachi no ma ambe úska. Ambe engachi kʼóru no jatsika para úni, jindesti méntku eratseni jarhani ambe engajtsïni uandanhiatajka, engachi ísï úpiringa, niárapiringachi mirikurhini ambakiti aiatsperakuani engajtsïni Jeoba úchika (Jaŋ. 21:3, 4). Xáni no sési pʼikuarherani, uáti eskachi nóteru marhuakuakia Jeobani. Estados Unidos anapu pirenchi ma enga uámbani kuidarijka enga kánikua pʼamenchani jaka, seguirixati mintsikani Jeobani, ju je exeni ambe enga újka para ísï úni. Karta ma axaspti, ka arhisïrendi: “Ambe engachi nitamakuarhini jaka, ménisïjtsïni niárasïndi kuatajkuni ka no sési pʼikuastani, peruchi sánderu mintsikasïnga ambe enga úkuarhiaka sánderu orhepani. Kánikua jukaparharasïnga iámindu ambe engajtsïni Jeoba íntskujka parachi seguirini mintsikani ka parachi no kuatantani. Meruchi uétarhinchaasïnga ini konsejuechani. Jarhuatasïndijtsïni parachi seguirini tekaantani”. Ambe enga i pirenchi uandajka, jorhendasïndijtsïni eskachi uáka tekaantani. ¿Néna? Engachi ísï exeaska uandanhiatechani komueska Noambakitiri tsʼéjkukuecha, mintsikaparini eskajtsïni Jeoba sési pʼikuastantaaka ka kánikua jukaparharani iámindu ambe enga xáni újka parajtsïni imeri ambe jorhendani. w19.11 16 párr. 9, 10

Orhejtsïkutichaksï jatsisti para sánderu ísï úni eska na arhijka i Bibliaeri konseju. Orhejtsïkuti ma mítesti eska no jatsiska para “uandantani imani ambe enga aiangunhaka ka enga no jatsika para mítekuarhini” kúnguarhikuarhu anapu erachicheri ambe. Enga uandantapiringa ambe ma, máteruechaksï nóteru mintsinharhipirindia. Imecha engaksï juramukua jatsika kúnguarhikuarhu nóksï jatsisti para tsimani mintsita jingoni jámani (1 Tim. 3:8). I ambe arhikuekasïndi eskaksï orhejtsïkuticha no jatsiska para chkuanderani jámani o jámani uandantani ambe ma. Ka orhejtsïkuti ma enga xénchajka témbani, no aianguati ambe enga ima no jatsika para míteni. Orhejtsïkutiri témba ma ístu uáti jarhuatani uámbani paraka ísï mitekateuaka eska ambakiti orhejtsïkuti máeska. ¿Néna uá ísï úni? Enga no méntku arhini jauaka uámbani eska aianguaka ambe ma enga no jatsika para uandantani. Ini ambe úparini, jarhuatasïndi imeri uámbani ka ístu janhanharhiasïndi imechani engaksï míntsinharhika uámbani. Ka ambe enga sánderu jukaparhakueka, jindesti eska tsíperasïnga Jeobani, jimboka ísï jarhuajpesïnga parakaksï kúnguarhikuarhu anapuecha sési pájperaaka ka eska pínandikua jauaka (Rom. 14: 19). w20.03 22 párr. 13,14

Uéxurhini 1512 jimbo antede Jesusi. Moisesi orhejtsïkuspti tánguarhikuani nani engaksï Aaronini ka imeri uájpechani saserdoti uápka (Éx. 40:17; Lev. 9:1-5). ¿Néna xarhataspi Jeoba eska jaiapanhiantaspka imechani engaksï apenasi saserdoti únhapka? Engaksï Aaroni ka Moisesi újchakuraapka israelitechani, Jeoba auandarhu uératini chpiri uekopaspti para méntku iámu kéjtsïtakuani kurhirani enga altarirhu japka (Lev. 9:23, 24). Imani xáni kʼéri ambe enga Jeoba úpka, xarhataspti eska jarhuataapiringa iámindu ambe jimbo Aaronini ka máteru saserdotichani. Engaksï israelitecha exepka eska Tata Diosï jarhuataapiringa saserdotichani, kurhangusptiksï eskaksï jatsispka para iámindu ambe jimbo kurhajchaani. Ka inde ambe jukaparhakua ambesti para jucha, jimboka Israeli anapu saserdotichaksï ejemplu máespka para sánderu kʼéri ambe enga tátsekua úkuarhipiringa. Ima 144,000 saserdoticha ka reicha juramuati auandarhu tata Jesukristuni jingoni (Ebr. 4:14; 8:3-5; 10:1). Ísïsti, iásï Jeoba jarhuataxati ka újchakurani imeri organisasionini. w19.11 23 párr. 13; 24 párr. 14, 16

