Jorhendaa je paraksï méntkisï marhuakuni Jeobani

Ambe enga xáni úkuarhikia aianhpikuarhu, xarhatasïndi eska enga jimbanhi publikadori ma uénakuarhutki jorhendanhajka méntkisï aianhpini ka tsípikua jingoni, niáraaka ambakiti aianhpiri máeni (Pr 22:6; Flp 3:16). Ju je exeani máru konsejuechani nénajtsï uá cha jarhuatani chári estudiuni para sési uénani aianhpikuarhu:

• Seguiri je uénani jorhendani chári estudiuni enga publikadori úkuarhiakia (km 8/15 páj. 1). Exera je eska kánikua jukaparhakueska eska arhutaaka tiempu mándani semana para eianhpini (Flp 1:10). Ambakiti ambe uanda je territoriueri (Flp 4:8). Pʼímarhi je para uérani eianhpini grupueri orhejtsïkuti jingoni ka máteru eianhpiricha jingoni para jorhenguarhini néna engaksï eianhpijka ima (Pr 1:5; km-S 10/12 páj. 6 párr. 3).

  

• Seguiri je uinhaperantani ka jorhendani chári estudiantini, nájkiruka itsï atakuarhiakia, ka sánderia enga nótki kʼamarajka libruni “Diosïri xénchperakuarhu” (km-S 12/13 páj. 7).

  

• Engajtsï jimbanhi publikadori ma jingoni uéraaka eianhpini, presentasioni sensiiu ma úra je. Enga kʼamaraakia imeri presentasionini, felisitari je. Íntsku je konseju ma enga jarhuataaka sánderu ambakiti eianhpiriini (km-S 5/10 páj. 7).