Úra je libruni Tsípikua jingoni ireka je para jarhuataani máteruechani mintsikani Tata Diosï Jeobani ka Jesúsini

Biblieri jorhenguarhirichaksï jatsisti para mintsikani Tata Diosïni paraka ima jaiapanhentauaka (Eb 11:6). Libru Tsípikua jingoni ireka je jarhuatasïndijtsïni parachi mintsitarhu niárakuani jorhenguarhirichani. Jukaasti Biblieri karakatechani engaksï sánderu jukaparhakueka, jarhuajpesïndi sési kurhanguni ambe ma, jukaasti kurhamarhikuechani engaksï eratsetarpintajka ka sési járhati dibujuechani ka bideuechani. Engachi jarhuataaska Biblieri jorhenguarhirichani ambakiti kualidadichani jatsiani ka parakaksï niáraaka Tata Diosïri amigueni, jarhuataani jauakachi mintsikani Tata Diosïni nájkirukaksï uandanhiatechani jatsiauaka (1Ko 3:12-15).

Uánikua kʼuiripuechaksï eratsesïndi eskaksï no méni uaaka Tata Diosïri amigueni jimbokaksï no úsïnga exeni. Ísï jimbo, jatsiskachi para jarhuataani parakaksï niáraaka míteni ka mintsikani imani.

ENGAJTSÏ EXEAKIA BIDEUNI JARHUATAA JE MÁTERUECHANI PARAKAKSÏ MINTSIKAAKA TATA DIOSÏ JEOBANI ÚRAPARINI LIBRUNI “TSÍPIKUA JINGONI IREKA JE”, MÓKUANTA JE ARINI KURHAMARHIKUECHANI:

• ¿Nénachi míteski eska pirenchi sési prepararikuarhispka para jorhentpini?

• ¿Ambe máteru ambe kurhamarhispi pirenchi jorhenguarhirini paraka ima uandapiringa ambe enga pʼikuarherapka ka ambe enga eratsepka enga arhintapka Isaías 41:10, 13?

• ¿Néna jarhuataspi jorhenguarhirini bideu ka Biblieri karakatecha?

Uánikua kʼuiripuechaksï no mítesti ambeeski euajpintskua oksï no ísï exeni komueska Tata Diosïri intsïmperakua ma (Gal 2:20). Ísï jimbo, jatsiskachi para jarhuataani parakaksï mintsikaaka Jesúsiri uarhikuani.

ENGAJTSÏ EXEAKIA BIDEUNI JARHUATAA JE MÁTERUECHANI PARAKAKSÏ MINTSIKAAKA JESÚSINI ÚRAPARINI LIBRUNI “TSÍPIKUA JINGONI IREKA JE”, MÓKUANTA JE ARINI KURHAMARHIKUECHANI:

• ¿Nénachi míteski eska erachi sési prepararikuarhispka para jorhentpini?

• ¿Néna úraspi partini “Ístu exe je ini ambe” para jarhuatani jorhenguarhirini?

• ¿Néna jarhuata kómarhikua jorhenguarhirini?