Enga apostuli Pablu Korintu japka, Ákila ka Prisila “jingoni pakaraspti ánchikuarhini” “jimbokaksï tsimarhani uapajtsïtakua úrispka” o kʼumanchikua sïkuiriri. Enga uandapka eska “chúrikua ka jurhiakua” ánchikuarhispka, no arhikuekasïrendi eska puru ánchikuarhini jarhasïrenga. Por ejemplu, úrasïrendi sábadu para Tata Diosïri ambe aianguani judiuechani engaksï ístu no ánchikuarhenga ima jurhiatikua (Uku. 13:14-16, 42-44; 16:13; 18:1-4, TNM). Nájkiruka Pablu jatsipka para ánchikuarhini, jánguarhintaspti someni nirani uandantani Tata “Diosïri ambakiti aianhperakuani” (Rom. 15:16; 2 Kor. 11:23). Pʼímarhiaspti máteruechani paraksï májkueni jánguarhintani aianhpini. Ísï jimbo, nájkirukaksï Ákila ka Prisila, Pabluni jingoni ánchikuarhipka paraksï kʼumanchikua sïkuiririchani uáni, ambe enga sánderu jukaparhakuepka jindeespti eskaksï niáraspka jindeni “jarhuajpiricha Kristu Jesusini jimbo” (Rom. 12:11; 16:3). Pablu arhiaspti Korintu anapuechani eskaksï méntku úni japiringa Tata Diosïri ánchikuarhitani (1 Kor. 15:58; 2 Kor. 9:8). Ka espiritu santu jimbo karaspti: “Enga nema no uékaaka ánchikuarhini nójtu tʼireati” (2 Tes. 3:10). w19.12 5 párr. 12, 13

Jeoba ísï kueraaspti Adani ka Ebani paraksï tsitini sapiichani kaani. Jimbosï Biblia arhijti: ¿Joperu né jatsiski para uandani sini temungurhiri ma kaaua sapiichani ka na jatini? Máru kʼuiripuechaksï ísï eratsesïndi eskaksï imecha engaksï apenasi tembuperaka, jatsiska para jirejiresï kaani sapiichani. Jamberi asta imecheri familia ka máteru kʼuiripuechaksï afuersa uékaati eska temungurhiri ma sóntku kaauaka sapiichani. Asia anapu Testigu ma enga Jethro arhinhajka, uandasïndi: “Kúnguarhikuarhu, máru erachicha engaksï sapiichani kaajka, méntkuksï arhiani jarhasïndi imechani engaksï no kaajka, eskaksï kánguarhiakia sapini ma”. Jeffry, máteru erachi Asia anapu, uandantasïndi: “Máruksï arhiasïndi imechani engaksï no kaajka sapiichani eska no nema kuidariuauaka jiáni engaksï imecha jatiriuakia”. Peru temungurhirichaksïsï jatsiti para uandani sinksï kaaua sapiichani o nómbe. Imechaksïsï jatsiti para exeni ambe engaksï uáka (Gal. 6:5, TDU). Ísïsti eskaksï temungurhiriri familiaricha ka amiguecha uékasïnga eskaksï ícha tsípikua jingoni irekaaka, peruksï iáminduecha jatsisti para miáni eska temungurhirisï jatsika para uandani sinksï kaaua sapiichani o nómbe (1 Tes. 4:11). w19.12 22 párr. 1-3

¿Úkua jukanchasïnchi ísï exeni Jeobani komueska juchari Táti? Jamberiksï máru kʼuiripuecha ísï pʼikuarherajti enajkiksï no ma ambe jukaparhakue para Tata Diosï. Nóksï úsïndi jakajkuni eska Ima enga iámu ambe újka úni uandanhiasïnga juchantsïni jimbo. Peru juchari Táti uékpiti no uékasïndi eskachi ísï pʼikuarheraaka. Imajtsïni kueraasti ka uékasïndi eskachi imeri ambe míteaka ka niárani andarhierani. Enga apostuli Pablu indeni ambe aianguapka imani kʼuiripuechani engaksï jini Atenasi kurhajchani japka, uandaspti eskajtsïni Jeoba ‛no iauani jacheska’ (Uku. 17:24-29, TDU). Tata Diosï uékasïndi eskachi iáminduecha no sáni chéparini andarhieraaka imani, ísï eska sapi ma na andarhierajka imeri táti uékpitini. Jarhasti máteru ambe enga jamberi újka eskaksï máru úkua jukanchaaka ísï exeni Jeobani komueska Táti ma. ¿Ambee inde ambe? Eska imecheri táti no káni o meru no sáni xénchaaska. Pirenchi ma uandaspti: “Juchiti tátirini no sési kámasïrendi. Engani uénapka Bibliaeri ambe jorhenguarhini, úkua jukanchasïrenga ísï exeni Tata Diosïni komu Táti ma”. ¿Ísïchi pʼikuarherasïni juchajtu? Enga ísïka, uákachi seguru jarhani eskachi juchajtu niáraaka exeni Jeobani komueska sánderu ambakiti Táti ma engachi uáka jatsini. w20.02 3 párr. 4, 5

