Néna úraani grabasionichani audiueri
1. Aparti de publikasionichani engaksï imprimirikuarhijka, ¿máteru ambe jarhaski engachi uáka úrani?
1 Uánikuaksï tsitisïndi úrani jw.org para arhintani informasioni enga sési pʼikuastauaka ka jurhimbitini (Ecl. 12:10). ¿Perujtsï kurhauaskia grabasionichani audiueri? Sáno iámindu publikasionicha engaksï sitiurhu jaka, ístuksï jarhasti ini formatu jimbo. ¿Para ambeksï marhuasïni?
2. ¿Nénachi uá úraani grabasionichani parajtsïni marhuachini juchantsïni ka familiani?
2 Para jandiajku jorhenguarhini ka familia jingoni. Kurhaani grabasionichani Bibliaeri, rebistecheri o máteru publikasionicheri engachi nirani jauaka nani o engachi úni jauaka ambe ma, uáti úni eskachi sánderu sési uraaka tiempuni (Efes. 5:15, 16). Ma ambe engachi uáka úni para ménderuenini juchari familieri jorhenguarhikua, jindesti chúxapani arhintskuani publikasionirhu, grabasioniri engachi kurhani jauaka. Ka engachi jandiajku jorhenguarhiaka, grabasionichaksï marhuasïndi para ma sánderu sési arhintani o engachi jimbanhi idioma ma jorhenguarhini jauaka.
3. Juchari territoriurhu, ¿néchani sánderu marhuakuaua grabasionicha?
3 Para eianhpikuarhu. Uánikua kʼuiripu engachi exentajka eianhpikuarhu eratsisïndi eskaksï kánikua okupadu jarhaska para arhintani, peru jamberiksï uékaati kurhaani grabasioni ma. Máruksï no májkueni jásï idioma uandasïndi eska jucha ka jamberiksï sánderu uékaati kurhaani Reinueri eianhperakuani engaksï imecheri idioma jimbo kurhaaska (Uku. 2:6-8). Máru iretecharhu kánikua jukaparhakuesti kurhaani. Ejemplu ma, ireta hmong pʼindekua ma jatsisti, eskaksï tátembecha aianguauaka uájpechani uandantskuechani ka úsïndiksï fásili miáni ambe engaksï kurhaajka. Uánikua lugaricharhu África, kʼuiripu kánikua tsitisïndi jorhenguarhini kurhauaparini istoriechani.
4. ¿Ambechi jatsiski para kurhamarhikuarhini engachi uékaaka úraani grabasionichani eianhpikuarhu?
4 Juchari territoriurhu, ¿sési japirini eskachi jatsikukupiringa grabasioni ma kʼuiripuni para kurhaani imeri idioma jimbo? ¿Mítiskijtsï nemani enga úpiringa marhuanchani publikasioni ma audiueri engachi korreu jimbo axakupiringa? ¿Marhuakupirini kʼuiripuni ma enga uékaka kurhaani, engachi késkupiringa publikasioni ma disku ma jimbo ka íntskunchi publikasionini jingoni enga impresu jaka? Mándani libru, foietu, rebista o tratadu engachi íntspejka, disku o korreu jimbo, uákachi jatsikuni informirhu. Grabasionicha audiueri nóksï solu úkata jarhasti parachi úraani juchari jorhenguarhikuarhu, sino ístu parachi júskani semiiechani jurhimbikueri (1 Kor. 3:6).