Ju je jorhenguarhini eianhpiricheri engaksï sánderu jorhenaka

Kánikuachi jukaparharaasïnga eianhpirichani engaksï sánderu jorhenaka. Máruksï uánikua uéxurhini marhuakustia Jeobani. Máteruechaksï jamberi apenasi jorhenguarhiti ambakiti ambe úni eianhpikuarhu. Íksï eianhpiricha exesti na enga Jesusi orhekupani jaka kúnguarhikuani, ka etsakuni ánchikuarhita aianhpikueri ka para disipulu uáni ini últimu jurhiatikuechani jimbo (Mat. 28:19, 20). Jimbokaksï uánikua uéxurhini páxakaia eianhpini, intsïnhasïndiksï “uinhapikua enga xáni kʼéri ambeka” ka inde ambe jarhuataasïndi engaksï tsʼéjkunhajka (2 Kor. 4:7). Imaksï tsitisïndi jorhendaani máteruechani ambe engaksï jorhenguarhikia ka juchachi uáka jorhenguarhini i eianhpiricheri engaksï sánderu jorhenaka (Sal. 71:18). ¿Nénachi uá ísï úni?

Eianhpikuarhu. Para sési jorhentpini eianhpikuarhu, jimbanhi eianhpirichaksï uétarhinchasïndi eska ima engaksï sánderu jorhenaka jorhendauaka. Uánikua ambeksï uáti jorhenguarhini engaksï exeaka nénaksï eianhpisïni. (Exe je temani “Cómo mantener el entusiasmo en la predicación”, párrafu tresi, subtitulurhu “Ayude a los nuevos”, de La Atalaya 15 de febreru, 2015.) ¿Nénaksïni marhuachiski ánchikuarhini imecha jingoni eianhpikuarhu?

¿Úpirintsï pʼímarhini eianhpirini ma enga sánderu jorhenaka chánksïni jingoni eianhpini? Enga pʼamenchani jaka, úpiringajtsï ménichanisï úni estudiu ma imeri kʼumanchikuarhu. Engajtsï kʼamaraakia estudiu, kurhamarhi je eianhpirini nénaksïni exeski ka eskaksïni íntsauaka máru konsejuechani.

Arhuta je tiempu parajtsï imecha jingoni jarhani. Jánguarhi je mítiani i eianhpirichani. Pʼímarhi je ma ísï imani erachini chári familieri jorhenguarhikuarhu ka entrebistari je. Enga eianhpiri pʼamenchani jaka, ¿úpirintsï imeri kʼumanchikuarhu jatsini Familieri Jorhenguarhikuani? Kurhamarhi je néna mítiski jurhimbikuani, ambe kóntperatechani íntsaski Jeoba, néna kʼéxaki kúnguarhikua desdeka Testigu úkuarhika ka ambe tsípekuarhita exentaski marhuakuni Jeobani.

Kurhangukua je erachichani ka exe je eskaksï no uáka uánikua ambe úni. Ísï eska jucha, ima engaksï ióni aianhpikia, mámaru jásï ambeksï jorhenasti úni eianhpikuarhu (Rom. 12:6-8). Máruksï jatiristia ka i ambe úsïndi eskaksï nóteru uákia xáni tiempu jarhani juchantsïni jingoni. Peruchi uáka jorhenguarhini imecheri ambe jimbokaksï sánderu jorhenaska ka méntkisïksï marhuakuni Jeobani.