5. ¿Kʼamakurhia ma jurhiani kómu nitamakua?
¿Andisï jukaparhakue míteni?
Mintsikani eska kʼamakurhiaka kómu nitamakua, jarhuataatijtsïni parachi sánderu tsípikua jingoni irekani ka eskachi nóteru no sési ambe eratseakia Tata Diosïri ambe.
Eratsi je arini ambe
Uánikua kʼuiripuechaksï uékapirindi kʼamajkuni kómu nitamakua ambeni peruksï no úsïndi. Exe je arini ambe:
Nájkiruka sánderu jakaia sïpiati ambe...,
... pʼamenchakuecha komu mintsita anaxustani jámani, jindesti ma ambe jimbo engaksï kʼuiripuecha sánderu uarhijka.
... mándani uéxurhini, uánikua kʼuiripuechaksï uarhisïndi kánseri jimbo.
... rebistarhu Frontiers in Immunology doktori David Bloom uandaspti: “Parhakpinirhuksï seguirixati jarhani kʼérati pʼamenchakuecha engaksï sóntku etsakurhijka. Ístuksï máteru pʼamenchakuecha xarharaxati engaksï ístu sóntku etsakurhijka oksï ménderu xarhantani imecha engaksï nóteru japkia”.
Nájkiruka máru paisicharhu kánikua tumina jaka...,
... mándani uéxurhini, uánikua sapiichaksï uarhisïndi, sánderu imani lugaricharhu enga no káni jatsikuarhinhaka.
... uánikua kʼuiripuechaksï imani lugaricharhisï irekasti nani enga no jaka nani tsïtani basura ni drenajirhu anapu itsï.
... uánikua kʼuiripuechaksï no jatsisti itsï ambanharhi.
Nájkiruka iásï sánderu mítekuarhikia ambe engaksï kʼuiripuecha sésikua jatsika para úni...,
... útasïksï uánikua lugaricha jimbo piaasïndi ka íntspikuarhiani kʼuiripuechani. Seguni informi ma enga Naciones Unidas úpka, jamberi ima paisicha engaksï no kénditajka ini xáni no sési jásï ambe, “nóksï exejti na enga xáni kʼéri uandanhiata máeka oksï no míteni néna kʼamajkuni”.
PARAJTSÏ SÁNDERU MÍTENI
Exe je pájinarhu jw.org bideuni ¿Ambeski Tata Diosïri Reinu?
Ambe enga Biblia uandajka
Tata Diosï uadanhiasïndi juchantsïni jimbo
Tata Diosï no sési pʼikuarherasïndi engachi jucha kómu nitamakuarhijka.
“Jimboka ima [Tata Diosï] no ísku exeska ni ikichani na enga xáni kómu nitamajka ima enga no sési pʼikuarherajka; no kénditakusïndi imeri jarhuajperatani. Enga uinhachaparini kurhakupka eska jarhuatapiringa, ima kurhaaspti” (SALMO 22:24).
“Jurajkua je iámindu chári pendientichani imani jingoni, jimboka ima pendienti pásïnga chánksïni jimbo” (1 PEDRU 5:7).
Nóchi méntkisï kómu nitamakuarhiaka
Biblia aiatspisïndi eska Tata Diosï kʼamajkuaka kómu nitamakua ambe.
Tata “Diosï kutsunharhikuauati iámindu uekua, ka nóteru jauatia uarhikua, ka ni uandanhiata, ka nóteru nema ueraati” (JAŊASKUECHA 21:3, 4).
Tata Diosï kʼamajkuati iámindu imani ambe engachi jimbo kómu nitamakuarhijka
Para ísï úni, imeri Juramukuani úraati, ísï eska na uandajka Biblia ambakiti juramukua máesti.
“Tata Diosï auandarhu anapu, gobiernu ma uaxastaati enga no méni kʼamajkunhaaka. Ka i gobiernu no jindeuati para máteru ireta. [...] Ka imajkusï jauati para méntkisï” (DANIEL 2:44).