Ueena je Biblieri ambe jorhentpini arini bideuechani úrapariani

Tʼámu bideuechanchi jatsiaska engaksï Biblieri jorhenguarhikueri ambe uandajka. ¿Para ambe marhuasïni mándani bideu, ka nénachi uaa úraani aianhpikuarhu?

• 

  ¿Andisï uétarhijki jorhenguarhini Bibliaeri ambe? (iámu bideu). I bideu úkata jarhasti paraksï kʼuiripuecha uékani sánderu ambe míteni Biblieri ambe no arhiparini ambe engaksï jakajkuaka. I bideu pʼímarhiasïndi kʼuiripuechani paraksï Bibliarhu jirinhantaani mókuntskuechani ima amberi engaksï kurhamarhikuarhijka ka úrasïndi ejemplu ma enga xarhatajka eska ambe enga Biblia uandajka ísïiska. Ka enga kʼamarani jarhajkia, uandasïndi néna kurhajkuarhini Biblieri jorhenguarhikua ma.

• 

  ¿Andisï uétarhijki jorhenguarhini Bibliaeri ambe? (enga no kánikua durarijka). I bideu sáno májkueni jásïisti eska ima enga iámu bideueka, peru jimboka no xáni durarisïnga, uaati marhuani imani lugarichani jimbo engaksï kʼuiripuecha no xáni tiempu jatsijka.

• 

  ¿Néna úkuarhisïni estudiu bíbliku ma? I bideu úkata jarhasti parakaksï kʼuiripuecha uékaaka míteni na engachi jorhentpijka gratisi Biblieri ambe ka mókuantasïndi máru kurhamarhikuechani Biblieri jorhenguarhikueri ambe, pori ejemplu, néna kurhajkuarhini Biblieri jorhenguarhikua ma.

• 

  Tsípi je Biblieri ambe jorhenguarhini. I bideu jindeesti para imeechani exeraani engaksï Biblieri ambe jorhenguarhini jaka. Nájkiruka i bideu pájina 2 jimbo jaka librueri Tsípikua jingoni ireka je, ístujtsï uaaka exerpini engajtsï foietu jingoni jorhentpini jauaka. I bideu uandasïndi ambe enga jataka librurhu ka exerasïndi jorhenguarhirini néna enga úkuarhiaka Biblieri jorhenguarhikua.

Nájkirukaksï mándani i bideuecha úkata jaka para ambe ma, uaakachi exeraani o axakuani kʼuiripuechani káni engachi jucha sési exeaka. Ju je jánguarhintani sési míteani ini bideuechani ka sési úraani engachi aianhpini jámani jauaka.