Jorhenguarhi je néna sánderu sési aianhpeni: Jirinhantaa je iámindu kʼuiripuechani chári territoriurhu

ANDISÏ JUKAPARHAKUE. Sakariasi uandaspti eska interu parhakpini anapu kʼuiripu iámindu idiomecheri, sési kurhaapiringa ambakiti eianhperakuani (Zac 8:23). Peru ¿né jorhendaapirini? (Ro 10:13-15). Kʼéri machi kóntperata ka responsabilidadi jatsiska para eianguani ambakiti ambe iámu juchari territoriurhu anapuechani (od-S páj. 84 párr. 10, 11).

NÉNA ÚNI:

• Prepararikuarhi je. ¿Exentaskijtsï nemani enga máteru idioma uandajka? Uákajtsï jorhenguarhini presentasioni ma enga no úkua jukaka aplikasionirhu JW Language, o úrani chári selularini o tableta parajtsï exerani kʼuiripuni néna jirinhantani sánderu informasioni imeri idioma jimbo pájinarhu jw.org.

• Jánguarhi je jingontku jarhani. Engajtsï kʼumanchikuecharhu eianhpini jauaka, jánguarhi je iáminduechani aianguani, imani enga jimesï nitamani jauaka o enga karrurhu ma jauaka. Engajtsï xanharu jimbo eianhpini jauaka, jingontku ja je.

• Jánguarhinta je. Asï kuatanta je. Jirinhantaa je imechani engaksï no japka. Jánguarhi je iámindu kʼumanchikuecharhu uandaxeni nema jingoni, ia sea máteru jurhiatikua o máteru ora. Máru kʼuiripuntsï solu karta, telefonu o xanhari jimbo uáka aianguni.

• Seguiri je pʼorhembini. Jánguarhi je sóntku kʼuanhatsintani parajtsï seguirini jorhendani Bibliaeri ambe. Enga kʼuiripu máteru idioma uandajka, jirinha je aianhpirini ma enga uáka pʼorhembini. Peru mientrasi, seguiri je pʼorhembini astakaksï aianhpiricha engaksï imeri idioma uandajka, pʼorhembiaka (od-S páj. 93, 94 párr. 39, 40).

EXE JE BIDEUNI EIANHPISÏNGACHI “IÁPURU PARHAKPINIRHU ASTA JIMA ENGA SÁNDERU IAUANIIKA” KA EXEA JE I KURHAMARHIKUECHANI:

• 

  ¿Nénaksï prepararikuarhispi erachicha paraksï eianhpini territoriurhu ma enga iauani japka? (1Ko 9:22, 23).

• 

  ¿Náki ójkutakuechanksï jatsiaspi?

• 

  ¿Náki kóntperatechanksï pʼiuaspi?

• ¿Nénajtsï uá sánderu kʼuiripuechani uandaxekuani chári territoriurhu?