Jorhenguarhi je néna sánderu sési aianhpeni: jorhendaaparini jimbanhechani

Andisï jukaparhakue. Jesusiri jimbanhi jorhenguarhitichaksï jatsisti para jorhenguarhini úni “iámindu ambe” enga ima juramuka, ka ma jindesti jorhentpini jurhimbikua (Mat. 28:19, 20). Uánikuaksï ústia ambe enga uétarhijka para karakuarhini Eskuelarhu engajtsïni Jorhendajka Eianhpini ka eianguastiksïa Bibliaeri ambe familiani o amiguechani. Eskaksï na sánderu jukaparharajka ambe engaksï jorhenguarhini jaka ka mítini eska Jeoba uékasïnga eskaksï iáminduecha kurhandiaka ambakiti aianhperakuani, úndasïndiksï uandani eskaksï uékasïnga eianhpini (Rom. 10:13, 14). Engaksï sésikua intsïnhaakia paraksï eianhpiriini enga nótki itsï atakuarhijka, sési jorhendakata jarhani jarhuatauati paraksï no chéni pʼikuarherani (Luk. 6:40).

Néna úni:

Jarhuata je jimbanhi eianhpirini para jatsiani publikasionichani enga uétarhiaka para eianhpini ka jorhentpini. Exera je nénajtsï prepararisïni portafoliuni ka arhi je para ambe marhuasïni mándani publikasioni.
Márku eraku je presentasioni ma de Juchari Ánchikuarhita Reinueri ka ensaiari je. Jarhuata je para imeri uandakuechani úraani. Ensaiari je marko de sirkunstansiechani librueri Benefíciese, pájina 82, engaksï úrakuarhijka territoriurhu. Arhi je eska kánikua jukaparhakueska sési xukuparhani ka limpiu jámani (2 Kor. 6:3, 4).
Jarhuata je para sánhani arhini jorhenguarhini. Exera je tarjeta ma territoriueri ka jorhenda je néna úrani registro de casa en casa. Ístu ambe jatsikuni imecheri engaksï uékaaka sánderu mítini. Jorhenda je néna úrani eianhpikuarhu sitiuni jw.org ka foietuni Buenas nuevas para gente de todas las naciones. Jarhuata je para seguirini pʼorhembini kʼuiripuni enga uékajka sánderu mítini (1 Kor. 3:6).
Tekanta je ka arhi je eska sési úxaka (Prov. 25:11). Ambakiti ejemplu ma íntsku je. Engajtsï jánguarhintaska eianhpini ka uandanhiani imani jimbo kánikuajtsï jarhuataaka iásï ka sánderu orhepatini.

Ú je ini ambe ini kutsï jimbo:

Engajtsï íntskuni jaka estudiu nemani enga jimbanhi eianhpirika, uákajtsï márku nirani eianhpini kʼumanchikuecharhu, rebisita ma úni o estudiu ma. Engajtsï no jatsika estudiantini ma enga eianhpirikia, pʼímarhi je jimbanhi eianhpirini ma parajtsï márku eianhpini.