Jarhuajperata

AKOMODADORICHA. Akomodadorichaksï péranhasti paraksïni jarhuatani. Apoiariua je úparini ambe engaksïni arhiaka estasionamientueri ambe jingoni, naniasï xanharani, siia arhutaani ka máteru ambe jingoni.

DONASIONICHA. Tumina uétarhisïndi para siiechani konseguiriuani, aparatuechani sonidueri ka bideueri, ka máteru ambe enga uétarhijka parachi agustu kurhaani ka únchi andarherani sánderu Jeobani. Chári donasionichaksï úranhasïndi para maiampeni ini ambe ka apoiarini ánchikuarhitani enga iápuru úkuarhijka. Kʼéri tánguarhikuarhu, jarhastiksï kajecha engaksï arhijka eskaksï jindeska para tumina jatsirani, uákajtsï ini ma ísï kajarhu jatsirani. Kánikuaksïni agradeserichisïnga engajtsï íntspijka sáni tumina. Grupu enga Orhejtsïkuajka iámindu kúnguarhikuechani, uékasïndiksïni agradesericheni chári jarhuajperata jimbo para orhepani petani Reinueri ambe.

ENGA AMBE MA TSÏNCHIAKA. Engajtsï exentaska ambe ma enga no chárika, ini lugarirhu pá je. Engajtsï tsïtaka ambe ma, ini lugarirhu ní je jirinhantani. Ístuksï ixú jatsisti para pánhani sapiicha engaksï tsïnchiaka. Joperu parajtsï no uandanhiani jarhani, pendienti ja je chári sapiichani jimbo ka jima jatsia je enga cha jauaka.

ITSÏ ATAKUARHINI. Plataformarhu orhepani, arhutanhaatiksï siiecha para imecha engaksï itsï atakuarhiaka, enga no máteru ambe uandakuarhiaka. Imecha engaksï itsï atakuarhiaka, jatsistiksï para jima uaxakatini jarhani ante de uénani arhijtsïkperata itsï atakuarhikueri sábadu tsípa. Iáminduksï jatsisti para pákuarhini tuaia ma, shori ka plaiera ma enga kaxumbikua xarhataaka.

JARHUAJPINI. Engajtsï uéjka jarhuajpini ánchikuarhita jingoni enga kʼéri tánguarhikuarhu úkuarhijka, ní je ini partirhu enga arhinhajka Departamento de Información y Servicio Voluntario.

PRIMEROS AUXILIOS. Miá je eska i lugari jindeska solu para imecha engaksï meru no sési pʼikuarherani jauaka.

SIIECHA. Pʼímarhisïngaksïni eskajtsï xarhatakuauaka uékperakua máteruechani. Miá je eskajtsï chári familiantkusï uáka arhutakuni siia o imechani engaksï chánksïni jingoni niuaka karrurhu, enga chánksïni jingoni irekaka o chári estudiuechani. Asï ambe ma jurajku je siiecharhu engajtsï no úrauaka.

AMBAKITI TÁNGUARHIKUA MA

Jorhentperakua para Aianhpiricha Reinueri Prekursoricha engaksï 23 a 65 jatirika ka uékanksï sánderu marhuakuni Jeobani, pʼímarhikataksï jarhasti tánguarhikuarhu enga domingu xatini jauaka para imecha engaksï uéjka nirani ini jorhentperakuarhu. Ora ka lugari, plataformarhu uératini uandanhaati.