Néna uénani uandontskuarheni trataduechani úrapariani

Desde eneruni 2018 uératini, Programarhu para tánguarhikua, primeru pájinarhuksï jarhasïndi ejempluecha na engachi uáka uénani uandontskuarheni. Pʼímarhinhasïngachi para kʼuiripuecha jingoni uandontskuarheni ka no solu publikasionichani íntspiani. Parachi úni ísï úni, bideuecha partiri “Uénani uandontskuarheni”, xarhatachestijtsïnia néna uénani uandontskuarheni Bibliantku úraparini. Peru, ¿inde ambe arhikuekasïni eskachi nóteru uákia úraani publikasionichani engachi kʼumanchikuecharhu aianhpini jámani jauaka? Nómbe. Por ejemplu, trataduechajtsïni uáti kánikua jarhuatani parachi uénani uandontskuarheni. Jiáni engachi úrauaka, uákachi arini ambe úni:

1. Imani kurhamarhikua úkuni kʼuiripuni enga uénakuarhu jaka ka jurajkuni eska erakuaka mókuntskua ma.

2. Arhintani Bibliaeri karakatani enga karhakua jaka pájinarhu 2. Enga kʼuiripu tiempu jatsiaka, uákachi arhintani ka exeni ambe enga arhijka tratadu.

3. Jurajkuku je kʼuiripuni trataduni ka arhi je eska uáka kʼamarani arhintani na enga jatini tiempu jatsiaka.

4. Ante dechi níntani, exera je kurhamarhikuani enga jima kétsekua jaka enga arhijka “Kurhamarhikuarhi je” ka arhi je eskajtsï máteru jurhiatikua jimbo uáka Biblia jingoni mókukuntani.

Engachi pʼorhembintaaka, ju je mókuntani kurhamarhikuani ka jurajkukunchi máteru kurhamarhikua para máteru jurhiatikua jimbo. Uákachi erakuni kurhamarhikua ma enga pájinarhu Internetiri jimbo jaka o imani publikasionirhu enga tratadueri tátsepani jaka. Engachi exeaka eska sési jauaka, jurajkukuakachi foietuni Ambakiti ambe enga Tata Diosïrika o máteru publikasioni engachi úrajka para Bibliaeri ambe jorhentpini.