Jarhuajperata

AKOMODADORIICHA. Akomodadoriichaksï peeranhasti paraksïni jarhuatani. Apoiariua je úparini ambe engaksïni arhiaka estasionamientueri ambe, naniasï xanharani, siia arhutaani ka máteru ambe jingoni.

ITSÏ ATAKUARHINI. Plataformarhu orhepani, arhutanhaatiksï siiecha para imeecha engaksï itsï atakuarhiaka, enga no máteru ambe uandakuarhiaka. Imeecha engaksï itsï atakuarhiaka, jatsistiksï para jima uaxakatini jarhani ante de ueenani arhijtsïkperata itsï atakuarhikueri sábadu tsípa. Iáminduksï jatsisti para pákuarhini toaia ma, shori ka plaiera ma enga kaxumbikua xarhataaka.

DONASIONIICHA. Sentabu uétarhisïndi para siiechani konseguiriuani, aparatuechani sonidueri ka bideueri, ka máteru ambe enga uétarhijka parachi agustu kurhaani ka únchi sánderu andarhierani Jeobani. Chaari donasioniichaksï úranhasïndi para maiampini ini ambe ka apoiarini ánchikuarhitani enga iámu parhakpinirhu úkuarhijka. Kʼéri tánguarhikuarhu, jarhastiksï kajeecha engaksï arhijka eskaksï jindeeska para sentabu jatsirani, uaakajtsï ini máisï kajarhu jatsirani. Ístujtsï uaaka donasioni íntspini Interneti jimbo ini pájinarhu donate.jw.org. Kánikuaksïni diosmaiamukua arhisïnga engajtsï íntspijka sáni sentabu. Grupu enga Orhejtsïkuajka iámindu kúnguarhikuechani, uékasïndiksïni diosmaiamukua arhini chaari jarhuajperata jimbo para orhepani petani Reinueri ambe.

PRIMEROS AUXILIOS. Miá je eska i lugari jindeeska solu para imeecha engaksï meru no sési pʼikuarherani jauaka.

ENGA AMBE MA TSÏNCHIAKA. Engajtsï exentaska ambe ma enga no chaariiuaka, ini lugarirhu pá je. Engajtsï tsïtaka ambe ma, ini lugarirhu ní je jirinhantani. Ístuksï ixú jatsisti para pánhani sapiicha engaksï tsïncheaka. Joperu parajtsï no uandanhiani jarhani, pendienti ja je chaari sapiichani jimbo ka jima jatsia je enga chá jauaka.

SIIECHA. Pʼímarhisïngaksïni eskajtsï xarhatakuauaka uékperakua máteruechani. Miá je eskajtsï chaari familiantkusï uaaka arhutakuni siia o imeechani engaksï chánksïni jingoni niuaka karrurhu, enga chánksïni jingoni irekaka o imeechani engajtsï Biblieri ambe jorhendani jaka. Asï ambe ma jurajku je siiecharhu engajtsï no úrauaka.

JARHUAJPENI. Engajtsï uéjka jarhuajpeni ánchikuarhita jingoni enga kʼéri tánguarhikuarhu úkuarhijka, ní je Departamenturhu enga arhinhajka Informasioni ka Boluntariuecha.