Jesusijtsïni jorhendasti eska Jeoba jukaparharasïnga ambe engachi xáni újka para marhuakuni, nájkirukachi tʼarepekia ochi ísï exeni eska no kánikua ambeeska o eskachi no uánikua ambe jorhenaska úni (Sal. 92:12-15; Luk. 21:2-4). Ísï jimbo, ju je exeni imani ambe engachi újka úni. Por ejemplu, úsïngachi Jeobaeri ambe aianhpini, kómarhijpikuani erachichani ka jarhuataani máteruechani paraksï sési marhuakuni jarhani Jeobani. Jeobajtsïni ísï exesïndi eska imeri jarhuajpiricha peru no imani ambe jimbo engachi újka, sino jimbokachi mintsita jingoni uékasïnga kurhajchani (1 Kor. 3:5-9). Xáni engachi sési pʼikuarherajka kómarhini Jeobani, Tata Diosï ma enga meru jukaparharaajka imechani engaksï marhuakujka. Imajtsïni kuerasti parachi úni ambe enga ima uéjka, ka imantku kómarhini, úsïndi eskachi meru tsípikua jingoni irekaaka (Jaŋ. 4:11). Jamberijtsïni parhakpini anapuecha ísï exejti enajkichi no ma ambe marhuajki, peru Jeoba no sáni kʼuratsesïndi juchantsïni jimbo (Ebr. 11:16, 38). Engachi kánikua no sési pʼikuarherani jauaka pʼamenchakua ambe jimbo, tumina jimbo o jimbokachi jatiriskia, ju je miáni eska no ma ambe uáka úni eskajtsïni juchari Táti uékpiti auandarhu anapu nóteru xénchaakia (Rom. 8:38, 39). w20.01 18 párr. 16; 19 párr. 18, 19

Engachi kaxumbitiska ka sésichi pʼikuarherani imani ambe jingoni engachi jatsika nóchi enbidiarpiaka. Engachi jánguarhintaaka ísï úni, nóchi jurajkuaka eska juchari mintsitarhu tsikiaka. Engachi kaxumbitiska, nóchi kʼéramakuarhiaka ni eratseni eskachi sánderu uánikua ambe jukanchaska eska máteruecha (Gal. 6:3, 4). Ima enga sési pʼikuarherajka imani ambe jingontku enga jatsikuarheka, tsípikua jingoni irekasïndi ka no jámasïndi terukukuarhintani máteruecha jingoni (1 Tim. 6:7, 8). Jo, ima enga kaxumbitika ka enga no sánderu ambe uékajka jatsini, tsípisïndi enga máteru nema ambakiti ambe intsïnhajka. Uétarhinchasïngachi Jeobaeri espiritu santu parachi no uénani enbidiarpini, sánderu sési, kaxumbitiini ka sésichi pʼikuarherani imani ambe jingoni engachi jatsika (Gal. 5:16; Filip. 2:3, 4). Jeobaeri espiritu santujtsïni jarhuatasïndi míteni ambe engaminduchi eratsejka ka andichisï uéjki úni ambe ma. Tata Diosïri jarhuajperata jingoni, uákachi mójtakurhini parachi iásï ambakiti ambe eratsenia ka pʼikuarherani (Sal. 26:2). w20.02 15 párr. 8, 9

