Jarhuajperata

AKOMODADORIICHA. Akomodadoriichaksï péranhasti paraksïni jarhuatani. Apoiariua je úparini ambe engaksïni arhiaka estasionamientueri ambe jingoni, naniisïsï xanharani, siia arhutaani ka máteru ambe jingoni.

ITSI ATAKUARHINI. Enga no uandanhaaka máteru ambe, plataformarhu orhepanksï arhutanhaati siiecha para imeecha engaksï itsï atakuarhiaka. Ima engaksï itsï atakuarhiaka, jatsistiksï para jima uaxakatini jarhani ante de ueenani diskursu itsï atakuarhikueri sábadu tsípa. Iáminduechaksï jatsisti para pákuarhini tuaia ma, shori ka plaiera ma enga kaxumbikua xarhataaka.

DONASIONI. Uánikua gastuechaksï úkuarhisti para siiechani konseguiriuani, aparatuechani sonidueri ka bideueri, ka máteru ambe enga uétarhijka parachi agustu kurhaani ka únchi andarheerani sánderu Tata Diosï Jeobani. Chaari donasioniichaksï úranhasïndi para maiampini ini ambe ka apoiarini ánchikuarhitani enga iápuru úkuarhijka. Kʼéri tánguarhikuarhu, jarhastiksï kajeecha engaksï arhijka eskaksï jindeeska para donasioni. Ístu kánikua sési jauati engajtsï interneti jimbo uaaka jima enga arhijka donate.jw.org. Kánikuachi agradeserisïnga na engajtsï xáni jarhuajpijka chaari sentabu jingoni. Grupu enga Orhejtsïkuajka iámindu kúnguarhikuechani, uékasïndiksïni agradeseriicheni chaari jarhuajperata jimbo para orhepani petani Reinueri ambe.

PRIMEROS AUXILIOS. Miá je eska i departamentu jindeeska solu para imeecha engaksï meru uétarhinchaaka.

ENGA AMBE MA TSÏNCHIAKA. Engajtsï exentaska ambe ma enga no chaariika, ini departamenturhu pá je. Engajtsï tsïtaka ambe ma, ini departamenturhu ní je jirinhantani. Ístuksï ixú jatsisti para pánhani sapiicha engaksï tsïnchiaka. Ísï jimbo, parajtsï no uandanhiani jarhani, pendienti ja je chaari sapiichani jimbo ka jima jatsia je engajtsï chá jauaka.

SIIECHA. Pʼímarhisïngaksïni eskajtsï xarhatakuauaka uékperakua máteruechani. Miá je eskajtsï chaari familiantkusï uaaka arhutakuni siia o imeechani engaksï chánksïni jingoni niuaka karrurhu, enga chánksïni jingoni irekaka o chaari estudiantiichani. Asï ambe ma jurajku je siiecharhu engajtsï no úrauaka.

JARHUAJPINI. Engajtsï uéjka jarhuajpeni ánchikuarhita jingoni enga kʼéri tánguarhikuarhu úkuarhijka, ní je Departamenturhu de Informasioni ka Boluntariuecha.

Ini ambe prepararisti Grupu enga Orhejtsïkuajka iámindu kúnguarhikuechani Jeobaeri Testiguecheeri