Néna úrani ini foietuni

Máteru pájinecha jimbochi exentaaka Biblieri karakata ma para mándani jurhiatikua ka sánderu informasioni enga ima karakateri ambe uandajka. Nájkirukachi uaaka na uéjki jandora arhintani karakatani ka informasionini, uánikuechaksï sánderu sési exesïndi tsípeechani arhintani. Ísï úparini, úsïndiksï eratsentani informasionini ima jurhiatikua. Kánikua marhuasïndi iámu familia jingoni arhintani karakatani. Interu parhakpini anapu erachiicha engaksï Beteli marhuajka, tsípeechanksï arhintasïndi.

Nani enga pʼitakata jaka informasioni, jindeesti rebistarhu Aianhpiri (w) abrili de 2023 anapu asta marsu de 2024. Númeruecha engaksï rebisteeri fecharhu orhepatini jaka, jindeesti pájina. Tátsekua, párrafueri númeru jukasti nani enga jaka informasioni (exe je ejempluni enga kétsekua jaka). Uaakachi sánderu informasioni exentani imani mismu artikulu jimbo.