Engajtsï aiakukuarhejka Jeobani, ima erokuarhisïndi eskajtsï no jarhariaka chári kúnguarhikuani. Kúnguarhikuarhu anapu erachichaksï jindeuati chári familia. Engajtsï no kuerataska tánguarhikuecharhu, niáraakajtsï sési pájperani imecha jingoni. Arhinta je Bibliani pauani pauani, ka arhuta je tiempu para eratsentani (Sal. 1:1, 2). Engajtsï na arhintaakia, jatsiskajtsï para erokuarhini ka eratsentani ambe engajtsï arhintaka. Engajtsï ísï úska, mintsitarhuksïni niárachiati. Ístu, jatsiskajtsï para úni ambe enga Jesusi uandapka, méntku jauenani kómarhini (Mat. 26:41). Mintsita jingoni kómarhini, uáti eskajtsï sánderu andarhieraka Jeobani. Ka seguiri je jánguarhintani orheta peerani Reinueri ambe (Mat. 6:33). Ka uákajtsï ísï úni engajtsï orheta peeraska aianhpikuani chári irekuarhu. Engajtsï no jurajkuaka aianhpini, chári jakajkukua sánderu kʼéati. Uandanhiatecha engajtsï niáraaka jatsiani ini parhakpini jimbo, ma ratu jimbojkuestiksï ka nóksï kʼuetsapiti ambesti (2 Kor. 4:17). Peru engajtsï na aiakukuarhiakia ka itsï atakuarhini, niáraakajtsï sánderu sési irekani iásï ka irekani para méntkisï sánderu orhepani. ¿Jukaparhakue xáni jánguarhintani? Jo (1 Tim. 6:19). w20.03 13 párr. 19-21

Enga Bibliaeri jorhenguarhiri no xarhatajka eska mójtakurhixaka, jatsiakachi para kurhamarhikuarhini sinchi seguiriua jorhendani. Antesde nóteru jorhendania, ju je kurhamarhikuarhini: “Míteparini iámu ambe enga nitamakuarhini jaka, ¿sánhani arhixaki Bibliaeri jorhenguarhiri mójtakuni imeri irekuani? ¿Uénaskia úni ambe enga jorhenguarhini jaka?” (Mat. 28:20, TNM). Xáni no sési enga máru Bibliaeri jorhenguarhiricha, ísïka eskaksï israelitecha engaksï Esekieliri jurhiatikuecha jimbo irekapka. Jeoba arini ambe arhispti imani profetani israelitecheri ambe: “Exe, tʼuri ísïska para imecha komueska pirekua ma enga uékperakueri ambe uandajka, enga sési jásï bosi ma pirejka ka enga sési kústanhajka kústatarakua ma jingoni enga kuerdechani jukaaka. Kurhauatiksï chíti uandakuechani, peru no nema uáti ambe engari uandaaka” (Ezeq. 33:32). Jamberichi úkua jukanchajka arhini nemani eskachi nóteru seguiriuakia jorhendani Bibliaeri ambe, peru nóteru xáni tiempu pakaraxatia. Ísï jimbo, enbesde seguirini jarhani tiempu úrani nemani jorhendani enga no xarhatajka eska jukaparharasïnga Bibliaeri ambe, sánderu sésisti eskachi jirinhantauaka imechani engaksï tsípikua jingoni xarhatajka eskaksï uékasïnga irekani para méntkisï (Uku. 13:48, TNM). w20.01 6 párr. 17; 7 párr. 20

Sáno méntkisï, relijioni no jurhimbitichaksï no jorhentpisïndi eska Biblia uandasïnga eskaksï ambakiti kʼuiripuecha irekaaka para méntkisï ixú Echerirhu (2 Kor. 4:3, 4). Ini jurhiatikuecha jimbo, sáno iámindu relijionicha engaksï uandajka eskaksï jakajkusïnga Jesusini, jorhentpisïndiksï eskaksï auandarhu nirasïnga iámindu ambakiti kʼuiripuecha engaksï uarhijka. Peru 1879 ísï, ma grupu engaksï Bibliani jorhenguarhienga máteru ambeksï jakajkusïrendia ka etsakusïrendiksï rebistani enga iásï arhinhajkia Aianhpiri. Kurhangusptiksï eska Tata Diosï, Echerini paraisu ma úntaaka ka eska uánikua ambakiti kʼuiripu irekaaka ixú Echerirhu, no jini auandarhu. Nájkiruka ísïka, ióndasptiksï sési kurhanguni népirinksï i ambakiti kʼuiripuecha. Ístu, Bibliaeri Jorhenguarhitichaksï kurhanguspti eska Biblia uandasïnga eskaksï máru kʼuiripuecha parhakpinirhu piántskatepiringa paraksï Jesusi jingoni juramuni auandarhu (Jaŋ. 14:3). Indeni grupu jimboksï 144,000 erachicha japirindi engaksï ióni ka tsípikua jingoni sési marhuakupiringa Tata Diosïni ixú Echerirhu. w19.09 27 párr. 4, 5