Sïkuajperakua no sesi jasï ambesti

Satanasi uékasïndi eska jucha sïkuajperakua ambe uáka. Uánikuaksï kéjtsitakuasïndi tsʼïmeri ióntki anapuechani o espirituechani, paraksï uni kuájchakukuarini. Úsïndiksï indeni ambe jimbokaksï chériasïnga espirituechani. Inde kʼuiripuecha kámasïndiksï jukajkurhakuechani ka uekajchakuechani engaksï sïkuajperakueri ambeka. Arhasïndiksï o atarikuarisïndiksï máru «sïpiatichani» jakajkuparhini eska inde ambe jatsiska uinhapikua para jarhuatani. Máruksï jískasïndi o inchaskusïndiksï ambe ma, imecheri kʼumanchikuecharhu, eratsiparini eska inde ambe jatsiska uinhapikua para kuájchakukuarini. Máterhuechaksï marhuatasïndi «sïpiatichani» engaksï sïkuajperakueri ambeka, jimbokaksï jakajkusïnga eskaksï jarhoatauaka imecheri ánchikuarhitarhu, jorhentperakuarhu o para uni tembunhani o tembuchani.

Tatá Jeobéri pʼíchpiri úkuarheni, sánderu ambakiti kuájchakukuesti para Satanasini jingoni. Tatá Jeobá ka imeri anjilicha sánderuksï uinhapitisti ka eska Satanasi ka imeri demoniuecha (Santiagu 2:19; Jaŋaskuecha 12:9). Tatá Jeobá kánikua tsitisïndi úrani imeri uinhapikuani para kuájpiantani imeri pʼíchpirichani engaksï jurhimbikua jingoni jámani jaka (2 Crónicas 16:9).

Tatá Diosïri karakata uandasïndi: «Nojtsï jatsiska para sïkuamikua ambe uni». Tatá Jeobá no jiókuarhisïndi sïkuajperatani, jimboka inde úkuecha úsïnga eska jucha Satanasiri jájkini jimbo jauaka (Galasia 5:20, 21).