Néna úrani ini foietuni

Máteru pájinecha jimbochi exentaaka Biblieri karakata ma para mándani jurhiatikua ka sánderu informasioni enga ima karakateri ambe uandajka. Nájkirukachi uáka na uéjki jandora arhintani karakatani ka informasionini, uánikuechaksï sánderu sési exesïndi tsípechani arhintani. Ísï úparini, úsïndiksï eratsentani informasionini ima jurhiatikua. Kánikua marhuasïndi iámu familia jingoni arhintani karakatani. Interu parhakpini anapu erachicha engaksï Beteli marhuajka, tsípechanksï arhintasïndi.

Nani enga pʼitakata jaka informasioni, jindeesti rebistarhu Aianhpiri (w) abrili de 2020 anapu asta marsu de 2021. Númeruecha engaksï rebisteri fecharhu orhepatini jaka, jindeesti pájina. Tátsekua, párrafueri númeru jukasti nani enga jaka informasioni (exe je ejempluni enga kétsekua jaka). Uaakachi sánderu informasioni exentani imani mismu artikulu jimbo.