Jarhuataa je chári sapiichani paraksï uinhaperani imecheri jakajkukuani Kuerajpiri jimbo

Kueraakata ambe, xarhatasïndi na enga xáni kʼéri ambeka juchari Kuerajpiri (Sl 19:1-4; 139:14). Peru, Satanasiri parhakpini etsakuasïndi mámaru járhati jorhenguarhikuechani tsípikueri ambe, engaksï no sési pakatajka Tata Diosïni (Ro 1:18-25). ¿Ambejtsï uá úni paraksï i járhati eratsikuecha no niárani chári sapiicheri eratsikuarhu ka mintsitarhu? Jarhuataa je desde sapirhatku paraksï uinhaperani imecheri jakajkukua eska Jeoba jarhaska ka eska xénchaasïnga (2Ko 10:4, 5; Ef 6:16). Jánguarhi je mítini ambeminduksï eratsisïni imani amberi engaksï eskuela jorhendanhajka ka úraa je jarhuajperatechani engaksï jaka parajtsï mintsitarhu niárakuani (Pr 20:5; Snt 1:19).

ENGAJTSÏ EXEAKIA BIDEUNI AMBE ENGAKSÏ UANDAJKA MÁTERU TUMBIICHA: TATA DIOSÏNI JAKAJKUNI, EXEA JE ARINI KURHAMARHIKUECHANI:

• ¿Ambeksï niárasïni uandani kʼuiripuecha de jakajkuni Tata Diosïni?

• ¿Ambe jorhentpenhasïni chíti eskuelarhu?

• ¿Ambe úsïni eska tʼu jakajkuaka eska Jeoba meru jarhaska?

• ¿Nénari jarhuatapirini nemani para jakajkuni eska Jeoba kueraaska iámu ambe?