UEENAKUARHU ANAPU TEMA | TSITI JE BIBLIANI ARHINTANI
¿Ambechi uaa úni paraka sánderu interesantiuaka Bibliani arhintani?
Parakajtsï no kuatantaaka Bibliani arhintani ka parakaksïni marhuacheaka, jatsiskajtsï para exeni andi engajtsï arhintaaka. Exeakachi ambe engajtsï uaa úni parakajtsï sánderu tsitiaka Bibliani arhintani.
Imani Bibliani arhianta je enga mintsinharhikueka ka enga iásï anapu uandakuechani úraajka. Engajtsï arhintani jauaka ka uánikua uandakuechantsï no úni kurhanguani oksï nóteru úrakuarhenia, nójtsï tsitiaka arhintani. Ísï jimbo, jirinha je Bibliani ma enga no úkua jukaaka kurhanguni ka engaksïni mintsitarhu niáracheaka. Ístu jatsisti para traduksioni máeni enga jurhimbitku uandantajka ka mintsinharhikueni.a
Úraa je jimbanhi teknolojiechani. Biblia, iásï no solu imprimirinhasïndi, sino ístu jarhasti elektroniku jimbo. Uaakajtsï arhintani Interneti jimbo o késkuni komputadorarhu, tabletarhu o telefonurhu. Máru bersionichaksï jukasti ambe ma parakajtsï chá uaaka exeani máteru traduksionichani inde mismu bersikulueri o parajtsï terukutantani máteru tekstuecha jingoni. Ka engajtsï no uékaaka arhintani ka uékantsï kurhaani, ístu jarhasti audiu jimbo. Uánikuechaksï tsitisïndi kurhaani engaksï ánchikuarhini nirani jarhajka karru jimbo, engaksï jupani jarhajka o engaksï máteru ambe úni jarhajka enga no xáni uétarhijka para ma jingontku jarhani. ¿Náki sánderu sési japirini para chá? ¿Andijtsï no ísï újki?
Jirinhanta je sánderu informasioni. Jarhastiksï publikasionicha engaksïni jarhuataaka sánderu sési kurhanguni Bibliani. Por ejemplu, jarhastiksï mapecha lugaricheri enga Biblia uandaajka engaksïni jarhuataaka míteni nani enga úkuarhipka ambe ma ka parakajtsï eranhaskaaka ambe enga jima úkuarhipka. Ístu, máru jorhenguarhikuecha engaksï ini rebista jimbo uéraka ka engaksï partirhu jaka “Biblieri jorhenguarhikuecha” pájina Internetiri jimbo jw.org, jarhuataatiksïni kurhanguni uánikua ambe enga Bibliarhu jaka.
Mámaru ambe jimbo arhinta je Bibliani. Engajtsï kuatantajka uénakuarhu ka asta kʼamarhukuni jamberi arhintani, jiájkani imani ambe ueena je arhintani Bibliarhu engajtsï tsitiaka. Parajtsï sánderu míteni kʼuiripueri ma enga kánikua mítekateeka Biblieri, uaakajtsï arhintani mándani kʼuiripuecheri. Rekuadru “Jorhenguarhi je sánderu Biblieri ambe mítepariani kʼuiripuechani enga Biblia uandaajka” uaatiksïni jarhuatani parajtsï sánderu sési míteni kʼuiripueri ma. Ístujtsï uaaka arhintani temecha jimbo o eska na úkuarhipaka ambe ma. ¿Andijtsï no újki ma ini ambe?
a Uánikua kʼuiripuecha engaksï tsitijka arhintani, uandasïndiksï eska Traducción del Nuevo Mundo de las Santas Escrituras jurhimbitku uandantasïnga, eska mintsinharhikueska ka eska no úkua jukaska para arhintani. I Biblia engaksï Jeobaeri testiguecha petaka, jukari 130 idioma jimbo jarhasti, uaakajtsï késkuni Internetirhu jw.org o késkuni aplikasionini JW Library. O engajtsï uékaaka, Jeobaeri testiguksïni ma uaati pácheni chaari kʼumanchikuarhu.