Ambe engajtsï uaaka jorhenguarhini

Orhetachi ambe jatsiski para jorhenguarhini

Nóchi úsïnga xáni kánikua tiempu úrani para Bibliani jorhenguarhini ísï eskachi na uékapiringa. Jimajkani, ¿ambeksïni jarhuataa parajtsï sési úrani imani tiempuni engajtsï míndaka para jorhenguarhini? Orheta, sési úra je tiempuni engajtsï úrajka para jorhenguarhini. Sánderu sésiisti sántku informasioni jorhenguarhini ka eska uiriakuarhu arhintani kánikua informasioni.

Tátsekua exe je ambe engajtsï orheta jatsika para úni (Efes. 5:15, 16). Uaakajtsï arini ambe úni:

• Pauani pauani arhinta je Bibliani (Sal. 1:2). Uaakajtsï orheta imani kapituluechani arhiantani engaksï tánguarhikuarhu arhinhantaaka enga entre semana jimbo úkuarhijka.

• Prepararikuarhi je imani ambe jingoni enga tánguarhikuecharhu exenhaaka, komu rebista Aianhpiri jingoni ka ístu imani ambe jingoni enga tánguarhikuarhu exenhaaka enga entre semana jimbo úkuarhijka. Sési prepararikuarhi je parajtsï úni komentarini (Sal. 22:22).

• Engajtsï sánderu tiempu jatsiaka para jorhenguarhini, exe je jimbanhi ambe enga uéraka, komu rebisteecha para kʼuiripuechani jurajkukuani, bideuechani ka máteru ambe enga uéraka jw.org jimbo.

• Ueena je jorhenguarhini ima ambeeri engajtsï tsitipiringa sánderu sési míteni. Úpiringajtsï jirinhantani informasioni ima problemeeri engajtsï jatsika, ambe máeri engajtsï uékapiringa sánderu míteni o Biblieri temeeri ma engajtsï tsitipiringa sánderu sési kurhanguni. Engajtsï uéjka sánderu ambe jorhenguarhini, arhinta je libruni “Ambe engani jorhenguarhijka Bibliaeri”, enga jw.org jimbo jaka.